2 Dekat 2:4 - Bibilia Buk na Ŋun nagon koti luŋu a

⁴ Mete, nan ’dek ’duggo kadi a na karin ti MATAT ŋun liŋ. A nan mo ’borokiŋdye nu kadi a nanyit anyen bökur logon a welesi na mon paleleŋ ’yura kanyit i komor, ko anyen ambatajin peta nyu perok liŋ ko ŋun i komor, ko anyen rubaŋgajin lo ’yu ’yura ’buluŋ wuki lepeŋ nyu temba i ko ’bure ko i sömukö i ’doro na kolor ko i sabatajin, ko i wilun na yapala, ko i roriot logon a wulwe a ti MATAT ŋun likaŋ, gwoso na saraki’e Yisaraele ŋupi.

2 Dekat 2:4 ပူးပေါင်းရင်းမြစ်များ

Yuörö 30:7

A Arona ködyö ’yuŋe bökur lo mon paleleŋ i ŋinu pirit ’yuret; a nye ’yuŋe bökur temba i ko ’bure na teteŋdi lepeŋ lombojin na.

Yuörö 25:30

A do petakiŋdye ambatajin i misa köyö i komor ŋupi. Kine ambatajin peta köyö i komor nan ŋun.

2 Dekat 2:1

Nyena a Solomona yöŋöni ’duggökadi a na karin ti MATAT ko kadi nanyit na mor.

1 Moran 8:63

A Solomona ’duŋökiŋdye MATAT rubaŋgajin ti taliŋ logon a dwönin aliŋan merya murek wot murek, ko köbilu aliŋan mia geleŋ ko merya murek. A mor se ko ŋutu liŋ ti Yisaraele ’boroji nu kadi na MATAT.

1 Moran 8:18

Ama MATAT a kulya ko Dawidi monye lio adi, Kogwon ’deket kata konut i töili nagon do ’duŋge kadi kogwon karin kwe na, nyena do a koŋdya ’bura i ’debba na Ŋina ’deket konut i töili;

1 Moran 5:5

Nyenagon nan yöŋö ’duggö kadi a na karin ti MATAT ŋun lio, gwoso na kulyari MATAT ko Dawidi monye lio nu, adi, ŋuro ilot logon nan mo titin konut i si ’daet i pirit inot lu, nye molu lo ’duggi kadi kogwon karin kwe.

2 Dekat 13:11

Lepeŋat wukiŋdya MATAT rubaŋgajin lo ’yu ’yura ’buluŋ, ko bökur lo mon paleleŋ temba i ko’bure ko i sömukö i ’doro na kolor, a peddi ambatajin ko Ŋun i komor jojo i misa nake na rurwan, ko i meddya na gwo ’diet lo lombojin na tetena ko dakap, anyen lombojin kanyit tutule temba i ’doro na kolor; kogwon yi ’debba jujuwesi ti MATAT nun likaŋ, ama ta aje ko ’yu lepeŋ.

Nemaya 10:33

kweja adi a ti ambatajin na peta ko Ŋun i komor, ko ’dokesi ti ’bolot na wuki perok liŋ, ko rubaŋga lo ’yu ’yura ’buluŋ perok liŋ, ko a ti sabatajin, ko a ti wilun na yapala, ko a ti roriot lo wulwe, ko a ti ŋo nake na rurwan, ko a ti rubaŋgajin tokelesi ti toronjin ti Yisaraele, ko a ti kitaesi liŋ ti kadi na Ŋun likaŋ.

1 Dekat 22:5

A Dawidi kulyani adi, ŋuro liŋ Solomona nyuŋ a lo ’dit ko a lomunyan; kadi nagon mo ’duköki MATAT na agu ködyö gwon a duma parik anyen kwelen nanyit kuörö i jurön liŋ; nyenagon ti nan teteŋdi ŋo ’dukesi. Nyena a Dawidi teteŋdi ŋo ’dukesi jore parik i ŋerot na twan nanyit.

Saumajin 86:8

Pon MATAT, lele ŋun ’bayin i kiden na ŋunyen gwoso do, köti lele ’bayin lo kondya gwoso konesi kunök.

Saumajin 96:4

Kogwon MATAT a duma jujukin i ŋuŋura parik; lepeŋ kukujönörikin totoŋun kulye ŋunyen liŋ.

Tolupesi 7:20

lepeŋ a baraddu jurak lo gurut, lepeŋ mo ko yitwene mede ko yapa gwe a duma.