2 Petero 1:14 - Bibilia Buk na Ŋun nagon koti luŋu a

¹⁴ Kogwon nan deden adi ko diŋit a na ’dit nan mo kokolokin na morogo nio, gwoso na kwekiŋdye Matat likaŋ Yesu Kristo nan nu.

2 Petero 1:14 ပူးပေါင်းရင်းမြစ်များ

Yisaya 38:12

Pirit si ’daet nio a ’dotoji ko a joŋa kaŋo köyö gwoso kemia na kayukunit; a, nan doŋgi gwiliŋit nio gwoso kagweyanit lo boŋgwat; a MATAT ’duŋöddi nan kaŋo i patala mönikön lo toraki i ködini gweyet lo boŋgo. A do yeŋe tomijo nan temba i ko ’bure tojo kö tukwaje,

Yoane 13:36

A Simona Petero pije lepeŋ adi, MATAT, do tu da? A Yesu waddi adi, Do ti bulö moraddu ko nan soŋinana i pirit nagon nan tu kata nu, ama do mo keporo nan i mukök.

Konesi 20:25

Nyena soŋinana mete ta, nan a den adi ta liŋ logon nan a tu kasu ŋini i tokujö na kulya ti Tumatyan na Ŋun kilo ta mo ti meddya komor nio köti kwöŋ.

2 Korinto 5:1

Kogwon yi deden adi ko mugunya kaŋ nagon a murugujin ti na kak ni kune a panyaji kaŋo, a yi gwe ko kunie kadijik nagon Ŋun lo tiŋdu yi. Kine kadijik ŋutu a ko ’duggo se, ama se a kadijik nagon yeyeŋon ki yu.

Nyökit 31:14

A MATAT kulyani ko Mose adi, Meddi, perok twaesi kulök gwe nyona; luŋgi Yosua, ko kwekiŋdye ta ’börik i kemia torumet anyen nan böŋö saŋu lepeŋ. A Mose ko Yosua iti tu a kwekiŋdye ’börik i kemia torumet.

2 Timoteo 4:6

Kogwon ru nio soŋinana aje ’buköki kak a rubaŋga, köti diŋit nagon nan wuwuddye aje ’durökin.

Yosua 23:14

Köti mete ta, so pinana nan gwe nyona ko tiri kiko logon ŋutu liŋ titiri lo; ta liŋ aje den kasu i töilyet ko kasu i ködu dwölön adi nene ŋo ’bayin nagon a jaran i kiden na ŋo na ’but liŋ nagon MATAT Ŋun losu a jambu i kulya kasu kune; se liŋ a konaki ta, a nene ŋo gwe ’bayin nagon a jaran i kona.

2 Petero 1:13

Nan yeyeju adi, meta a na ’but köyo na gwoŋdi nan nyu ko na mugun nagon a morogo na, i toyiyikiŋdyö na ta kine kulya.