2 Moran 10:7 - Bibilia Buk na Ŋun nagon koti luŋu a

⁷ A nu waraga ko ’dure ko lepeŋat yu, a se momorgi ŋwajik lulyan ti mor kulo, a ’duŋge se liŋ merya buryo, a se sobbi kusik kase i kupöjin, a soŋdi se Yejerele ko Yeu yu.

2 Moran 10:7 ပူးပေါင်းရင်းမြစ်များ

1 Moran 21:19

A do pipije lepeŋ adi, MATAT lo kulya sona adi, Do aje tatuja a do lo ruddye köti le? A do de kulyani ko lepeŋ köti adi, MATAT lo kulya sona adi, I pirit nagon ’dioŋ jin a dadaŋgu rima ti Nabota kata na, nyena ’dioŋ jin de dadaŋgu rima kunök köti.

1 Moran 21:21

Mete, nan mo joŋdya ŋo naron konut loki; nan mo tutukar do asut, a nan mo ’duŋge ŋutu lyan liŋ ti Aba, ’duŋi kode lui lo gwon Yisaraele kulo;

2 Moran 10:6

A Yeu wurökiŋdye lepeŋat nene waraga adi, Ko ta ködyo a ŋutu kwe, köti ko ta ködyö yiyiŋ gworo liŋ, ’dupe ta kaŋo kusik ti ŋwajik lulyan ti duma losu, ko ŋoŋdi ta köyö ni Yejerele de ko ’bure i na saa. A ŋwajik lulyan ti mor merya buryo kulo gwon ko ŋutu dumalak ti köji logon a kawowoak kase.

2 Moran 10:8

A luyökie iti tu a takiŋdye Yeu adi, Lepeŋat aje joŋdya kusik ti ŋwajik ti mor kune. A nye kulyani adi, ’Du ’duli ta se a ’domio murek i lupet na kötumit na köji ko ti mordi nyu tojo ko ko ’bure.

2 Moran 10:9

A gwe sona i ko ’bure nanyit, a nye iti kaŋo, a gwo ’de gwo ’dan a kulyani ko ŋutu liŋ adi, Ta ’bak kulya, ama ŋilo a nan lo momora ko kulye ŋutu a Iwon anyen mwon ko duma liŋ, a tatuje lepeŋ, ama pa lo tatuja kilo ŋutu liŋ?

2 Moran 11:1

A Atalia ŋote Akajia ko meddi adi ŋuro lonyit aje twan, a nye ŋine ŋien a togirökiŋdye ŋutu liŋ ti kötumit na mor.

2 Dekat 21:4

A nagon Yorama aje ruddya tuma­tyan na monye ko aje togo ’yu mugun nu, a lepeŋ tatuje luŋasirik kanyit liŋ ko baŋdu se ko kulye ŋutu temejik ti Yisaraele köti.