2 Petero 1:7 - Bibilia Buk na Ŋun nagon koti luŋu a

⁷ ko i ’yalakiŋdya na toluŋaseran kasu i kugga na Ŋun, ko i ’yalakiŋdya na nyaŋu kasu i toluŋaseran.

2 Petero 1:7 ပူးပေါင်းရင်းမြစ်များ

Roma 12:10

Tunyare ta tunyar ko ’börik gwoso luŋasirik, möŋi ta kugga kulye ŋutu lwölwöŋ nagon ta kugga ’börik.

Galatia 6:10

Nyenagon gwoso na gwoŋdi yi ko komor na ’but na, ti yi konakiŋdye ŋutu liŋ ŋo na ’but, kegga i se logon yi gwon a mede geleŋ ko se i yupet kulo.

Kolosai 3:14

Lwölwöŋ kine ŋo liŋ, torakiŋdye ta nyaŋu gwoso kamba nagon torakiŋdya ŋo liŋ i pirit na geleŋ, anyen ŋutu gwon a lo ’but ko töili geleŋ.

1 Tesalonike 3:12

Ti Matat tuŋdine nyaŋu nasu anyen gwon a duma parik, anyen ta tutunyar ko ’börik se ko ŋutu liŋ, gwoso na nyaŋi yi ta na.

1 Tesalonike 5:15

Ti ŋuto logon a konaki arabat lo ti gwe ti ropakiŋdya ŋo naron, ama ŋupi möŋi ta i tukonakin ko ’börik ŋo nagon a na ’but ko i ŋutu liŋ.

Ebere 13:1

Yeŋe ta nyaŋu ’börik gwoso luŋasirik ko Kristo i mugun.Yeyene ta yeye wuju Lwaka a kömu kasu i midijik.

1 Petero 1:22

Ta soŋinana aje toke ’ya ’börik i twöju nasu na kulya ’diri, a ta nyaŋi luŋasirik lo yubbö kilo ko tugwakan, nyena nyare ta nyar ’börik ko töilyet kasu liŋ.

1 Petero 2:17

Twoji ta ŋutu liŋ. Nyare ta nyar luŋasirik lo yubbo kilo. Kuŋge ta Ŋun. Twoji ta mor.

1 Petero 3:8

Kune gwe a kulya ti ’dutet adi, ta liŋ ködyö gwon ko töili gelen, i ŋaŋu na delyaesi ko lyöŋesi i pirit na geleŋ ko kulye ŋutu; tunyare ta tunyar ko ’börik gwoso luŋasirik, gwe ta kowon na konyen se ko töilyet lokoyokak.

1 Yoane 3:14

Yi a den adi yi aje lwöpöddu kaŋo i twan tojo i ru, kogwon yi nyanyar luŋasirik. Nye logon ti nyaŋu lo lepeŋ yeŋon i twan.

1 Yoane 3:16

Ko ŋina kwe yi aje den ko nyaŋu a nyo, adi Kristo a paju ru nanyit kogwon kulya kaŋ. Nyena ti yi agu kodyo paji ru nikaŋ kogwon kulya ti luŋasirik.

1 Yoane 4:21

Lo a saret logon yi a wu ko Kristo lo adi, ŋuto logon nyanyar Ŋun lo, ŋilo ŋuto agu ködyö nyanyar luŋaser köti.