2 Korinto 13:9 - Bibilia Buk na Ŋun nagon koti luŋu a

⁹ Yi lyolyoŋon koyi a lomunyak a ta gwe a iŋgo. Nyena yi koti momo ’yu Ŋun anyen ta boŋo tetenaki ’bura.

2 Korinto 13:9 ပူးပေါင်းရင်းမြစ်များ

Roma 15:2

Kölumbö yi ködyö yeyeju luŋasirik lo yubbö kulo, anyen parakiŋdya lepeŋat i gwon ’bura ko i gweuŋdya na se ki i yupet.

1 Korinto 1:10

Nyena luŋasirik, nan mo ’yu ta i karin ti Matat likaŋ Yesu Kristo, toruköki ta ko ’borik i ŋo na jam ta kine, anyen ta gwon ti koŋa ko ’borik. Gwe ta a ŋo geleŋ ko toili geleŋ ko yeyeet geleŋ.

1 Korinto 2:3

A nan gwe kasu kiden a lomunyan, böböŋöju ko kujono a duma.

1 Korinto 4:10

Yi a lu ’boŋ kogwon kulya ti Kristo, ama ta a lokoŋ ko Kristo i mugun! Yi a lomunyak, ama ta a iŋgo! Ta a bula, ama yi a lawe!

2 Korinto 11:30

Ko nan ködyö bu ’ya mugun, nan bu ’ya mugun i kulya ti ŋo nagon kweja tomunyan nio.

2 Korinto 13:11

Luŋasirik, nan gwe ’bak kunie kulya jore nagon nan jajam, gwe ta ’bura. Moŋi ta moru anyen ta boŋo gwon a jukin; yiŋge ta jujuwesi kwe; torukoki ta torukökin ko ’borik; gwolore ta ko taliŋ; a Ŋun lo nyaŋu logon taliŋ gwon ko lepeŋ lo mo gwe ko ta.

2 Korinto 13:4

Ma ’di kodyo lepeŋ a lomunyan i ’bikiki nanyit i kodini na goro, ama soŋinana lepeŋ gwon jorun kogwon riŋit na Ŋun. Yi a lomunyak ko lepeŋ i pirit na geleŋ, ama yi gwon Jorun i pirit na geleŋ kogwon riŋit na Ŋun i kulya kasu.

2 Korinto 4:12

Nyena twan kikita kayaŋ i mugunya, ama ru kikita kasu i mugunya.

2 Korinto 7:1

Julin kwe lo nyanyara, kulo rukesi a milyeki yi. Nyena ti yi toke ’yi ta ’börik i lut liŋ nagon toluddya mugun se ko töili kune, anyen yi gwon a loke ’bukuluŋ i kugga na ŋun.

Kolosai 1:28

Ŋilo a Kristo logon yi tokujöŋ kulya kanyit lo, i kukuju na ŋutu liŋ ko i todiŋdyo na Ŋutu liŋ ko koŋon ’bukuluŋ, anyen kwekiŋdya se liŋ geleŋ geleŋ ko Ŋun i komor gwoso Ŋutu lo wora kulo ko Kristo i mugun.

Kolosai 4:12

Epapra logon a lele losu ko a köliŋönit lo Kristo Yesu lo a roman ko ta. Lepeŋ ŋupi gwon ko pusok i yeyeju na ta i kwakwasesi kanyit, anyen ta böŋö gwo ’dan go gwoso ŋutu lo wora i koŋdya na ’dekesi liŋ ti Ŋun.

1 Tesalonike 3:10

Tuparan ko tukwaje yi momo ’yu Ŋun parik adi yi ködyö memet ta a lokomor, anyen tutuŋokindyö ŋo nagon ’bayin kasu i yupet kine.

2 Timoteo 3:17

anyen ŋuto lo Ŋun tetemakiŋdya ajo, a gwe ko ŋo liŋ nagon jujukin koŋdya ŋo na ’but liŋ.

Ebere 12:23

na ŋwajik kayujin ti Ŋun lo momora, logon karin kase a wuröki ki yu kulo. Ta kilo aje ’dur ko Ŋun i komor logon a Ka ’dunönit lo putesi ti ŋutu liŋ, ko i komor na ködudwölön ti ŋutu logon a lo rigwo logon a tojuki a lo ’but kulo.

Ebere 13:21

Ti Ŋilo Ŋun logon taliŋ liŋ gwon ko lepeŋ lo tojubbi ta ko ŋo liŋ na ’but, anyen ta boŋo koŋdya ŋo na ’deggi nye kune. Ti nye kitani kayaŋ i mugunya anyen yi tulyoŋgu lepeŋ kogwon kulya ti Yesu Kristo. Ti lepeŋ bulani bula ŋupi ŋupi. Amin.

Ebere 6:1

Nyenagon ti yi kölökiŋdye ta todinesi suluesi ti lore lo Kristo, ti yi möröddi ta ŋerot anyen gwon a ŋutu lo wora. Ti yi gwe ti nyöggu ’bogga togwi ’diesi ti yupet. Ta a den kulya ti löpuggö na töili i kulya ti gwiliŋit lo ’beron logon joŋga ŋutu i twan, ko i yubbö na Ŋun.

1 Petero 5:10

A i mukök nagon ta aje ŋoŋgo ko diŋit a na ’dit nu, a Ŋun lepeŋ mo toluduŋge ta, a togo ’yi ta, a togwi’dikiŋdye ta go. Lepeŋ a Ŋun logon ’busan na nyaŋu liŋ gwon ko lepeŋ, logon a lupuŋdya ta i parundya na bulet na yeŋ nyin ko Kristo i mugun lo.