2 Petero 2:10 - Bibilia Buk na Ŋun nagon koti luŋu a

¹⁰ kegga se logon wöwörö i ’dekesi kase narok ti na mugun, logon a kalaak ti ’bon sara kilo. Kilo katodinok ’buronok a kipajin, koŋdya gwoso na ’deggi se na, a tine kujono momoröju teŋ na malaikajin lo bubula.

2 Petero 2:10 ပူးပေါင်းရင်းမြစ်များ

Suluet 49:6

Ti ködudwö nio gwe ti lupö kasei yeyeesi mwönyesi; ti töili lio gwe ti morakiŋdya kase; kogwon i woran nase a se tatujeŋutu, ŋkoi, i koŋdya nase aka a se ’duŋge ludaŋin ti dwönin.

2 Samuele 20:1

A lele ŋuto mök gwe nyu karin kanyit a Seba, ŋuro lo Bikiri Benyaminatyo; a lepeŋ kuddye tore adi, Kulya kaŋ ’bayin ko Dawidi, yi ’bak lomore i ŋuro lo Yisai;ta ŋutu liŋ ti Yisaraele, yitöni ta kasu i midijik!

1 Moran 12:16

A ŋutu liŋ ti Yisaraele ko meddi adi mor ti yiŋ se, a se nyökökiŋdye mor ruket adi, Kulya kaŋ a nyo ko Dawidi ŋuro lo Yisai? Yi ’bak nene lomore ko lepeŋ. Ta ŋutu ti Yisaraele, yitöni ta kasu i midijik! Ta ŋutu ti Dawidi, sopinana meddi ta kötumit nasu. A ŋutu liŋ ti Yisaraele reara kase i midijik.

Saumajin 12:4

se kilo logon jajambu adi, Yi tete ’ya ko ŋedep a kaŋ, kutusen kaŋ gwon a kaŋ; ŋuto a ŋa logon a matat likaŋ?

Yuörö 22:28

Do ködyö ti lömbu ŋun, kode moru kasaranit lo Ŋutu kasu.

Katokuönit 10:20

An do ko lombu mor ma ’di konut i toili, kode lombu ŋuto kwörinit konut i kadi dotoet; kogwon kwenti mo ’do ’dokoro jamesi kulok, a ŋo lo ’da ’daju mo nyonyokoddi kine kulya.

Yeremia 2:31

Ta nyakwariat, tirikuni ta kulya­et lio lo MATAT. Nan köju ŋona gwon a yöbu i Yisaraele, kode a kak nagon a mudwe le? A kirut nyo nagon ta ŋutu kwe kulyani adi, Yi gwe a lui; yi tine ’bön yitö konut ŋini kwöŋ?

Kenet 15:30

Ama ŋuto lo koŋdya nene ŋo aka ko tukaŋan, kode nye a ŋuto lo yuŋwe i pirit kode nye a lwaka-tyo, ŋilo ŋuto aje moru MATAT; a lu ŋuto ködyö riköjine kaŋo i kiden na ŋutu kanyit.

Luka 11:25

a nye ko ’dure, a nye ryeji nu kadi a reya a nake, ko a kukuna ’bura.

Luka 19:14

Ama a ŋutu kanyit ti jur maŋdi lepeŋ; a se yokiöddi ŋutu ko lepeŋ i mukök, adi, Yi ti ’bön ŋilo ŋuto gwon a mor likaŋ.

Konesi 23:5

A Paulo waddi adi, Luŋasirik, nan a ko den adi lepeŋ a koane duma; kogwon a wurö adi, Do ködyö ti jambu arabat i kulya ti kasaranit lo ŋutu kasu.

Roma 8:1

Nyenagon soŋinana ŋutu logongwe ko Kristo Yesu i mugun kilo tine ’duŋöki putet riŋet.

1 Korinto 6:9

Ta a ko den le adi katoronyak mo ti gwon a ŋutu ti tumatyan na Ŋun le? Ko kaka lakiŋdya ta ’börik; kweja adi kawutejin, kode kakwakwasak ti nyömuejin, kode kalupejin, kode ŋutu lyan logon dodototu ko ’börik,

2 Korinto 10:3

Yi ’diri gwolor i na kak, ama yi ti moro gwoso na ’deŋgi ŋutu ti na kak na,

Epeso 4:19

Lepeŋat ti yeyeju nene ŋo kwöŋ, a pakiŋdye ’börik i koŋdya aka ŋo ti yu na kwe, a gomani koŋdya ŋo liŋ nagon a lut.

Epeso 5:5

Dene ta den ’bura adi, ŋuto logon a kalupe, kode logon koŋdya ŋo narok nagon toyujö kusik ti ŋutu, kode lo goma ŋo gwoso nye a ŋun lonyit, ŋuto gwoso ŋilo ti bulö wuju nene ŋo i Tumatyan na Kristo se ko Ŋun.

Kolosai 3:5

Nyenagon tatuje ta swöton ti mugunya kasu nagon a ti na kak kune, nagon joŋdya towuton, ko tolutan, ko ’dekesi ti mugun, ko ’dekesi narok, se ko goma. (Ŋina goma gwon gwoso nye a ŋun ilot.)

1 Tesalonike 4:7

Kogwon Ŋun a luŋun yi i kelan ti gwon i tolutan.

2 Timoteo 3:2

Kogwon ŋutu mo gwon a kanyarak ti ’börik ko a kanyarak ti gurut, ko a kabulak ti kusik, ko a kapupurak ti ’börik, ko a kamomorok. Lepeŋat ti twöju kayupwök kase, ti tiŋdu tinate, a koŋdi ŋo na rurwan nagon ti kona.

Tito 1:7

Kogwon kametanit duma kodyo gwon ’bak yuyuket, kogwon lepeŋ a katiyunit lo mede na Ŋun. Lepeŋ agu kodyo ti koŋdya gwoso nagon nye ’de ’dekan, lepeŋ kodyo ti woran ’de ’de, kode gwon a kamere, kode a kamörönit, kode goma gurut.

Ebere 13:4

Ti ŋutu liŋ ködyö twöni twö yemet, ko ti dotoet gwe ti toluta, kogwon Ŋun mo ’du ’duŋgö putet lo kawutejin se ko lo kaluŋök.

2 Petero 3:3

A kokwe dene ta den adi i perok ’dutesi kakwekweniak logon koŋdya gwoso i ’dekesi kase kulo mo popo, a se mo kwekwenine ko ta.

Yuda 1:10

Ama kilo nutu momoröju ŋo nagon se ti kurun kune, ama tuŋ deŋdya nase na po gwon gwoso na gwolorgi kijakwa nagon ti den kulya, a kine ŋo na tukaŋi se.

Yuda 1:16

Kilo ŋutu a kawiwinyak a tine lyoŋon i nene ŋo, lepeŋat woro i ’dekesi kase narok, a jambi kulyaesi lobot logon a ŋo kana, a ’bu ’buddye kulye ŋutu anyen ryeju nene ŋo.

Yuda 1:18

Lepeŋat koju takiŋdya ta adi, Kulye ŋutu logon a ka ’dö ’döyök mo pupukun i perok ti ’dutet, logon woro i ’dekesi kase narok nagon ’bayin a twoyesi ti Ŋun.

Yuda 1:4

Kogwon kulye ŋutu kata logon a domaddu ’borik a lwön. Kilo a ŋutu logon ti twoju Ŋun, ama a löpuŋge tolien nikaŋ nagon Ŋun a tikin yi kana na anyen se koŋdya toron aka nagon joŋdya yu na kwe, a se renyani Duma likaŋ lo geleŋ logon a Matat Yesu Kristo. Koju ’beron lepeŋat a wuloki i ’duŋoki na ŋilo putet.

1 Samuele 10:27

Ama a kulye ŋutu logon a mokon kulyani adi, Lo ŋuto bubulö lwöggu yi ada? A se lauŋdye lepeŋ a tine jakiŋdya nye ’dokesi. Ama a nye yiŋani taliŋ.