1 Yoane 4:2 - Bibilia Buk na Ŋun nagon koti luŋu a

² I ŋina ta bubulö gwulu ’yu Mulokotyo lo ŋun; kweja adi, muloko liŋ logon tuggo adi Yesu a Masia logon a po i na kak a ŋuto kilo, se a ti Ŋun,

1 Yoane 4:2 ပူးပေါင်းရင်းမြစ်များ

Yoane 1:14

A Kulyaet lo worani a ŋuto, a mönuŋdye kayaŋ kiden, a yi meddi kwelen nanyit, kwelen gwoso ŋuro pilili lo Monye, a jore ko ’busan na nyaŋu se ko to ’diri.

1 Korinto 12:3

Nyenagon nan ’de ’dekan ta kukurun adi, lele ŋuto ’bayin logon Mulökötyo lo Ŋun lo tujambu lepeŋ adi, Ti Yesu lömöni lömö. Köti lele ŋuto ’bayin logon bubulö kulya adi, Yesu a Matat, ake ko Mulökötyo Loke lo tujambu lepeŋ.

1 Timoteo 3:16

Kulya ti keri likaŋ lo Ŋun ’diri a nagululök parik adi, Lepeŋ a kweya a ŋuto, a Mulökötyo Loke iŋge kweja lepeŋ a lo rigwo, a malaikajin iŋge met lepeŋ, a kulya kanyit tokuöjine i juron kiden, iŋge yupo i kak ’bukuluŋ, a lepeŋ ’depajine ki i bula.

1 Yoane 1:2

Ŋina Ru a kweya, a yi iŋge met lepeŋ, a yi iŋge tokoŋu kulya kanyit, a yi iŋge tukokin ta kulya kanyit, adi, nye a ru na yeŋ nyin nagon gwon ko Ŋun Monye a iŋge kweki yi na.

1 Yoane 2:23

Ŋuto lo renya Ŋuro lo Ŋun lo ’bak Ŋun Monye. Ŋuto lo ruggo Ŋuro lo Ŋun lo lepeŋ koti gwon ko Ŋun Monye.

1 Yoane 4:15

Ko ŋuto logon tuggö adi Yesu a Ŋuro lo Ŋun, Ŋun gwolor kanyit i mugun a nye gwolore ko Ŋun i mugun.

1 Yoane 4:3

ama muloko liŋ logon ti bulo tuggo sona i kulya ti Yesu, kilo muloko ’bayin a ti Ŋun. Kilo muloko a ti Miriku lo Kristo, kogwon ta aje yiŋ adi ŋilo Miriku lo popo, iŋkoi, soŋinana lo gwe kata i kak ni.

1 Yoane 5:1

Ŋutu liŋ logon yubbö adi Yesu a Masia kilo a ŋwajik ti Ŋun. Ŋuto logon nyanyar monye ŋwajik lepeŋ nyanyar ŋwajik kanyit köti.

2 Yoane 1:7

Kamumulukak jore aje rekin i na kak. Kilo ŋutu ti ruggö adi Yesu a Masia logon a po i na kak a ŋuto. Ŋuto lo kulya sona lo a kamumulukanit ko a ŋilu Miriku lo Kristo.