2 Korinto 11:3 - Bibilia Buk na Ŋun nagon koti luŋu a

³ Nan kukujönö adi yeyeesi kasu mo kökörö, a ta mo kölökiŋdye twöju nasu na Kristo ko töilyet kasu liŋ, gwoso nagon munu köju mumuluŋge Awa ko kogon nanyit nu.

2 Korinto 11:3 ပူးပေါင်းရင်းမြစ်များ

Suluet 3:1

Nyena a munu gwe a lokoŋ lwö-lwöŋ kulye ŋo liŋ ti mu ’diŋ logon MATAT Ŋun a gweja kulo. A nye pipije nu ŋuto adi, Ŋun ’diri a kulya adi ta ti nyesu ludweki ti kaden liŋ ti melesen le?

Suluet 3:13

A kirut MATAT Ŋun pipije nu ŋuto adi, Na ŋo a nyo nagon do a kon na? A nu ŋuto waddi adi, Munu lo mumulukakindya nan, a nan nyesi nyesu.

Suluet 3:20

A lu ŋuto gwije nakwan nanyit a Awa, kogwon nye a ŋote na ŋo liŋ lo gwon jörun kilo.

Suluet 3:4

A munu kulyani ko nu Ŋuto adi, Ta ti twatwa asut.

Saumajin 119:53

Woran na pape a mok nan kogwon kulya ti ŋutu lorok logon ŋaju saresi kulök kulo.

Matayo 24:24

Kogwon Masiajin ’burönök ko nebijin ’burönök mo pupukun, a mo kweji kweyesi temejik ko po sörösi, anyen tugiŋa ma ’di ŋutu lo wulwe, ko bubulö.

Yoane 8:44

Munyi a ŋilu kaŋöönit, a ta koŋdi ŋo nagon munyi ’de ’dekan koŋdya. Suluja i suluet lepeŋ a katatuanit, a lepeŋ tine gwi ’dikin i to ’diri, kogwon lepeŋ ’bak to ’diri. Na jambi nye ’burönö na, a nye jambi gwoso na gwoŋdi nye a ’burönit na, kogwon nye a ’burönit ko a monye ’burönö liŋ.

Roma 12:8

A koyi ’doka ko togo ’yu na kulye ŋutu, a ti yi agu togo ’yi togo ’yu. Ko ŋuto logon ŋaŋu ŋo kanyit ko kulye ŋutu, a ti nye tiŋdi abur. Ko ŋuto logon a tiki a lo ŋerot, a ti lepeŋ kitani ko pusök. Ko ŋuto logon parakiŋdya kulye ŋutu, a ti nye parakiŋdye ko lyöŋön.

2 Korinto 1:12

Bu ’ya nikaŋ na ’borik gwon sona adi, toilyet kaŋ a kwekin yi adi gwiliŋit likaŋ lo gwolorgi yi i ŋutu ti na kak ama kegga i ta lo, a lo rigwo i to ’diri na Ŋun. Ŋina ti po i kogon na ŋutu ama po i ’busan na Ŋun.

2 Korinto 11:20

Ta ŋoŋga taliŋ i ŋutu logon koŋdya ta a ’dupi, a nyesi ŋo kasu liŋ, a lorgi ta, a meddi ta a ŋo kana, a nanaŋaji ta i temeneŋan.

2 Korinto 11:29

Ko lele losu a lomunyan, nan ŋona ’bayin a lomunyan köti le? A ko lele losu a tiki i ’doro, nan ŋona ti gwon ko delya le?

2 Korinto 2:17

Yi ti yeyekaddu kulyaet lo ŋun gwoso na koŋdi kulye ŋutu jore na, adi a ŋo na ’di ’dik nagon katujarak tutugwör kune; ama yi tokujö kulyaet lo ŋun ko to ’diri ko Kristo i mugun ko ŋun i komor, gwoso ŋutu logon Ŋun lo yökijö kilo.

2 Korinto 4:2

Yi aje renya konesi na mukö ti yu na kwe, yi gwe ’bayin a kamumulukak. Yi ti tukwölöŋgu kulyaet lo Ŋun, ama tuŋ yi kwekiŋdya kulya ti to ’diri köke, a yi tiŋdi ŋutu liŋ ko Ŋun i komor i deŋdya kase i töilyet adi yi a lo ’but.

Galatia 1:6

Nana soŋu kogwon ta aje kölökiŋdyö Ŋun ’de ’de kijek logon aje luŋgu ta ko ’busan na nyaŋu na Kristo lo, a ta Iöpukoddi i lele lore.

Galatia 2:4

ma ’di nagon kulye nutu logon mirakiŋdya adi se a luŋasirik lo yubbo kulo ’de ’dekan taweŋu lepeŋ. Kilo nutu a domuŋdya ’borik kayan kiden i wiŋa na tolien nikaŋ nagon yi a wu ko Kristo Yesu i mugun na. Se ’dek tiŋöju yi i gwon a ’dupi,

Galatia 3:1

Ta ŋutu lu ’boŋ ti Galatia, na lo ’demba ta? Ta aje kweki köke kulya ti ’bikiki na Yesu Kristo i ködini na görö a lokomor!

Galatia 4:11

Nan kukujönö i kulya kasu kode nan aje tudaraju mugun kana i kulya kasu.

Epeso 4:14

A yi mo köti tine gwon a ŋwajik logon yeyeesi kao yalaŋ abur i kulya ti todinesi ka ’de ka ’de nagon gwon gwoso yalajin logon köbuŋöt lo ya ’yu. Kine todinesi ŋutu totodin ko koŋon nase nagon se yeyeŋ togiraddu ŋutu ko kulya ’burönö kune.

Epeso 4:22

Ta ködyö paju gwiliŋisi kasu ti ’beron kulu, a ta ködyö rusuŋdye kaŋo töilyet kasu ti ’beron logon kakaran kogwon ’dekesi mumulukesi.

Epeso 6:24

Ti ’busan gwe ko ŋutu liŋ logon nyanyar Matat likaŋ Yesu Kristo ko nyaŋu nagon ti bulö ’duddyö na.

Kolosai 2:18

Ŋutu kata logon nyanyar koŋdya ’borik a lokoyokak ko i twöju na malaikajin. Kilo ŋutu yinikiŋdyö ’borik adi se a ŋutu lokukwon i ŋo na met se kase i töilyet kune, a lepeŋat bu ’ye ’borik ko yeyeesi kase ti mugunya ’bak kwe na kulya. Ti ŋutu gwoso kilo gwe ti tulyaŋgu ta anyen ta gwon ti wuju ropet.

Kolosai 2:4

Nan takiŋdya ta kine kulya anyen lele Ŋuto boŋo gwon ti mumulugga ta ko kulyaesi togiresi.

Kolosai 2:8

Nyena tiji ta ’bura, ti lele ŋuto gwe ti logga ta ko todinesi mumulukesi nagon pa ’de ’de, nagon mirwe i keriat ti ŋutu ti na kak kune, ko i muloko ka ’de ka ’de ti na kak, ama kine todinesi a ko po ko Kristo.

1 Tesalonike 3:5

Nye ŋina kwe nagon nan aje dara mordu a nan soŋdi Timoteo kasu ŋini i denuŋdya na yupet nasu, kode ŋona katemanit aje tem ta, a kita nikao kodyo gwe a ŋo kana.

1 Timoteo 1:3

Nan yöŋö do si ’da Epeso gwoso na sarakiŋdye nan do, na tiri nan Makedonia nu. Do agu ködyö sasar kulye ŋutu an se todiŋdyö todinesi nagon a lepelok.

1 Timoteo 2:14

Adama koju ’bayin a nye lo mumuluka, ama ŋuto nakwan na mumuluka a iŋge ’doro i toron.

2 Timoteo 3:13

Ama ŋutu lorok se ko kamumulukak mo puputuru ŋerot i toroŋdya. Lepeŋat mumulugga kulye ŋutu, ama a se koti mumulukani mumuluka.

Tito 1:10

Kogwon ŋutu jore kata logon ti ’bon sara, logon a kajamak ti ŋo kana, ko a kamumulukak, kegga Yudayaki logon a kayupok.

Ebere 13:9

Ti todinesi ka ’de ka ’de nagon a lepelok gwe ti togiraddu ta. Ködyö a na ’but koyi a wuju ’busan na Ŋun gwoso kinyo lo töilyet kaŋ, ti gwon i ’debba na keriat nyeesi ti kinyo. Ŋutu lo ’debba kilo keriat kulo a ko ryö ’bulit kwöŋ.

2 Petero 3:17

Nyenagon ta julin kwe lo nyanyara, ta aje den kine kulya a kokwe. Nyena kun i tar ta, an ta lulukaji ko giresi ti ŋutu logon ti ’debba saresi kilo, anyen ta gwon ti ’dororo kaŋo i gwo ’dan nasu go.

2 Petero 3:3

A kokwe dene ta den adi i perok ’dutesi kakwekweniak logon koŋdya gwoso i ’dekesi kase kulo mo popo, a se mo kwekwenine ko ta.

1 Yoane 2:18

ŋwajik kwe, na gwe a diŋit na ’dutet! Ta aje yiŋ adi Miriku lo Kristo ŋilo popo, soŋinana merok jore ti Kristo aje po. I ŋina yi deden adi na gwe a diŋit na ’dutet.

1 Yoane 4:1

Ta lo nyanyara kilo, an ta ko yubbo ta muloko liŋ, ama teme ta tem muloko, anyen ta deden ko se a ti Ŋun kode a lepelok, kogwon nebijin ’buronok jore aje rekin i na kak.

Yuda 1:4

Kogwon kulye ŋutu kata logon a domaddu ’borik a lwön. Kilo a ŋutu logon ti twoju Ŋun, ama a löpuŋge tolien nikaŋ nagon Ŋun a tikin yi kana na anyen se koŋdya toron aka nagon joŋdya yu na kwe, a se renyani Duma likaŋ lo geleŋ logon a Matat Yesu Kristo. Koju ’beron lepeŋat a wuloki i ’duŋoki na ŋilo putet.

Kweyatti 12:15

A ŋilo munu yakaddi pioŋ kanyit i kutuk gwoso kare ko ŋina ŋuto i mukok, anyen ’dokoddu lepeŋ.

Kweyatti 12:9

A ŋilo kitun duma logon gwe a munu lo ’beron lo, logon lupu a Kaŋöönit ko a Satani, logon a togiraddu jurön liŋ ti kak, iŋge gube i na kak, a malaikajin kanyit iŋge gube kak ko lepeŋ i pirit na geleŋ.

Kweyatti 20:2

A lepeŋ morgi ŋilo kitun logon gwe a munu lo ’beron, logon a Kaŋöönit ko a Satani lo, a rereggi lepeŋ kiŋajin aliŋ geleŋ.