2 Petero 1:12 - Bibilia Buk na Ŋun nagon koti luŋu a

¹² Ko na kwe nan ’de ’dekan toyiyikiŋdyo ta kine kulya i diŋitan liŋ, ma ’di kodyo ta a den se ko aje gwi ’dikin i to ’diri nagon ta gwon ko nye na.

2 Petero 1:12 ပူးပေါင်းရင်းမြစ်များ

Konesi 16:5

Nyena a momoresi ti ŋutu lo momora a kanisa kulo temba i lor iŋge golon i yupet a ŋdine ŋdi.

Pilipoi 3:1

Luŋasirik kwe, nan gwe ’bak kunie kulya jore nagon nan jajam. Tuŋ lyöŋi ta lyöŋön ko Matat i mugun. Nan ti dara i nyönyöggu na kine kulya, anyen se gaju ta.

Kolosai 1:5

Ta gwon i yubbö ko i nyaŋu kogwon ta yeŋdu ŋo nagon a ’delaki ta ki yu kune. Ta köju a yiŋ kulya ti ŋina yenet i diŋit nagon Loŋe Lo ’but logon a kulyaet lo to ’diri a ’dur kasu ŋini.

Kolosai 2:7

Ti kokori kasu ’bekoddi kak ko lepeŋ i mugun; gweyuŋdye ta ’borik ki kanyit i mugun. gwe ta a iŋgo i yubbö nasu na lepeŋ gwoso na todinöri ta na, tiŋdi ta Ŋun tinate abur ’bak temet.

1 Timoteo 4:6

Ko do a todinikiŋdyö luŋasirik lo yubbö kulo kine todinesi, a do mo gwe a kölipönit lo ’but lo Kristo Yesu, a do mo wowoani ko kulyaesi ti yupet se ko todiŋdyö na ’but nagon do kekeŋ na.

2 Timoteo 1:6

Ko ŋina kwe nan toyiyikiŋdyö do, anyen do gwon gwoso ŋuto lo toregga kimaŋ i toŋiju na ’doket nagon Ŋun a tikin do, na gwon konut i mugun ŋina i diŋit na sopakiŋdye nan könisi kwe konut loki nu.

Ebere 10:32

Yiyiuŋdye ta perok ti köju kulu. Yiyiuŋdye ta adi i mukök nagon ta aje wuju parara, a ta iŋge ŋoŋga sasanyesi jore a ta gwo ’de go.

Ebere 13:9

Ti todinesi ka ’de ka ’de nagon a lepelok gwe ti togiraddu ta. Ködyö a na ’but koyi a wuju ’busan na Ŋun gwoso kinyo lo töilyet kaŋ, ti gwon i ’debba na keriat nyeesi ti kinyo. Ŋutu lo ’debba kilo keriat kulo a ko ryö ’bulit kwöŋ.

1 Petero 5:10

A i mukök nagon ta aje ŋoŋgo ko diŋit a na ’dit nu, a Ŋun lepeŋ mo toluduŋge ta, a togo ’yi ta, a togwi’dikiŋdye ta go. Lepeŋ a Ŋun logon ’busan na nyaŋu liŋ gwon ko lepeŋ, logon a lupuŋdya ta i parundya na bulet na yeŋ nyin ko Kristo i mugun lo.

1 Petero 5:12

Nan a wurökin ta ŋina leta na ’dit ko paret na Siliwano logon a luŋaser lo yubbö logon nan yiyinikin i kita lo. Nan wurokiŋöyti ta anyen togo ’yu ta ko anyen tokurukiŋdyö adi kine ŋo liŋ ’diri a ’busan na nyaŋu gwak na Ŋun. Gwo ’de ta go i na ’busan.

2 Petero 1:13

Nan yeyeju adi, meta a na ’but köyo na gwoŋdi nan nyu ko na mugun nagon a morogo na, i toyiyikiŋdyö na ta kine kulya.

2 Petero 1:15

Nyena nan mo moru parik i teteŋdya adi ta mo yiyiuŋdyo kine kulya i diŋitan liŋ na ’deggi ta i mukok nagon nan aje wuddya i na kak na.

2 Petero 3:1

Julin kwe lo nyanyara, na soŋinana a leta nio tomurek na wurokin nan ta na. I kine letajin murek nan aje wuŋo i toyiyikiŋdyo na ta yeyeesi na rigwo,

2 Petero 3:17

Nyenagon ta julin kwe lo nyanyara, ta aje den kine kulya a kokwe. Nyena kun i tar ta, an ta lulukaji ko giresi ti ŋutu logon ti ’debba saresi kilo, anyen ta gwon ti ’dororo kaŋo i gwo ’dan nasu go.

1 Yoane 2:21

Nan aje wurökin ta, ama ’bayin adi kogwon ta ti den kulya ti to ’diri, ama kogwon ta deden kulya kanyit, koti ta deden adi ’burönö ’bayin na lupuŋdyo kaŋo i kulya ti to ’diri.

2 Yoane 1:2

Yi nyanyar ta kogwon kulya ti to ’diri nagon gwolor kayaŋ i mugunya na, a mo gwe koyi ŋupi.

Yuda 1:17

Ama ta julin kwe lo nyanyara, ta agu kodyo yeye ŋo nagon luyökie ti Matat likaŋ Yesu Kristo koju a jam kune.

Yuda 1:3

Julin kwe lo nyanyara, nan gwon kata ko pusok i wurökiŋdyö na ta i kulya ti lwökö nikaŋ nagon yi a par na. Ama nan a ryö adi nan kodyo nyoŋga ’de ’de i wurokiŋdyo na ta anyen jujukiŋdya ta i woro i juŋdyö na kulya na yuŋ yi kine, nagon Ŋun a wukin ŋutu kanyit daŋ geleŋ a ’dutet.

Yuda 1:5

Ta köju a den kine kulya liŋ ’bura, ama soŋinana nan ’dek toyiyikiŋdyö ta; Matat aje Lwökuŋdyö ŋutu ti Yisaraele kaŋo i jur lo Ejipeto, ama i mukök a nye iŋge tukar ŋutu logon a ko yubbö kulo.