2 Moran 10:9 - Bibilia Buk na Ŋun nagon koti luŋu a

⁹ A gwe sona i ko ’bure nanyit, a nye iti kaŋo, a gwo ’de gwo ’dan a kulyani ko ŋutu liŋ adi, Ta ’bak kulya, ama ŋilo a nan lo momora ko kulye ŋutu a Iwon anyen mwon ko duma liŋ, a tatuje lepeŋ, ama pa lo tatuja kilo ŋutu liŋ?

2 Moran 10:9 ပူးပေါင်းရင်းမြစ်များ

2 Moran 10:6

A Yeu wurökiŋdye lepeŋat nene waraga adi, Ko ta ködyo a ŋutu kwe, köti ko ta ködyö yiyiŋ gworo liŋ, ’dupe ta kaŋo kusik ti ŋwajik lulyan ti duma losu, ko ŋoŋdi ta köyö ni Yejerele de ko ’bure i na saa. A ŋwajik lulyan ti mor merya buryo kulo gwon ko ŋutu dumalak ti köji logon a kawowoak kase.

2 Moran 10:8

A luyökie iti tu a takiŋdye Yeu adi, Lepeŋat aje joŋdya kusik ti ŋwajik ti mor kune. A nye kulyani adi, ’Du ’duli ta se a ’domio murek i lupet na kötumit na köji ko ti mordi nyu tojo ko ko ’bure.

2 Moran 12:21

A köliŋönök kanyit logon a gwutö-kiŋdyö lepeŋ kak tojo a twan kulo gwe a ko Yojakar ŋuro lo Simeat, ko Yojebada ŋuro lo Somer. A se nuŋge lepeŋ i pirit nuket na merenyejin kanyit i köji na Dawidi, a Amajia ŋuro lonyit lo ruddye tumatyan nanyit.

Yisaya 5:3

Soŋinana, ta lo si ’da Yerusalema, ko ta ŋutu ti Yuda, lilije ta, boŋo, i kiden nio ko melesen nio na binyo,

Osea 1:4

A MATAT takiŋdye Osea adi, Gwije Lepeŋ a Yejerele; kogwon i diŋit a na ’dit nan mo ririŋ kotumit na Yeu kogwon rima na ’buköŋ Yejerele yu kunu, a nan mo to ’duddye tumatyan na Yisaraele.

1 Samuele 12:3

Nan malo; tokuruki-ŋdye ta kulya kwe ko MATAT i komor, ko i komor na lo ŋuto logon nye a wela-kin a mor lo. Nan ŋona a riŋuŋdya dwot liŋ a? Kode nan ŋona a pisuŋdya kaine niŋa? Kode nan ŋona a mumulugga ŋa? Nan ŋona a ru ’ya ŋa? Kode nan ŋona a ’dumuŋdya ropet ko ŋa i könin anyen ’daŋ konyen kwe ko se? Nan de nyönyokökin ta.