2 Korinto 7:7 - Bibilia Buk na Ŋun nagon koti luŋu a

⁷ Ti gwon a ’durökin na Tito ka ’de nagon a togo ’yu yi, ama kogwon lepeŋ a togolo ko ŋo nagon nye a met kasu kiden kune. Lepeŋ a tukökiŋdyö yi adi ta yöŋö meddya nan, a ta iŋge delya, a ta gwe ko pusök i kulya kwe, nyena a nan lyöŋi lyöŋön bia parik.

2 Korinto 7:7 ပူးပေါင်းရင်းမြစ်များ

Saumajin 141:5

Kulya ’bayin ko ŋuto lo ’but a gwuddyö nan, kode a riŋga nan ko töili lo ’but; ama nan ti ’bön ŋuto loron i we ’ya na kwe nio ko welet, kogwon nan ŋupi momo ’yu Ŋun an konesi kanyit narok puputuru ŋerot.

Saumajin 30:5

Kogwon woran nanyit joŋga diŋit a na ’dit döndi, ama ’busan nanyit jojoŋga diŋit na gwolorgi ŋutu. Ŋutu gwigwien i tukwaje, ama i ko ’bure a gwe a lyöŋön.

Saumajin 38:18

Kogwon nan tutuk tukwölöŋ nio, a nan delyani kogwon toron nio.

Saumajin 51:1

Pon Ŋun, won konyen ko nan gwoso i nyaŋu inot nagon ti ’duddyö kwöŋ na; bubuddye toronjin nagon nan kon aka kune, gwoso i tojore na yatesi kunök.

Matayo 26:75

A Petero iŋge yeyeoro kulya na jam Yesu kune adi, A kokwe nagon sukuri a ko nyuŋ sira nu, do de rerenya nan daŋin musala adi do a ko den nan. A Petero lupöni kaŋo, a gwine gwien parik.

Matayo 5:4

ŋutu logon dedelya kilo a kalyöŋök; kogwon se mo susuka.

Luka 22:44

a nye ŋoŋgi ŋoŋga i töili a momo ’yi ko pusök, a ŋiŋiresi kanyit ’do ’done kak gwoso rima na ’don.]

Konesi 11:23

a na ’durökiŋdye nye a meddi ’busan na Ŋun nu, a nye iŋge lyöŋön; a nye jujukiŋdye se liŋ anyen ’depakiŋdya go i yubbö na Matat ko töilyet kase liŋ.

Roma 1:12

iŋkoi, anyen yi gwon i togo ’yu na ’börik, kweja adi yupet nasu togo ’yu nan a nio togo ’yi ta.

1 Korinto 5:2

A kirut ta bu ’ye ’börik ada? Kölumbö ta ködyö dedelya, anyen ŋuto lo koŋdya ŋo gwoso ŋina lo kodyö riköji kaŋo kasu kiden.

2 Korinto 1:14

ama i lor lo pöri Matat Yesu lu, a ta mo bu ’ye ’borik kogwon kulya kaŋ gwoso na bu ’ye yi ’börik i kulya kasu na.

2 Korinto 1:4

Lepeŋ totŋgo ’yu yi i yoyoŋesi kaŋ liŋ, anyen yi boŋo bubulo togo ’yu ŋutu lo gwon i kunie yoyöŋesi kulo ko togolesi nagon ŋun a togo ’yi yi kune.

2 Korinto 2:9

Kogwon ŋina a kwe nagon nan wurokiŋdye ta ŋina leta anyen nan tembi ta ko anyen deden kode ŋona ta a katwöyök i po liŋ.

2 Korinto 5:2

Kak ni yi ’diri ’du ’duatu, a yi gwe ko pusök anyen ködudwölön kaŋ ködyö mukö ko kadijik na ŋo ki.

2 Korinto 7:6

Ama Ŋun logon togo ’yu ŋutu logon dudurwe lo aje togo ’yu yi ko ’durökin na Tito.

2 Korinto 7:8

Kogwon ma ’di nagon nan aje todelyaju ta ko ŋina leta nio na, nan ti delya. Nan a den adi ŋina leta nio aje todelyaju ta ama ’bayin ko diŋit a najo. Ama ma ’di nagon nan ködyö a delya,

2 Korinto 8:16

Tinate lo ŋun logon a tiŋdu Tito i gwon ko pusok i parakiŋdya na ta gwoso na gwoŋdi yi ko pusok na.

Pilipoi 1:20

Nan yeyeŋdu ko pusok a duma adi kwe nio mo ti yu, a nan mo gwe a ŋurutat gwoso na yeŋ na, anyen boŋo ko nan gwon jorun kode a tatua, a nan tiŋdi Kristo i bula koyo i mugun.

Kolosai 2:5

Kogwon ma ’di ko nan ’bayin kata kasu kiden, ama toili liŋ gwon ko ta i pirit na geleŋ, a nan lyoŋi lyöŋön i meddya na gwon nasu jojo se ko gwon nasu a iŋgo i yubbo na Kristo.

1 Tesalonike 3:6

Ama soŋinana Timoteo aje yitwe kayaŋ ni po kasu ŋina lepeŋ jakiŋdya yi liŋio lo ’but i kulya ti yupet nasu se ko nyaŋu nasu. Lepeŋ a takin yi adi ta ŋupi yeyeju yi ko töilyet lo ’but, ko adi ta ’de ’dekan meddya yi gwoso nagon yi ’de ’deggi meddya ta na.

1 Tesalonike 3:8

Kogwon soŋinana yi gwon jorun ko ta gwo ’dan go ko Matat i mugun.

Ebere 2:1

Nyenagon yi agu kodyo titiriku ’debba go ŋo nagon yi aje yiŋ kune, anyen yi boŋo gwon ti yokoŋji kaŋo kata.

Yakobo 5:17

Eliya koju a nuto gwoso yi. Lepeŋ a kwakwaddu ko pusok a duma parik anyen kudu gwon ti ’don, a kudu gwe a ko ’don i kak kinajin musala ko yapala buker.

2 Yoane 1:4

Nan a lyoŋon parik i ryeju na kulye ŋwajik kulok logon gwolor i kulya ti to ’diri, gwoso nagon Ŋun Monye a sarakiŋdye yi na.

Yuda 1:3

Julin kwe lo nyanyara, nan gwon kata ko pusok i wurökiŋdyö na ta i kulya ti lwökö nikaŋ nagon yi a par na. Ama nan a ryö adi nan kodyo nyoŋga ’de ’de i wurokiŋdyo na ta anyen jujukiŋdya ta i woro i juŋdyö na kulya na yuŋ yi kine, nagon Ŋun a wukin ŋutu kanyit daŋ geleŋ a ’dutet.