2 Petero 2:2 - Bibilia Buk na Ŋun nagon koti luŋu a

² A ŋutu jore mo kepoddi lepepat i gwiliŋit lose lo yu na kwe lo kon se aka lo, a kiko lo to ’diri mo jamani arabat kogwon po na kon se kune.

2 Petero 2:2 ပူးပေါင်းရင်းမြစ်များ

Suluet 19:5

A se luŋgi Loto, a pipije lepeŋ adi, Kuliya Ŋutu logon a lupe konut ni i lo tukwaje kulo? Topukoki yi lepeŋat anyenyi böŋö yoyoja lepeŋat.

Saumajin 18:21

Kogwon nan a kebbu kikolin ti MATAT, köti nan a ko wusaddu kaŋo ko toron ko Ŋun lio i komor.

Yisaya 35:8

A kiko lo ’du ’dulu mo gwe nyu, a nye mo luŋuni a Kiko Loke lo Ŋun; a ŋutu lut mo tine lwöpöddu kata, a ŋilo kiko mo gwe a lo ŋutu logon wörö kata, a ŋutu lu ’böŋ mo tine girara nyin.

Yeremia 6:16

MATAT lo kulya sona adi, Gwo ’de ta i keresi ti kikolin, meddi ta kikolin ti ’beron, ko pije ta adi, Liya kiko logon joŋga yi i kulya nagon a na ’but? A kirut kepoddi ta ŋilu kiko, a ta mo gwe ko yukan. A lepeŋat kölumbö waddi adi, Yi ti ’bön kepoddu ŋilo kiko.

Matayo 22:16

A se soŋdi ŋutu kase kajujumuk ko lepeŋ. yu i pirit na geleŋ ko ŋutu lo juŋdyö Erode kulo, a kulyani adi, Katodinönit, yi a den adi do a ŋuto lo to ’diri, a todiŋdye kiko lo Ŋun ko to ’diri, a tine kujönö lele ŋuto, kogwon do ti yeyeju todumalan na ŋutu.

Matayo 24:24

Kogwon Masiajin ’burönök ko nebijin ’burönök mo pupukun, a mo kweji kweyesi temejik ko po sörösi, anyen tugiŋa ma ’di ŋutu lo wulwe, ko bubulö.

Matayo 7:14

Kogwon kötumit a nagusu ko kiko a Iŋgo logon tirikin i ru, a ŋutu gwe ku ’dik lo ryeju nye.

Marako 12:14

a lepeŋat poŋdi po a kulyani ko lepeŋ adi, Katodinönit, yi deden adi do a ŋuto lo to ’diri, a do tine nyunyumbö ŋutu; kogwon do ti yeyeju todumalan na ŋutu, ama do todiŋdyö kiko lo Ŋun ko to ’diri. Saret ŋona a ruk adi Kaisar bubulö ropaki usur, kode ti bulö ropaki?

Marako 13:22

Masiajin ’burönök ko nebijin ’burönök mo pupukun, a mo kweji kweyesi ko ŋo sörösi, anyen togiŋa ma ’di ŋutu lo wulwe ko bubulö.

Yoane 14:6

A Yesu waddi lepeŋ adi, Nan logon a kiko, ko a to ’diri, ko a ru. Ŋuto ’bayin lo tu ko Baba yu ake ko nye tiri köyo.

Konesi 13:10

Do nuro lo Ŋilo kaŋöönit, do a miriku lo Ŋo liŋ na ’but, do a jore ko mumulukesi liŋ se ko ŋo narok liŋ. Nyo do ti kö ’yu tukwölöŋgu kikolin lo rigwo ti Matat?

Konesi 14:2

Ama a Yudayaki logon ti ’bön yubbö kulo toŋŋe töilyet ti Lwaka, a tiŋdi lepeŋat i maŋdu na luŋasirik lo yubbö kulo.

Konesi 16:17

A lepeŋ kepoddi yi ko Paulo, a kulyajine ki adi, Kilo ŋutu a köliŋönök ti Ŋun Katoŋanit lo ki liŋ, lepeŋat tukökiŋdyö ta kiko lwökit.

Konesi 18:26

a lepeŋ suluje jambu a purutat i kadi momoret na Yudayaki, ama a na yiŋge Pirisikila se ko Akwila lepeŋ i jambu nu, a se joŋgi lepeŋ, a se tokurukiŋdye lepeŋ kiko lo Ŋun ’bura bia parik.

Konesi 19:9

Ama a kulye kase tiŋge tiŋga, a tine ’bön yubbö, a jambi kulya ti lo Kiko arabat ko ŋutu i komŋo, nyena a Paulo joŋgi kajujumuk kulo a wuddye wuddya kase kata, a jambi perok liŋ i kadi todinet nagon a na Turano.

Konesi 22:4

Nan köju a sasaŋdu ŋutu logon kebbu lo Kiko kulo ma ’di i tatuja na se, a nan toŋi ŋutu lyan ko wate, a gubakiŋdye se i kadi rereket.

Konesi 24:14

Ama nan rurukökin do adi nan twötwö Ŋun lo merenyejin kaŋ i kebbu nio na lo Kiko logon se luŋ a koret lo, yuyuŋ po liŋ nagon kata i Saresi ti Mose se ko po liŋ na wur Nebijin kune.

Roma 2:24

Kogwon gwoso na wurörikin kulya ti Ŋun kune adi, Karin ti Ŋun a lawe i kiden na Ŋutu ti jurön kogwon kulya kasu ta Yudayaki.

1 Timoteo 5:14

Nyena nan ’de ’dekan ti karu ’bejin nagon nyuŋ a na ’di ’dik kune yemani yema, anyen yuŋwe ŋwajik ko anyen saŋu midijik kase, anyen gwon ti tiŋdu miriku komor na ’but i ’dö ’döju na ŋutu ti Ŋun.

Tito 2:5

Ti se todiŋdye kayut i tiju na ’börik, ko i gwon a nake i toilyet, anyen se gwon a wate nagon a kakitak kase i midijik, ko a kanyarak, ko a katwöyök ti lyan kase.

Tito 2:8

Tambi kulyaesi logon tiŋdu nutu i gwon ’bura, logon ti bulö yuyuko, anyen merok kaŋ totoyuŋ kusik, a gwe ’bak nene po naron nagon se jajam i kulya kaŋ.

1 Petero 2:12

Gwe ta ko gwiliŋit lo ’but ko paganojin i komor, anyen na ŋökiŋdye se adi ta a katoronyak na, a se boŋo meddi konesi kasu na ’but a pupurje Ŋun i lor lo pöri nye lu.

2 Petero 2:12

Kilo ŋutu gwon gwoso kijakwa nagon ti den kulya, nagon kita gwoso i ’dekesi kase, nagon a yuŋwe anyen loloka ko tatatua. Kilo ŋutu momoröju po nagon se ti kurun kune, a se mo tatuani tatua gwoso kijakwa.

2 Petero 2:15

Lepeŋat aje ko ’yu kiko lo rigwo a iŋge giran, a kepoddi kiko lo Balam ŋuro lo Beor logon nyanyar ropaki i koŋdya na toron,

2 Petero 2:18

Lepeŋat jajambu kulyaesi lobot logon a po kana i lulukuŋdya na ŋutu logon pete rwoddu i gwiliŋit lo tupaganon kilo, a teteŋdi ’dekesi narok ti mugun se ko konesi ti yu na kwe a meyi.

2 Petero 2:21

Kodyö a na ’but kase ko se kwoŋ a ko den kiko lo löti lo rigwo, lwölwöŋ nagon se aje den lo kiko i ko ’yu na saresi loke logon aje tiki se kulo a kukutorö bot.

2 Petero 2:7

Ama a nye lwöggi Loto logon a ŋuto lo rigwo, logon dedelya parik ko konesi ti yu na kwe na kon ŋutu lorok aka kune.

Yuda 1:10

Ama kilo nutu momoröju ŋo nagon se ti kurun kune, ama tuŋ deŋdya nase na po gwon gwoso na gwolorgi kijakwa nagon ti den kulya, a kine ŋo na tukaŋi se.

Yuda 1:15

Nye po i joŋdya na ŋutu liŋ i putet, ko i ’duŋokiŋdyo na ŋutu liŋ logon ti twoju lepeŋ kilo, kogwon konesi liŋ nagon ’bayin a twoyesi nagon se a kon kune, se ko kulyaesi laesi logon kilo ŋutu katoronyak logon ti two lepeŋ kilo a jam arabat i kulya kanyit kulo.

Yuda 1:4

Kogwon kulye ŋutu kata logon a domaddu ’borik a lwön. Kilo a ŋutu logon ti twoju Ŋun, ama a löpuŋge tolien nikaŋ nagon Ŋun a tikin yi kana na anyen se koŋdya toron aka nagon joŋdya yu na kwe, a se renyani Duma likaŋ lo geleŋ logon a Matat Yesu Kristo. Koju ’beron lepeŋat a wuloki i ’duŋoki na ŋilo putet.

Yuda 1:7

Köti yeyeji ta Sodoma ko Gomora se ko köjinö na diŋö ko se kunu, nagon ŋutu kase a kita gwoso na koŋdi malaikajin na, a koŋdi toluŋ ko i kepoddu na ’dekesi lepelok nagon ’bayin a ti mugunya, a se iŋge ŋoŋga riŋet i kimaŋ na yeŋ nyin. Kulya kase a tiki a miret.

Kweyatti 12:9

A ŋilo kitun duma logon gwe a munu lo ’beron lo, logon lupu a Kaŋöönit ko a Satani, logon a togiraddu jurön liŋ ti kak, iŋge gube i na kak, a malaikajin kanyit iŋge gube kak ko lepeŋ i pirit na geleŋ.

Kweyatti 13:14

A lepeŋ togiraddi ŋutu ti na kak i koŋdya na kweyesi nagon a ’buruki nye i koŋdya i komor na ŋilo gworoŋ. A nye takiŋdye ŋutu ti na kak anyen teteŋdya nyömue a na gworoŋ lo toko ko baŋdu ama gwon jörun lo.

Kweyatti 13:8

A ŋutu liŋ lo gwolor i kak ni kulo mo twoji lepeŋ, kweja adi se liŋ logon karin kase koju suluja i gweya na na kak a ko wuröki i buk na ŋutu lo gwon jörun na, nagon a buk na Kilolor lo tatua lo.