2 Moran 3:9 - Bibilia Buk na Ŋun nagon koti luŋu a

⁹ Nyena a mor lo Yisaraele ko mor lo Yuda se ko mor lo Edom iti tu. A nagon se loloraddu na jölöjine se perok buryo nu, a pioŋ ti kamörök gwe ’bayin köde ti toro ’bo nagon kebbu se kunu.

2 Moran 3:9 ပူးပေါင်းရင်းမြစ်များ

1 Moran 22:27

A ta kulyani adi, Mor a kulya sona adi, Tiki ta ŋilo ŋuto i kadi rereket, ko tiŋdi ta lepeŋ kinyo lo delya ko pioŋ delyaesi a sasanyesi kanyit, tojo ko nan a yitwe ’bura.

1 Moran 22:47

A mor gwe ’bayin Edom; ama lele karutanit lo saŋi kanyit i pirit a mor.

1 Moran 22:48

A Yosapata teteŋdi ki ’bojin lo dööddu Tarasisa anyen tu Opir i joŋdya na dakaŋ, ama a se gwe a ko tu, kogwon kilu ki ’bojin a be ’beleŋo Esion-geber yu.

2 Moran 3:1

A gwe sona i kiŋa topuök wot budök na gwoŋdi Yosapata a mor lo Yuda nu, a Yeyorama ŋuro lo Aba lo poki a mor lo Yisaraele Samaria yu, a nye iŋge saŋu ko kiŋajin puök wot murek.

2 Moran 3:10

A mör lo Yisaraele kulyani adi, Wöidiö! MATAT aje luŋgu kilo moran musala anyen wukiŋdya se i könisi ti ŋutu ti Moaba.

2 Moran 3:7

A nye sunyukiŋdye Yosapata mor lo Yuda lore adi, Mor lo Moaba aje re-nya sara ko nan; do ŋona ti bulö mo-raddu ko nan i mörö ko ŋutu ti Moaba le? A Yosapata waddi adi, Nan de tutu; nan gwoso do, ŋutu kwe gwoso ŋutu kulök, ko kusanjin kwe gwe gwoso kusanjin kunok.

2 Moran 3:8

A nye pije adi, Yi de tiri lon kiko? A Yeyorama waddi adi, Yi de tiri kiko lo yöbu na Edom.

2 Moran 8:20

A i perok kanyit a ŋutu ti Edom renyani sara ko Yuda, a wulökiŋdye ’börik mor lose.

Yuörö 11:8

A kilo kölipönök kulök liŋ mo poŋdi köyö ni, a dulakiŋdye ’börik kak köyö i komor kulya adi, Iti kaŋo do se ko Ŋutu liŋ lo kebbu do kilo. A kirut nan mo iti tu. A Mose lupöni kaŋo ko Paro i komor ko woran na pape.

Yuörö 15:22

A Mose nyömöddi Ŋutu ti Yisaraele ŋerot suluja i Tör Nator tojo i yöbu na Sur. A se wöröni perok musala i yöbu a tine ryö pioŋ kwöŋ.

Yuörö 17:1

A momoret liŋ na Ŋutu ti Yisaraele jölöjine suluja i yöbu na Siyin gwoso i jöjölöji nase, gwoso na sarakiŋdye MATAT na, a se ’bikikiŋdye kemialan Repidim yu; ama a pioŋ gwe ’bayin nagon Ŋutu mamat.

Kenet 20:2

A pioŋ gwe ’bayin nagoŋ tiki nu momoret, a se momorakiŋdye ’börik i pirit na geleŋ i ŋisa ko Mose ko Arona.

Kenet 20:4

Ko nyo ta a tuwöruŋdyö pepenet na MATAT i na yöbu anyen ko twatwa ni yi ko toro ’bo kaŋ?

Kenet 21:5

A ŋutu jambi arabat i kulya ti Ŋun ko Mose adi, Nyö ta a joŋdya yi kaŋo i Ejipeto anyen ko twatwa i yöbu? Kogwon kinyo ko pioŋ ’bayin, a kamulak kaŋ tine ’dekan ŋilo kinyo logon ’bak ’bulit.

Kenet 33:14

a se ŋiörö kaŋo Alusa, a mönuŋdye Repidim yu, i pirit nagoŋ pioŋ ’bayin nagoŋ ŋutu mamat.

Ka’duŋök 4:10

A Barak luŋgi ŋutu ti Jebulun se ko ti Napatali i pirit na geleŋ Kedese yu; a ŋutu alipan puök kije ki kepöddu mokosi kanyit; a Debora köti moraddi ko lepeŋ.