2 Petero 1:3 - Bibilia Buk na Ŋun nagon koti luŋu a

³ Matat likaŋ ko riŋit nanyit na Ŋun na, aje tiŋdu yi po liŋ nagon ’de ’dekarikin i gwolor ko i kugga na Ŋun.

2 Petero 1:3 ပူးပေါင်းရင်းမြစ်များ

Saumajin 110:3

ŋutu kulök a wukindya ’börik i lor lo luŋgi do kamörök lu i merya loke loki. Teton kulök ŋoŋo konut gwoso ŋuŋutut lo waran na kak.

Saumajin 84:11

Kogwon MATAT Ŋun gwon a kolor ko a ’buku gayet; MATAT a tindu ’busan ko bulet. Nye ti renya tindu nene ŋo geleŋ na ’but i ŋutu logon wöwörö gwogwo kulo.

Tolupesi 12:4

Nakwan na ’but gwon a Iŋguya lo lalet; ama a nye na Jondya yu na kwe na gwe a kato ’burönit na kuyu ti lalet.

Tolupesi 31:10

Ŋa logon bubulö ryeju nakwan nagon kikita go liŋ ’bura? ’Bulit nanyit totoŋun ŋurupö nator na gwörö go.

Tolupesi 31:29

Wate jore kikita ŋo liŋ ’bura, ama do a Iwoŋ lepeŋat liŋ.

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Roma 8:32

Lepeŋ a ko renya tiŋdu Ŋuro lonyit gwak, ama nye a wukin lepeŋ kogwon yi liŋ. A ko lepeŋ a koŋdya sona, nye ŋona mo ti tikin yi ŋo liŋ abur ko lepeŋ i pirit na geleŋ le?

Roma 9:24

Yi gwoso kilo sapya logon nye wowoji konyen kilo. Nye a ko lupuŋdya yi i kiden na Yudayaki ka ’de, ama nye köti a lupuŋdya yi i kiden na ŋutu ti jurön;

1 Korinto 1:9

Ŋun logon a lupuŋdya ta i tojulin ko Ŋuro lonyit Yesu Kristo Matat likaŋ lo, lepeŋ a Ŋun lo yiyiniki i koŋdya na ŋo nagon nye a jambu adi nye kökon kune.

2 Korinto 12:9

Ama a nye waddi nan adi, ’Busan nio na nyaŋu a jukin do, kogwon riŋit nio wora a duma parik i ŋuto lomunyan. Nyena nan lyölyöŋön bia parik i bu ’ya na mugun kogwon tomunyan nio, anyen riŋit na Kristo böŋö gwon köyö i mugun.

Epeso 4:1

Nyenagon nan logon a rereka kogwon kulya ti Matat likaŋ lo, nan mo ’yu ta anyen ta böŋö wörö jojo i luŋit nagon a luŋuri ta na.

Epeso 4:4

Mugun geleŋ kata, Mulökötyo geleŋ kata, gwoso nagon Ŋun a luŋgi ta i parundya na ŋina yenet na geleŋ na;

Pilipoi 3:8

Iŋkoi, nan kiuŋdyö ŋo liŋ adi se ’bak ’bulit, kogwon deŋdya nio na Kristo Yesu Matat liŋ a ’bulit duma parik lwölwöŋ ŋo liŋ. Nan a tolikin ŋo liŋ kogwon kulya kanyit, a nan iŋge kiun kine ŋo liŋ gwoso korodo, anyen nan böŋö ryeju Kristo

Pilipoi 4:8

Luŋasirik, kune gwe a kulya ti ’dutet. Yeyene ta yeye ŋo liŋ nagon a gwak, ko ŋo liŋ nagon bubula, ko ŋo liŋ nagon a na rigwo, ko ŋo liŋ nake nagon ’bak toron, ko ŋo liŋ nakwekwelen ko ŋo liŋ na nyanyara, kweja adi ŋo liŋ nagon a na ’but bia parik nagon jujukin i pupura.

Kolosai 1:16

kogwon Ŋun a gweja ŋo liŋ kogwon tomirian na ŋilo Ŋuro, kode se a ŋo ti ki kode a ti kak ni, kode se a ŋo nagon memeta kode nagon ti meta kune, kode a si ’daesi ti kimak, kode a todumalan, kode a tumatyanjin, kode a kidoni saresi; iŋkoi, Ŋun a gweja ŋo liŋ kogwon tomirian na Ŋilo Ŋuro ko a kanyit.

1 Tesalonike 2:12

anyen ta böŋö wörö a lo ’but i tulyöŋgu na ŋun, logon a lupuŋdya ta i tumatyan nanyit ko i minyo lonyit lo.

1 Tesalonike 4:7

Kogwon Ŋun a luŋun yi i kelan ti gwon i tolutan.

2 Tesalonike 2:14

Lepeŋ a luŋukin ta i kine kulya kogwon Loŋe Lo ’but logon yi a jakin ta lo, anyen ta ködyö wuju minyo lo Matat likaŋ Yesu Kristo.

1 Timoteo 4:8

Tojumbu na mugun gwon ko ’bulit a na ’dit, ama twöju na Ŋun gwon a ’bulit i ŋo liŋ, kogwon ŋina twöju rurukökin kulya ti gwiliŋit lo soŋinana se ko gwiliŋit lo popo.

2 Timoteo 1:9

Lepeŋ a lwöggu yi a luŋgi yi i gwon a Ŋutu kanyit loke. Lepeŋ a ko luŋgu yi kogwon ŋo na kon yi kune, ama kogwon yeyeet nanyit se ko ’busan na nyaŋu nanyit nagon nye a tiŋdu yi ko Kristo Yesu i mugun koju ’beron ti kak nyuŋ ’bayin.

Ebere 1:3

Lepeŋ pararaju ko minyo lo Ŋun, ko a ŋo ji ŋoti gwak na Ŋun a kelajine ko lepeŋ. Ŋilo Ŋuro ’debba kak ’bukuluŋ ko kulyaet lonyit lo riŋit. A nagon nye aje lalaju toronjin ti ŋutu nu, a nye si ’dakine kak i konin lutaten lo Mor lo gwon ki lu.

1 Petero 1:15

Nye lo luŋgu ta lo a loke, nyena koti gwe ta a loke i ŋo liŋ.

1 Petero 1:5

Nyena kogwon ta a yubbö Ŋun, a lepeŋ iŋge tiju ta ko riŋit nanyit tojo ko lwoko nasu. Ŋina lwökit mordu kweye kaŋo i diŋit na ’dutet.

1 Petero 2:21

Kogwon ta aje luŋuki i kine kulya, kogwon Kristo koti aje ŋoŋgo kogwon kulya kasu, a kolökiŋdye ta miret anyen ta kodyo kepoddu mokosi kanyit.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

1 Petero 3:9

Ko ropakiŋdya ta toron ko toron, ko ŋutu a moru ta ko ropakiŋdya ta se ko moru, ama kölumbö luŋgi ta ’boriet ko Ŋun kogwon kulya kase, kogwon ta aje luŋuki i kine kulya anyen ta böŋö wuju ’boriet.

1 Petero 5:10

A i mukök nagon ta aje ŋoŋgo ko diŋit a na ’dit nu, a Ŋun lepeŋ mo toluduŋge ta, a togo ’yi ta, a togwi’dikiŋdye ta go. Lepeŋ a Ŋun logon ’busan na nyaŋu liŋ gwon ko lepeŋ, logon a lupuŋdya ta i parundya na bulet na yeŋ nyin ko Kristo i mugun lo.

2 Petero 1:10

Nyenagon luŋasirik kwe, tisakiŋdye ta ’borik anyen ta boŋo tiŋdu luŋu nasu ko wulwe nasu i dena gwak. Kogwon ko ta kökon kine ŋo a ta mo tine ’doro kwöŋ.

2 Petero 1:2

Nan roman ko ta adi, Ti ’busan ko taliŋ gwe ko ta bia parik i deŋdya nasu na Ŋun ko na Yesu Matat likaŋ.

2 Petero 1:5

Nyena kogwon ŋina kwe, tisakiŋdye ta ’böriki ’yalakiŋdya na kelan kasu i yupet, ko i ’yalakiŋdya na deŋdya kasu i kelan,

2 Petero 1:6

ko i ’yalakiŋdya na teŋgu na ’borik kasu i deŋdya, ko i ’yalakiŋdya na ŋoŋaddu tojo ko ’dutet kasu i teŋgu na ’borik, ko i ’yalakiŋdya na kugga na Ŋun kasu i ŋoŋaddu tojo ko ’dutet,

2 Petero 1:8

Kogwon ko ta gwon ko kine ŋo abur, a se tiŋdi ta adi ta ’bayin a yokia kode ’bak ludweki i deŋdya nasu na Matat likaŋ Yesu Kristo.

2 Petero 2:20

Kogwon ko ŋutu aje rwoddu i tolutesi ti na kak kogwon deŋdya nase na Matat likaŋ Kalwokonit Yesu Kristo, ama ko kine tolutesi koti aje mok se, a iŋge te se, a kulya kase worani a narok bia parik Iwolwöŋ ti kokwe kunu.

2 Petero 3:18

Ama yeŋe ta i ’duŋo i ’busan na nyaŋu ko i deŋdya na Matat likaŋ Kalwokonit Yesu Kristo. Ti bulet gwe ko lepeŋ soŋinana ko ŋupi ŋupi. Amin.

Ruta 3:11

Nyena ŋuro nio, an do ko kujono, nan de kökonakin do ŋo liŋ nagon do a piyun kune, kogwon ŋutu kaŋ ti köji a den adi do a ŋuto na ’but.