2 Moran 1:3 - Bibilia Buk na Ŋun nagon koti luŋu a

³ Ama a malaikatat lo MATAT kulyani ko Eliya Tisebetyo adi, ŋine ki, iti i rum ko luyökie ti mor lo Samaria, ko pije lepeŋat adi, Ŋun ’diri ’bayin Yisaraele le nagon ta tu i pija na Bala-sebuba Ŋun lo Ekuron na?

2 Moran 1:3 ပူးပေါင်းရင်းမြစ်များ

1 Moran 11:33

kogwon nye aje paju nan, a kwakwaddi Asatoret ŋun na ŋutu ti Sidona, ko Kemosa ŋun lo ŋutu ti Moaba, ko Milikom ŋun lo ŋutu ti Amon, a tine wörö i kikolin kwe, i koŋdya na go nagon a na ’but köyö i metet, ko i ’debba na saresi kwe lo wurö ko kulya na ’duŋ nan kune. gwoso na koŋdi Dawidi monye lonyit nu.

1 Moran 17:1

A Eliya Tisibetyo lo Tisibe na Gilada kulyani ko Aba adi, ’Diri gwak gwoso na gwoŋdi MATAT Ŋun lo Yisaraele logon nan a köliŋönit lonyit lo, puŋutut kode kudu mo gwe ’bayin i kilo kiŋajin, ake ko nan a kulya.

1 Moran 18:1

A gwe sona i mukök na perok jore, a kulyaet lo MATAT ŋoki ko Eliya i kiŋa tomusala adi, Iti, ko kweki mugun ko Aba; a nan mo sunyuŋdye kudu i kak.

1 Moran 18:36

A gwe sona i diŋit wukiet na rubaŋga, a nebi Eliya mijörö nyona a kulyani adi, Pon MATAT ŋun lo Abarayama, ko a lo Yisaka, ko a lo Yisaraele, ti denani dena i lo lor adi do logon a ŋun lo Yisaraele, a nan gwe a köliŋönit ilot, ko köti adi nan aje koŋdya kine ŋo liŋ kogwon kulyaet ilot.

1 Moran 19:5

A nye pirikine kak a dotoni doto i ’bukuli mukök; mete, a malaikatat ’bo ’yi lepeŋ kulya ko lepeŋ adi, Ŋine ki ko nyesi.

1 Moran 19:7

A malaikatat lo MATAT ŋor.i ŋo köti daŋ tomurek, a ’bo ’yi lepeŋ kulya adi, Ŋine ki ko nyesi kogwon jölö inot a duma.

1 Moran 21:17

A kulyaet lo MATAT ŋoki ko Eliya Tisebetyo adi,

2 Moran 1:2

A Akajia iŋge ’duruun kak i kulu-pit na koŋilore nanyit na gwon Samaria nu, a nye tanani tana; a nye yokije ŋutu adi, Iti ta, piyuŋdye ta ko Bala-sebuba nun lo Ekuron kode nan ŋona ruru i lo twanti.

2 Moran 1:6

A se waddi adi, Lele ŋuto a po i rum koyi, a kulyani koyi adi, Yitöni ta bot ko mor lo sunyuŋdyo ta lo, taki ta lepeŋ adi, MATAT lo kulya so-na adi, Ŋun ’diri ’bayin Yisaraele le nagon do soŋdu ŋutu i pija na Bala-sebuba ŋun lo Ekuron na? Nyenagon do mo ti ŋien ki köti konut i dotoet nagon do a kija kata na, ama do mo ’diri twatwan.

2 Moran 1:8

A se waddi adi, Lepeŋ Jupu boŋgo na kupir ti kijakutat ko a torakiŋdya kamba nagon a ’böriköt kanyit i mukök. A mor kulyani adi, Ŋilu a Eliya Tisebetyo.

2 Moran 5:15

A Namana yitöni ko ŋuto lo Ŋun yu se ko teŋ nanyit liŋ. A nye poŋdi po a gwo ’de kanyit i komor; a nye kulyani adi, Mete, nan a kurun adi Ŋun ’bayin i kak liŋ nagon i Yisaraele ka ’de; nyena böŋö wuji ’doket köyö nan köliŋönit ilot.

2 Moran 5:8

Ama a Elisa ŋuto lo Ŋun ko yiŋge adi mor lo Yisaraele a kekereŋdya boŋgwat kanyit, a nye sunyukiŋdye mor lore pija adi, Nyo nagon do kekereŋdya boŋgwat kunök? Ti ŋilo ŋuto poŋdi köyö ni, a lepeŋ de kuruŋdye adi nebi kata Yisaraele.

Saumajin 76:1

Ŋun dedena i Yuda, karin kanyit a temejik i Yisaraele.

Yisaya 8:19

Nagon a na kulyari se ko ta nu adi, Iti ta i waŋdu ko ŋutu logon do ’ya mulökö se ko ’bunuk lo waŋdu ko kwen ti mulökö, a ŋutu ködyö tine bulö tu i waŋdu na gunyen kase le? Se ködyö waŋdu lo twatwa kogwon kulya ti lomemeddya le?

Yona 2:8

Ŋutu logon yeyeju nyomuejin kana kulo lepeŋat aje ko ’yu twoju nagon a gwak.

Marako 3:22

A katodinök ti Saresi ti Mose logon po Yerusalema yu köti kulyani adi, Lepeŋ gwon ko Belejebula, a nye riköddi mulökö lorok kaŋo ko riŋit na duma lo mulökö.

Konesi 8:26

A kirut malaikatat lo Matat takiŋdye Pilipo adi, Ŋine ko iti i swöt lo loki i kiko logon po Yerusalema tojo Gaja. (Ŋilo a kiko logon tiri i yöbu na sese.)

1 Samuele 17:46

A MATAT de wukiŋdye do köyö i könin i lo lor, a nan de gwutökiŋdye do kak, a ’duŋöddi kwe inot kaŋo; a nan de tiŋdi öpuö ti kurumi na ŋutu ti Pelesete i lo lor i nyei ko kwen se ko gwuruŋin; anyen kak liŋ böŋö deden adi ŋun kata i Yisaraele,