2 Dekat 7:9 - Bibilia Buk na Ŋun nagon koti luŋu a

⁹ A i perok budök a se koŋdi momoret duma kogwon se gwon i ’boroja na nu pirit ’yuret ko perok buryo, a rorwe lu köti iŋge kona perok buryo.

2 Dekat 7:9 ပူးပေါင်းရင်းမြစ်များ

1 Moran 8:2

A ŋutu liŋ ti Yisaraele momori ko mor Solomona yu i rorwe i yapa Etanim, logon a yapa toburyo.

1 Moran 8:65

A Solomona se ko ŋutu liŋ ti Yisaraele koŋdi rorwe i nu diŋit ko MATAT Ŋun likaŋ i komor perok buryo, a ŋutu lo momora kulo gwe jore parik logon a po suluja i kwake nagon luŋörikin Kamat tojo ko Loro lo Ejipeto.

2 Dekat 30:23

A kirut ŋutu liŋ lo momora kulo ruŋge i pirit na geleŋ i koŋdya na rorwe ko kulye perok buryo; a lepeŋat köti iŋge koŋdya rorwe ko perok buryo ko lyoŋon a duma.

2 Dekat 7:10

A i perok merya murek wot musala ti yapa toburyo, a nye toreji kulu ŋutu anyen tu kase i midijik ko lyoŋon duma na töili, kogwon ŋo na ’but nagon MATAT aje konakin Dawidi ko Solomona se ko ŋutu kanyit Yisaraele.

Nemaya 8:18

Temba i lor, suluja i lor lo kokwe tojo ko ’dutet, a nye keŋdi buk na saresi ti ŋun. A lepeŋat koŋdi rorwe ko perok buryo; a i perok budök a gwe a momoret duma na MATAT, gwoso i saret.

Yuörö 29:37

a do toke ’yi pirit ’yuret na rubaŋgajin ko perok buryo, i geluŋdya na lepeŋ a nake na rurwan, a pirit ’yuret na rubaŋgajin ködyö gwe a nake parik na rurwan; a ŋo liŋ logon a ’bo ’yu pirit ’yuret na rubaŋgajin kulo gelwene kaŋo a loke.

Yoele 1:14

Wuluŋdye ta lor minyet, luŋgi ta ŋutu i momoret duma, momori ta ŋutu temejik se ko ŋutu liŋ ti jur anyen momo-ruŋdya i kadi na MATAT ŋun losu; ko gwiki ta ko MATAT.

Lewi 23:36

A i kulu perok buryo a ta ködyö ’yurakiŋdye MATAT rubaŋgajin; a i lor tobudök lonyit ködyö gwe kasu a pepenet loke a ’ta ’yurakiŋdye MATAT rubaŋga. ŋina a momoret duma; a ta ködyö tine koŋdya kita nago.

Kenet 7:10

A kimak ’doggi ’dogga ko ’dokesi ’boriesi ti nu pirit ’yuret na rubaŋgajin i ŋilu lor lo welaki ’e nye lu; a kimak wukiŋdye ’dokesi kase i komor na pirit ’yuret na rubaŋgajin.

Nyökit 16:8

A ta ködyö nyesi ambata nagoŋ ’bak kape perok buker; a lor toburyo lonyit ködyö gwe a, lor pepenet loke lo MATAT Ŋun losu; a ta tine koŋdya nene kita kwöŋ.