2 Korinto 5:9 - Bibilia Buk na Ŋun nagon koti luŋu a

⁹ Nyenagon koyi gwon ni kode yu, ti yi tiŋdi ta tirikwet nikaŋ i tulyöŋgu na lepeŋ.

2 Korinto 5:9 ပူးပေါင်းရင်းမြစ်များ

Suluet 4:7

Ko do koŋdya ’bura a nan tine ruk do le? ama ko do ti koŋdya ’bura, toron rurupuki kak i kotumit. Lepeŋ ’de ’dekan do, ama do agu ködyö tete lepeŋ.

Yisaya 56:7

a nan mo joŋdi kilo ŋutu i mere liŋ loke, a mo tiŋdi se i gwon a kalyöŋök i kadi nio kwakwaset; a rubaŋgajin kase lo ’yu ’yura se ko rubaŋgajin kase mo wuyuni wuyu i pirit nio ’yuret na rubaŋgajin loki; kogwon kadi nio mo luŋu a kadi kwakwaset na gweyajin liŋ ti ŋutu.

Yoane 6:27

Ko kita ta kinyo lo ’ba ’baka, ama kitani ta kinyo lo yeyeŋon logon a kinyo lo ru na yeŋ nyin. Ŋilo kinyo nan Ŋuro lo ŋuto mo titikin ta; kogwon Ŋun Baba a nya ’doddu nan ko kweyet adi nan a lonyit.

Konesi 10:35

ama lepeŋ ruruk ŋutu ti jurön liŋ logon kukuk lepeŋ ko logon koŋdya po nagon a na ’but kulo.

Roma 14:18

Ŋuto lo kitakindya Kristo sona lo tulyöŋgu Ŋun, a ŋutu pupurje lepeŋ.

Roma 14:8

Koyi gwon jörun yi gwon jörun a ti Matat, a koyi twatwa a yi twatwane a ti Matat. Nyenagon koyi gwon jörun kode twatwa yi gwon a ti Matat.

Roma 15:20

Nan ŋupi tiŋdu tirikwet nio i tokuö ddu na Loŋe Lo ’but i piritön nagon ŋutu a ko nyuŋ yiŋ karin ti Kristo kunu, anyen nan gwon ti ’dukö i pipilesi logon lele ŋuto lo ’bokakiŋdya kulo.

1 Korinto 15:58

Nyenagon luŋasirik kwe lo nyanyara kilo, gwo ’de ta go, an ta ko tikin ta ’börik i dukaji kaŋo, kitakiŋdye ta Matat ŋupi ’bak temet, kogwon ta deden adi dara nasu ti gwon a ŋo kana ko Matat i mugun.

2 Korinto 5:6

Nyena yi ŋupi gwon a purwat; yi deden adi na gwoŋdi yi nyuŋ ko kune mugunya kaŋ na, a yi gwe pajo ko Matat,

2 Korinto 5:8

Yi totopurwan. a yi ’deke piörö i kune mugunya anyen yi tu si ’da ko Matat i pirit na geleŋ.

Epeso 1:6

Lepeŋ a kondya sona anyen yi pupurja kwelen na ’busan nanyit nagon nye a ’doggi yi kana na ko Ŋuro lonyit lo nyanyara i mugun.

Kolosai 1:10

yi momo ’yu Ŋun anyen ta böŋö woro ko gwiliŋisi logon a lo ’but ko Matat i komor, i tulyoŋgu na lepeŋ i ŋo liŋ, ko i radan na ludweki logon a konesi na ’but ka ’de ka ’de, koti anyen ta böŋö moröddu ŋerot i deŋdya na Ŋun bia parik.

Kolosai 1:29

Nye Ŋina kwe nagon nan kikita parik na, nan mömorju ko riŋit nanyit liŋ nagon kikita parik koyo i mugun na.

1 Tesalonike 4:1

Luŋasirik, kune gwe a kulya ti ’dutet adi, gwoso na denuŋdye ta kayaŋ ko ta agu ködyö gwolor ada i tulyöŋgu na Ŋun, nyena yi momo ’yu ta ko kukuju ta ko Matat Yesu i mugun adi, möröddi ta ŋerot bia parik gwoso na koŋdi ta na.

1 Tesalonike 4:11

Ama yi kukuju ta luŋasirik, anyen ta tutunyar bia parik. Moŋi ta gwon taliŋ, ko i meddya na kulya kasu, ko i kita ko könisi kasu, gwoso na sarakiŋdye yi ta nu;

1 Timoteo 4:10

Ko ŋina kwe yi mömöŋu ko kikita parik, kogwon yi a tiriku yeŋdu Ŋun lo gwon jörun logon a Kalwökönit lo ŋutu liŋ, bia parik lwöggu kayupök.

Ebere 12:28

Nyenagon ti yi tiŋdi ta tinate kogon yi aje wuju tumatyan nagon ti bulö böbönö na. Ti yi kwakwaddi ta Ŋun i kiko logon tulyöŋgu lepeŋ i kugga ko i kujönö,

Ebere 4:11

Nyenagon ti yi möŋi ta möŋu parik anyen luŋö i nu pirit yukaet, an yi ko ’doro kogwon yi ti ’bön yiŋga gwoso se.

2 Petero 3:14

Nyenagon julin kwe lo nyanyara, na mömöŋdi ta kine ŋo i pokin nu, tisakiŋdye ta ’börik anyen lepeŋ böŋo ryeju ta gwon taliŋ ’bak ’yotet kode korit kanyit i komor.