2 Korinto 11:2 - Bibilia Buk na Ŋun nagon koti luŋu a

² Nan gwon ko yulön ko ta gwoso na yu ’ye ŋun na, kogwon ta gwon gwoso ŋuro ’diet nagon a ko nyuŋ den kulya ti ŋutu lyan na, nagon nan a rukökin i yema ko ŋuto geleŋ ka ’de logon a Kristo.

2 Korinto 11:2 ပူးပေါင်းရင်းမြစ်များ

Yisaya 54:5

Kogwon nan kagweyanit ilot a lalet ilot, karin kwe a MATAT lo kurumi; nan Loke lo Yisaraele a kadakanit ilot, nan a luŋu a Ŋun lo kak ’bukuluŋ.

Ejikele 44:22

Lepeŋat kodyö ti yemba karu ’bejin kode ŋutu nagon aje yanya, ama tuŋ bubulö yemba kö ’disi na yuŋwe i kötumit na Yisaraele, kode karu ’bejin nagon köju a wate ti koanejin.

Yoane 3:29

Nye logon yemba nakwan lo a kayemanit; ju lo kayemanit logon gwogwo ’dan nyona i yiŋga na lepeŋ lo, lyölyöŋön parik na yiŋge nye gworo lo kayemanit nu. Nyena ŋina lyöŋön nio soŋinana aje jore.

Roma 7:4

Köti gwon sona luŋasirik kwe, ta aje morakiŋdya ko Kristo i mugun, a ta iŋge twatwa a gwe ’bayin i kulya ti Saresi, anyen ta böŋö gwon a ti lele ŋuto, kweja adi a ti nye lo toŋiyu i twan lo, anyen yi böŋö raradan ludweki ti Ŋun.

1 Korinto 4:15

Ma ’di ta ködyö gwon ko kanyömok alipan puök ko Kristo i mugun, ama ta ti gwon ko komonye jore. Kogwon nan lo yupuŋdyö ta ko Kristo Yesu i mugun kogwon tokujö nio na Loŋe Lo ’but.

2 Korinto 4:14

Kogwon yi deden adi Ŋun logon a topiju Matat Yesu i twan lo mo köti topiju yi ko Yesu i pirit na geleŋ, a mo nyömöddi yi se ko ta kanyit i komor.

Galatia 4:11

Nan kukujönö i kulya kasu kode nan aje tudaraju mugun kana i kulya kasu.

Pilipoi 1:8

Kogwon Ŋun deden adi nan ’diri gwon ko pusok ko ta liŋ. Ŋina pusök po ko Kristo Yesu lepeŋ.

Kolosai 1:28

Ŋilo a Kristo logon yi tokujöŋ kulya kanyit lo, i kukuju na ŋutu liŋ ko i todiŋdyo na Ŋutu liŋ ko koŋon ’bukuluŋ, anyen kwekiŋdya se liŋ geleŋ geleŋ ko Ŋun i komor gwoso Ŋutu lo wora kulo ko Kristo i mugun.

1 Tesalonike 2:11

Ta deden adi yi gwon kasu liŋ geleŋ geleŋ gwoso monye ko ŋwajik kanyit, i mo ’yu na ta, ko i togo’yu na ta, ko i jujuja na ta,

Kweyatti 14:4

Kilo a ŋutu logon a ko toluddö ’börik ko ŋutu wate, kogwon se a tiju ’börik a loke. Lepeŋat wörö i pirit na geleŋ ko ŋilo Kilolor ko nye tu da. Lepeŋat a dakwe i kiden na ŋutu gwoso ludweki waŋesi ti kokwe a ti Ŋun ko a ti ŋilo Kilolor.