2 Moran 14:3 - Bibilia Buk na Ŋun nagon koti luŋu a

³ A nye koŋdi ŋo nagon a na ’but ko MATAT i metet, ama ti gwon gwoso na Dawidi merenye lonyit nu; a nye koŋdi ŋo liŋ gwoso na koŋdi Yöasa monye lonyit köju nu.

2 Moran 14:3 ပူးပေါင်းရင်းမြစ်များ

1 Moran 11:4

A gwe sona, i diŋit nagon Solomona gwe a modoŋ nu, a wate kanyit iŋge togirara töili lonyit i keŋoddu na kulye ŋunyen; a töili lonyit tine gwon a lo rigwo ko MATAT Ŋun lonyit gwak, gwoso na gwoŋdi töili lo Dawidi monye lonyit nu.

1 Moran 15:11

A Asa koŋdi ŋo na rigwo ko MATAT i metet, gwoso na koŋdi Dawidi merenye lonyit nu.

1 Moran 15:3

A nye wöröni i kiko lo toronjin liŋ nagon monye lonyit a kon a kokwe kunu; a töili lonyit tine gwon rigwo ko MATAT Ŋuro lonyit gwak, gwoso na gwoŋdi töili lo Dawidi merenye lonyit nu.

1 Moran 3:3

A Solomona nyaŋi MATAT, awöröni i saresi lo wuröki monye lonyit Dawidi; ama tuŋ a nye ’duŋge rubaŋgajin ko a ’yuŋe bökur i piritön kwakwasesi na gwon i ko ’dulan ti merya kune.

2 Moran 12:2

A Yöasa koŋdi ŋo nagon a na ’but ko MATAT i metet i perok liŋ ti gwiliŋit nanyit, kogwon koane Yoyada lo kuku-ju lepeŋ.

2 Moran 14:2

A nye gwe ko kiŋajin merya murek wot mukanat na suluje nye gwon a kasaranit nu, a nye saŋi Yerusalema yu ko kiŋajin merya murek wot buŋwan. A karin ti ŋote nanyit gwe a Yeyoadin na Yerusalema.

2 Moran 14:4

Ama piritön kwakwasesi na gwon i ko ’dulan ti merya kune a ko turö kak; köti ŋutu nyuŋ ’du ’duŋgö rubaŋgajin ko ’yu ’yuŋa bökur i kune piritön nagon a ko ’dulan.

2 Moran 18:3

A Kijikia koŋdi ŋo nagon a na ’but ko MATAT i metet, gwoso i ŋo liŋ na kon Dawidi merenye lonyit köju kunu.

2 Moran 22:2

A nye koŋdi ŋo nagon a na ’but ko MATAT i metet, a wöröni i kiko lo Dawidi merenye lonyit, a nye gwe a ko girara i könin lo lutaten kode i lo kadoŋe.

2 Dekat 24:17

A i mukök na twan na Yoyada a temejik ti Yuda poŋdi po a koŋdi twoyit ko mor, nyena a mor yiŋge lepeŋat.

2 Dekat 24:2

A Yöasa koŋdi ŋo nagon a na ’but ko MATAT i metet i perok liŋ ti koane Yoyada.

Yeremia 16:19

Pon MATAT, do a riŋit nio ko a pirit nio na ŋo, do a pirit nio ’danaet i lor lo sasanyesi. Jurön mo popo konut ni suluja i ’dutesi ti kak, a kulyani adi, Merenyejin kaŋ köju gwon ko ŋo naŋon a mumulukesi, kweja adi nyömuejin loron a ŋo kana a gwe ’bak ’bulit.

1 Petero 1:18

Kogwon ta deden adi ŋo na ’bu ’burön gwoso podo kode dakap a ko dakuŋdya ta i gwiliŋit lo ’bak ’bulit logon ta a mirun ko merenyejin kasu, ama ta a dakwe ko rima ti Kristo nagon ko ’bulit a duma parik.