2 Moran 7:1 - Bibilia Buk na Ŋun nagon koti luŋu a

¹ A Elisa kulyani adi, Yiŋge kulyaet lo MATAT: MATAT lo kulya sona adi, De ko ’bure i na saa i kotumit na na köji na Samaria, koret lo ’bolot na jiö a naliliŋök de tugwöröni ko sekele geleŋ, a koresi murek ti ’bolot saora de tugwöröni ko sekele geleŋ.

2 Moran 7:1 ပူးပေါင်းရင်းမြစ်များ

1 Moran 22:19

A Mikaya kulyani adi, Nyenagon yiŋge kulyaet lo MATAT; nan a met MATAT sisi ’da i si ’daet nanyit na tumatyan, a kurumi liŋ na ki gwo ’de gwo ’dan kanyit nyona i könin lonyit lutaten ko lo kadoŋe;

2 Moran 20:16

A Yisaya kulyani ko Kijikia adi, Yiŋge kulyaet lö MATAT, adi,

2 Moran 4:42

A lele ŋuto lo poŋdi Bala-salisa, jakiŋdya ŋuto lo Ŋun ambata na tetena ko kinyojin wapesi ti kokwe, kweja adi ambatajin merya murek ti ’bolot saora se ko kwe na ’bolot kanyit i jurak. A Elisa kulyani adi, Tiki kilo ŋutu anyen se nyenyesu.

2 Moran 6:25

A dyaŋ gwe kata a duma Samaria kogwon tuma nanyit, tojo ko kwe na kaine tugwöröni -ko pödö nagon temuŋdya a sekelejin merya budök, a swöt geleŋ na iŋwan na wuyit nagon a kaba na kin ti gure tugwöröni ko pödö sekelejin mukanat.

2 Moran 6:33

A nagon nye nyuŋ jajambu ko lepeŋat nu, a mor ’dure ko Elisa yu a kulyani adi, ŋina sasanyet ŋo ko MATAT! Ko nyo nagon nan nyuŋ mordu lwökit na MATAT?

2 Moran 7:16

A ŋutu luŋoni kaŋo, a ryaggi mera na ŋutu ti Suria. A koret lo ’bolot na jiö a naliliŋök tugwöroni ko sekele geleŋ, a koresi murek ti ’bolot saora tugwo-roni ko sekele geleŋ, gwoso na kulyari MATAT na.

Saumajin 46:5

Ŋun gwon i nu köji, nu köji ti bulö koro; Ŋun de ŋaparakin lepeŋ i baŋun na kak.

Yuörö 14:13

A Mose kulyani ko Ŋutu kulo adi, Ko kujönö ta, gwo ’de ta go, meddi ta lwökit na MATAT nagon nye de koko-nakin ta i lo lor na; kogwon Ŋutu ti Ejipeto lo met ta i lo lor kilo ta mo tine met se Köti kwöŋ.

Yuörö 16:12

Nan a yio woŋesi ti Ŋutu ti Yisaraele. Taki se adi, I sömukö ta de nyenyesu lokore, ko ’bure a ta mo yimönöni ko ambata. A ta mo dene den adi nan a MATAT Ŋun losu.

Yuörö 8:23

A nan mo tiŋdi koret i kiden na Ŋutu kwe ko na Ŋutu kulök. A i ko ’bure a ŋina kweyet de gwe kata.

Yisaya 1:10

Ta kasarak ti Sodoma, yiŋge ta kulyaet lo MATAT! Ta ŋutu ti Gomora, gakiŋdye ta swo kasu i todinesi ti ŋun likaŋ!

Ejikele 37:4

a lepeŋ köti takiŋdye nan adi, Keŋ keju, taki kilo kuyu adi, Ta kuyu loteyok, yiŋge ta kulyaet lo MATAT.

Yoane 6:9

Lele ŋuro lo ni logon ko ambatajin mukanat ti ’bolot saora se ko somot murek; ama kine koŋdya nyo i ŋutu jore gwoso kilo?

Yosua 3:5

A Yosua kulyani ko kulo ŋutu adi, Toke ’yi ta ’börik; kogwon ko ’bure MATAT mo koŋdya kulya sörösi kasu kiden.

Kweyatti 6:6

A nan yiŋge ŋo gwoso gworo i kiden na ŋo iŋwan lo gwon jörun kulo kulya adi, Temet geleŋ na ’bolot joŋga gurut nagon ropaki ŋuto i kita na lor geleŋ, köti temesi musala ti ’bolot na rayaka joŋga gurut na ropaki ŋuto i kita na lor geleŋ; ama an do ko köŋu welet se ko binyo.

1 Samuele 11:9

Ase kulyani ko luyökie lopete ’durkulo adi, Taki ta ŋutu ti Yabesa-gilada adi, ko ’bure i diŋit na tuparan a se de lwokoni lwoko. A luyökie kulo ko ’dure a takiŋdye ŋutu ti Yabesa, a se lyoŋi lyoŋon.

1 Samuele 15:1

A Samuele kulyani ko Saula adi, MATAT lo sunyuŋdyö nan i welakiŋdya na do a mor lo ŋutu kanyit Yisaraele; nyenagon yiŋge kulyaesi ti MATAT.