2 Petero 1:16 - Bibilia Buk na Ŋun nagon koti luŋu a

¹⁶ Kogwon na tukokiŋdye yi ta riŋit na Matat likaŋ Yesu Kristo se ko po nanyit nu, yi a ko mirakiŋdya likikirilon kana logon yolo ko koŋon na ŋutu, ama yi aje met lepeŋ ko konyen kaŋ i todumalan nanyit.

2 Petero 1:16 ပူးပေါင်းရင်းမြစ်များ

Malaki 3:2

Ama ŋa logon jojo ŋoŋga i lor lo poŋdi nye lu? ŋa logon jojo gwo ’dan na pukuŋdye nye nu? Kogwon nye gwon gwoso kimaŋ na bodo kanamanit ko gwoso sabun tokwekweyet lo boŋgwat;

Malaki 4:5

Mete ta, nan mo sunyukiŋdyo ta nebi Eliya a kokwe na ’dur na ŋilu lor duma lio lo MATAT logon a tokujönöet ko a sörit lu.

Matayo 16:27

Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase.

Matayo 16:28

’Diri nan takiŋdya ta adi, Kulye ŋutu kata i kulo ŋutu logon gwogwo ’dan ni kulo, logon mo ti waŋ twan a kokwe na meddi se nan Ŋuro lo ŋuto i po i tumatyan nio nu.

Matayo 17:1

A i mukök na perok buker a Yesu joŋgi Petero, ko Yakobo, ko Yoane luŋaser Yakobo, a nyömöddi lepeŋat ki i mere lojo anyen se gwon ka ’de kulye ŋutu ’bayin.

Matayo 24:27

Kogwon gwoso na meme ’dekuŋdye kipya lo ki suluja i swöt lo ’yure a meme ’dekara i swöt lo tokotyaŋ nu, a po nio na Ŋuro lo ŋuto mo gwe sona.

Matayo 24:3

A na si ’dari Yesu i Mere lo Jeitun nu, a ŋutu kanyit kajujumuk poŋdi i pija na lepeŋ na gwoŋdi se ka ’de nu, adi. Taki yi diŋit nagon kine po mo kokonari, köti kweyet mo a nyo i po inot ko i ’dutet na na kak?

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Marako 13:26

a kirut ŋutu mo meddi nan Ŋuro lo ŋuto popo i ’dikolo ko riŋit a duma parik se ko minyo.

Marako 14:62

a Yesu ruŋge adi, lye, nan a nye. Ta mo memet nan Ŋuro lo ŋuto sisi ’da i könin lutaten lo Loriŋit, po i ’dikolo ti ki.

Luka 1:2

a se wuŋe ŋo nagon aje taki yi ko ŋutu lo meddya kine kulya suluja i suluet, a iŋge laŋa lore lo ’but lo kine kulya.

Luka 9:43

a ŋutu liŋ iŋge söŋu ko todumalan na Dun. A na gwoŋdi ŋutu liŋ i söŋu ko ŋo liŋ nagon Yesu aje kon kunu, a nye kulyani ko ŋutu kanyit kajujumuk kulo adi,

Yoane 1:14

A Kulyaet lo worani a ŋuto, a mönuŋdye kayaŋ kiden, a yi meddi kwelen nanyit, kwelen gwoso ŋuro pilili lo Monye, a jore ko ’busan na nyaŋu se ko to ’diri.

Yoane 17:2

kogwon do aje tin nan kido saret na ŋutu liŋ, anyen nan boŋö tiŋdu ru na yeŋ nyin i ŋutu liŋ logon do aje tikin nan kulo.

Roma 1:4

ama i gwon nanyit ko toili loke, lepeŋ a kweya ko riŋit a duma adi nye a Ŋuro lo Ŋun, kogwon toŋiyu nanyit i twan.

1 Korinto 1:17

Kristo a ko sonyoddu nan i batiddya, ama lepeŋ a sonyoddu nan i tokuddu na Loŋe Lo ’but ko kulyaesi logon köke, ti gwon ko kulyaesi logon ŋo ’ya ko koŋon na ŋutu ti na kak, an twan na Kristo i kodini na goro wora a ŋo kana.

1 Korinto 1:23

ama yi a tokujo kulya ti Kristo adi nye a ’bikiki i kodini na goro. Kine kulya a köpuggö Yudayaki, a ŋuto ti kulye juron yeyeji adi kine kulya a Ŋo na ’boŋ,

1 Korinto 1:7

Nyena a ta gwe ti yaŋan i wuju na nene ’doket nagon Ŋun a ’doggi Ŋutu kanyit i toili, na momordi ta kweya na Matat likaŋ Yesu Kristo nu.

1 Korinto 2:1

Luŋasirik kwe, na tiri nan kasuŋini i tokukiŋdyo na ta na kulya Iwono ti Ŋun nu, nan a ko jambu kulyaesi logululok ti koŋon.

1 Korinto 2:4

Nan a ko todiŋdyo kode tokujo gwoso ŋuto lokoŋ i lopuggo na ta ko kulyaesi logon a ti kopon, ama nan a kwekiŋdya ta kulya gwak ti Mulokotyo Loke logon ko riŋit lo,

1 Korinto 5:4

i karin ti Matat Yesu i ŋuto lo koŋdya ŋo gwoso ŋina lo, gwoso nagon nan ’diri kata ŋini. Na momori ta nu, a toili lio gwe kasu ŋini, se ko riŋit na Matat likaŋ Yesu,

2 Korinto 2:17

Yi ti yeyekaddu kulyaet lo ŋun gwoso na koŋdi kulye ŋutu jore na, adi a ŋo na ’di ’dik nagon katujarak tutugwör kune; ama yi tokujö kulyaet lo ŋun ko to ’diri ko Kristo i mugun ko ŋun i komor, gwoso ŋutu logon Ŋun lo yökijö kilo.

2 Korinto 4:2

Yi aje renya konesi na mukö ti yu na kwe, yi gwe ’bayin a kamumulukak. Yi ti tukwölöŋgu kulyaet lo Ŋun, ama tuŋ yi kwekiŋdya kulya ti to ’diri köke, a yi tiŋdi ŋutu liŋ ko Ŋun i komor i deŋdya kase i töilyet adi yi a lo ’but.

Epeso 4:14

A yi mo köti tine gwon a ŋwajik logon yeyeesi kao yalaŋ abur i kulya ti todinesi ka ’de ka ’de nagon gwon gwoso yalajin logon köbuŋöt lo ya ’yu. Kine todinesi ŋutu totodin ko koŋon nase nagon se yeyeŋ togiraddu ŋutu ko kulya ’burönö kune.

Pilipoi 3:21

Lepeŋ mo kita ko riŋit nanyit nagon teluŋdya ŋo liŋ a kanyit na, i löpuggö na kune mugunya kaŋ namunyak ti na kak kune, anyen se wora gwoso mugun nanyit nakwekwelen na.

1 Tesalonike 2:19

Kogwon na poŋdi Matat likaŋ Yesu molu nu, a yi mo ryeji yenet nikaŋ, ko lyoŋon nikaŋ, ko Iŋguya likaŋ telet i ko ŋa? Ti gwon kasu le?

2 Tesalonike 2:9

Pukun na ŋilo ŋuto logon ti ’bon saresi lo gwon a kita na Satani, a ŋilo ŋuto mo koŋdi kitajin temejik ka ’de ka ’de ko kweyesi se ko sörösi ’burönö,

1 Timoteo 1:4

Ko ti se gwe ti yiŋga likikirilön kana se ko kena na karin ti merenyejin nagon ti ’duddyo, gwoso i yuŋwe nase. Kine kulya joŋdya piyesi kana jore, ama a se tine bulo kita yeyeet na Ŋun nagon kita ko yupet.

1 Timoteo 4:7

Nyena paji likikirilön kana ti na kak logon gwoso likikirilön ti ŋutu wate nagon a muduŋin. Tojumbi mugun i twöju na Ŋun.

Tito 1:14

ko ti se gwe ti ’depakiŋdya i likikirilon ti Yudayaki se ko i saresi ti ŋutu logon aje lopukuŋdyo kaŋo i kulya ti to ’diri kilo.

2 Petero 2:3

A se mo lulukuŋdye gurut kasu ko todinesi ’buröno kogwon goma nase. Ama putet logon koju ’beron a ’duŋoki i lepeŋat lo momöŋdu lepeŋat. Katukaranit lose ti doto.

1 Yoane 4:14

A yi iŋge met a yi iŋge tokoŋu adi, Ŋun Monye a sunyuŋdyö Ŋuro lonyit anyen gwon a Kalwökönit lo ŋutu ti na kak.

Yuda 1:14

Kilo ŋutu a se logon Enoka toburyo lo nyakwariat ti Adama a keju koju i kulya kase adi, Mete, Matat mo popo ko malaikajin kanyit loke alipan ti alipan.

Kweyatti 1:7

Mete, lepeŋ ŋoŋo ko ’dikolo. A ŋutu liŋ mo meddi lepeŋ. Se lo rembu lepeŋ i kulo mo memet lepeŋ, a gweyajin lio ti ŋutu ti kak mo gwine lepeŋ. Ti gwe sona. Amin.