2 Petero 1:11 - Bibilia Buk na Ŋun nagon koti luŋu a

¹¹ A kirut ta mo rukokine i lupö a lui i tumatyan na yeŋ nyin na Matat likaŋ Kalwokonit Yesu Kristo.

2 Petero 1:11 ပူးပေါင်းရင်းမြစ်များ

Saumajin 145:13

Tumatyan inot gwon a tumatyan na yeŋ nyin, tomiriön inot yeyeŋon i nyakwariat liŋ. MATAT yiyiniki i kondya na ŋo liŋ na kulyari lepeŋ kune, ko a lo ’but i konesi kanyit liŋ.

Saumajin 36:8

Se a yimönö parik ko barandu na ŋo na ’but konut kadi, do a tindu se i möju i kare lo ’dokon ko lyöŋesi kunök.

Koli Lo ’but Parik 5:1

Kiaser nio, nan aje po köyö i melesen ni, nakwan nio, nan aje ’deja mur kwe se ko ŋo kwe lo mon ’bura; nan aje nyesu kele lio lo siwatat ko siwatat nio, nan aje möju binyo kwe se ko le kwe. Ta julin kwe, nyesi ta, ko möji ta; möji ta parik, ta lo nyanyara kulo.

Yisaya 35:2

A nye mo turöni abur gwoso ’bokolot, a mo lyöŋi lyöŋön a poki i yolo. A bulet na Libanon ko kwelen na Karmela se ko na Saron mo tikine lepeŋ, a se mo meddi bulet na MATAT, iŋkoi, kwelen na Ŋun likaŋ.

Yisaya 9:7

A ŋdi na tumatyan nanyit ko na taliŋ mo tine ’duddyö kwöŋ, i si ’daet na Dawidi, ko i loki na tumatyan nanyit, i togwo ’ya na lepeŋ go ko i tökökiŋdyö na lepeŋ ki ko ’duŋgö gwogwo ko löti lo rigwo, suluja i na diŋit tojo ko ŋupi ŋupi. Nyena a pusök na MATAT lo kurumi mo na koŋdi kine kulya.

Daniele 7:14

A lepeŋ iŋge tiki tomoran ko minyo se ko tumatyan, anyen gweyajin lio ti ŋutu, ko juron, ko ŋuto lo jambu kutusen ka ’de ka ’de ködyö kitakiŋdya lepeŋ; tomoran nanyit a tomoran na yeyeŋon ŋupi nagon molu ti bulo ’duddyo, a tumatyan nanyit mo tine bulo toliki asut.

Daniele 7:27

A tumatyan ko tomoran ko todumalan ti tumatyanjin ti kak ’bukuluŋ molu tikine ŋutu loke ti Katopanit lo ki liŋ; a tumatyan nase mo gwe a tumatyan na yeyeŋon ŋupi, a tomoran liŋ mo kitakiŋdye a twöji lepeŋat.

Matayo 25:34

a kirut nan Mor mo kulyani ko se lo gwon köyö i swöt lo lutaten kulo adi, Po ta, ta logon Baba aje ’boroja kilo, wuji ta kido anyen ta gwon a ŋutu ti Tumatyan nagon aje tetenaki ta köju ’beron suluja i gweya na kak;

Yoane 10:10

Kolanit po tuŋ i koko ’ya, ko i tatuja, ko i tukaŋu. Nan aje po anyen lepeŋat böŋö gwon ko ru, ko anyen wuju abur.

Roma 2:4

Kode do lauŋdya tukwörien na ’busan nanyit, ko na wi ’yö na kulya se ko na ŋoŋga taliŋ le? Do ti den adi ’busan na Ŋun ’de ’dekan jikuŋdyö do i löpuggö na töili le?

1 Korinto 15:24

a kirut ’dutet mo na poŋdi, i diŋit nagon nye a nyökun kak gweyajin liŋ ti tumatyanjin, ko ti kidoni saresi, se ko ti riŋitön anyen se gwon ’bak riŋit, a nye nyökökiŋdye Ŋun Monye tumatyan nanyit.

2 Korinto 5:1

Kogwon yi deden adi ko mugunya kaŋ nagon a murugujin ti na kak ni kune a panyaji kaŋo, a yi gwe ko kunie kadijik nagon Ŋun lo tiŋdu yi. Kine kadijik ŋutu a ko ’duggo se, ama se a kadijik nagon yeyeŋon ki yu.

Epeso 3:20

Ti Ŋun bulani bula. Lepeŋ bubulö koŋdya ’bak temet lwölwöŋ ŋo liŋ nagon yi a piyun ko a yeye kune, kogwon riŋit nanyit kikita kayaŋ i mugunya.

1 Timoteo 6:17

Sare sar ŋutu logon a kwörinikö a gwe ko toro ’bo jore ti na kak kilo, adi, ti se gwe ti gwon a kabulak ti kusik, ko ti se gwe ti tiŋdu yeyeesi kase i tukwörienjin nagon ti yiniki kine, ama ti se pakiŋdye ’börik ko Ŋun logon a kwörinit logon titiŋdu yi ŋo liŋ abur anyen yi lyölyöŋi ko se lo.

2 Timoteo 4:18

Matat mo lwölwökun nan kaŋo i ŋo liŋ narok, a joŋgi nan ’bura i tumatyan na ki. Ti bulet gwe kanyit ŋupi ŋupi. Amin.

2 Timoteo 4:8

Soŋinana yöŋgi Iŋguya telet logon mömöŋdu nan, ŋilo Iŋguya a Löti lo rigwo logon Matat ka ’duŋönit lo rigwo mo tikin nan i lor lo ’dutet. Ti gwon a nan lo tiki geleŋ, ama tiki ŋutu liŋ logon gwon ko pusök i mböŋu na pukun nanyit kilo.

Ebere 6:17

Nyena ko ŋina kwe, Ŋun a milyeju anyen togo ’yu ŋo na ruk nye i tiŋdu na ŋutu. Lepeŋ a koŋdya sona kogwon nye ’de ’dekan adi ŋutu logon kodyo wuju ŋo na ruk nye kune, ti se dene den ’bura adi nye ti lopuggo kwoŋ.

2 Petero 1:1

Nan Simona Petero koliponit ko a luyökie lo Yesu Kristo, roman ko ta logon ko yupet nagon a ’bulit gwoso nikap na. Ŋina yupet Ŋina likaŋ Kalwokonit Yesu Kristo lo tiŋdu yi liŋ kogwon lepeŋ a lo rigwo.

2 Petero 1:5

Nyena kogwon ŋina kwe, tisakiŋdye ta ’böriki ’yalakiŋdya na kelan kasu i yupet, ko i ’yalakiŋdya na deŋdya kasu i kelan,

2 Petero 2:20

Kogwon ko ŋutu aje rwoddu i tolutesi ti na kak kogwon deŋdya nase na Matat likaŋ Kalwokonit Yesu Kristo, ama ko kine tolutesi koti aje mok se, a iŋge te se, a kulya kase worani a narok bia parik Iwolwöŋ ti kokwe kunu.

2 Petero 3:18

Ama yeŋe ta i ’duŋo i ’busan na nyaŋu ko i deŋdya na Matat likaŋ Kalwokonit Yesu Kristo. Ti bulet gwe ko lepeŋ soŋinana ko ŋupi ŋupi. Amin.

Kweyatti 3:21

Ŋuto logon a te ’ya lo, nan mo ’bu ’burukin lepeŋ i si ’daki kak ko nan i si ’daet nio na tumatyan i pirit na geleŋ, gwoso nagon nan köti a te ’ya na, a si ’dakine kak ko Baba i si ’daet nanyit na tumatyan i pirit na geleŋ.

Kweyatti 5:10

A do iŋge kon se a tumatyan na koanejin ti Ŋun likaŋ, a se mo tumatyane tumatyan i kak.