2 Petero 1:19 - Bibilia Buk na Ŋun nagon koti luŋu a

¹⁹ Kine ŋo a tin yi i yubbo bia parik kulyaesi lo jam nebijin koju kulu. Ködyo a na ’but ko ta yiyiŋ kilo kulyaesi, kogwon se gwon gwoso lombo lo kobbu i pirit nagon a mudwe tojo ko baŋun na kak, a dabur puköki kasu i toilyet.

2 Petero 1:19 ပူးပေါင်းရင်းမြစ်များ

Kweyatti 22:16

Nan Yesu a sunyuŋdyo malaikatat liŋ i tokurukiŋdyö na ta kine kulya kogwon kulya ti kanisajin. Nan a kokorite ko a nyakwari lo Dawidi. Nan a dabur lo kokobbu.

Yisaya 9:2

Ŋuto lo wöwörö i mudwe kilo a meddya parara duma; se logon sisi ’da i jur logon twan gwon kata kilo, parara a loja se.

Saumajin 119:105

Kulyaesi kulök gwon a lombo anyen nan bubulö wörö ’bura, ko a parara köyö i kiko.

Yoane 5:39

Ta keŋdya kulya ti Ŋun na wuro kune ko tirikwet kogwon ta yeyeju adi ta ryoryo ru na yeŋ nyin kata, ama se kilo lo tokurukindyo kulya kwe;

Kweyatti 2:28

a nan mo tiŋdi lepeŋ kaserököti lo luŋu a dabur.

Yisaya 8:20

Tirikuni ta i yiŋga na saresi ko todinesi! A se ’diri jambi gwoso i lo kulyaet, logon baŋun nanyit na kak gwe ’bayin.

Tolupesi 6:23

Kogwon saresi gwon gwoso lombo, a todinesi gwe gwoso parara, a kukuesi tojumisi gwe gwoso kiko lo tu i ru,

Yoane 5:35

Yöaŋe a lombo lo tutule ko a lo kokobbu, a ta koju nyare nyar lyolyoŋi kanyit i parara ko diŋit a na ’dit.

Matayo 4:16

ŋutu lo si ’da i mudwe kilo a meddya parara duma, se lo si ’da i jur logon twan gwon kata kilo parara a pukökin kase.

Yoane 8:12

A Yesu köti kulyani ko ŋutu kulo adi, Nan a parara na ŋutu ti na kak. Nye logon kebbu nan lo ti wörö i mudwe kwöŋ, ama lepeŋ gwon ko parara toruet.

1 Yoane 5:10

Nye logon a yubbö Ŋuro lo Ŋun lo, lepeŋ gwon ko kulya na tokoro kune kanyit i mugun. Nye logon ti yubbö Ŋun lo, lepeŋ aje kon Ŋun a ’burönit, kogwon lepeŋ a ko yubbo kulya na tokor Ŋun i kulya ti Ŋuro lonyit kune.

1 Petero 1:10

Nebijin logon koju aje keju adi Ŋun mo ’dogga ta kilo aje ga ’yu nina lwökita iŋge piyuŋdya kulya kanyit ko tirikwet.

Yakobo 2:8

Ama ko ta ’de ’dep saret lo Mor logon a wurö adi, Do ködyö nyanyar marate ilot gwoso mugun inot, a ta aje koŋdya ’bura;

Konesi 17:11

A Yudayaki lo gwon nyu kulu gwe a ŋutu lo ’but lwölwöŋ ŋutu ti Tesalonike, kogwon se a wuju ŋilo kulyaet ko pusök a duma, a lepeŋat keŋdi kulya ti Ŋun na wurö kune temba i lor gaga ’yu kode ŋona kine kulya ’diri a gwak.

Konesi 15:29

adi ta ködyö paju kinyojin logon wuki ŋunyen logon a nyömuejin, a paji nyesu na rima, ko nyesu na ŋo nagon totolo, köti ta ködyö teŋgu ’börik i towutön. Ko ta a teŋgu ’börik i kine ŋo, a ta mo koŋdi ’bura. Ti Ŋun gwe ko ta.

3 Yoane 1:6

Lepeŋat a nyönyöggu nyaŋu inot i komor na ŋutu lo momora a kanisa kulo. Ŋaraki lepeŋat i jölö nase i ŋo lio nagon jujukin tulyöŋgu Ŋun logon yi kitakiŋdya lepeŋ lo.

Yisaya 41:26

Ŋa lo tukökiŋdyö kine kulya i suluet, anyen yi böŋö deden? Ŋa lo jambu kine kulya a kokwe, anyen yi böŋö kulya adi, A gwak? iŋkoi, lele ŋuto ’bayin logon a tukökin, iŋkoi, lele ’bayin lo jambu kine kulya, iŋkoi, lele ’bayin lo yiŋga jamesi kulök.

Yisaya 14:12

A dyoŋ, do a ’durtirin kak ki yu, do Dabur, ŋuro lo baŋun na kak! A dyoŋ, do a tukuki kak, do logon a to ’doroju jurön kak!

Ebere 2:2

Saresi ti Ŋun lo jama koju ko malaikajin kulo gwogwo ’dan go, ko ŋuto logon a laŋgu se kode a ko two se lo, lepeŋ riripa ko ripet nagon jujukin toron nanyit;