1 Yoane 1:3 - Bibilia Buk na Ŋun nagon koti luŋu a

³ Yi koti a tukökiŋdyö ta ŋo nagon yi aje met ko aje yiŋ kune, anyen ta boŋö gwon a po geleŋ koyi i pirit na geleŋ; ŋina tojulin nikaŋ gwon i pirit na geleŋ ko Ŋun Monye se ko Ŋuro lonyit Yesu Kristo.

1 Yoane 1:3 ပူးပေါင်းရင်းမြစ်များ

Eyobo 13:1

Kine ŋo liŋ nan aje met ko konyen kwe, nan a yiŋ ko swö kwe ko aje kurun se.

Saumajin 2:7

Nan de tokujo saret lo MATAT. Lepeŋ a kulya ko nan adi, Do a ŋuro lio; i lo lor nan aje yupundyo do.

Saumajin 22:22

Nan mo tukukindyo luŋasirik kwe karin kunök; nan mo ŋuŋuŋa do i kiden na ŋutu lo momora.

Yisaya 66:19

a nan mo koŋdi kweyet ko lepeŋat kiden. A nan mo soŋdi kulye kase lo pituŋdyö kilo i jurön, tojo ko Tarasisa, ko Put, ko Luda, logon ŋutu kanyit a karokak ti daŋin kulo, tojo ko Tubala ko Yawan, tojo ko juron lo gwon i kijit na tor duma na ’balaŋ pajo yu, logon a ko yiŋ lore liŋ kode meddya bulet nio; a se mo kwekiŋdye bulet nio i kiden na juron.

Kenet 10:32

A mo gwe sona adi ko do a moraddu koyi i pirit na geleŋ, nyena a ŋo liŋ na ’but nagoŋ MATAT mo kökonakin yi kune a yi mo konakiŋdye do köti.

Yoane 17:11

Nan soŋinana tine gwon i na kak koti kogwon nan lo iti konut yu, ama se nyuŋ gwon i na kak. Baba loke, ’depe ŋutu logon do aje tin nan kulo ko riŋit na karin kunök, anyen se böŋö gwon a pele geleŋ gwoso na gwoŋdi yi ko do a pele geleŋ na.

Yoane 17:21

Boŋo ti lepeŋat liŋ gwe a pele geleŋ gwoso na gwoŋdi do Baba köyo i mugun a nan gwe konut i mugun na, anyen se koti gwon kayaŋ i mugunya, anyen ŋutu ti Lak ni boŋo yuyuŋ adi do lo sunyuŋdyö nan.

Yoane 17:25

Pon Baba lo ’but, ŋutu ti kak ni a ko den do, ama nan a den do, a kulo ŋutu iŋge den adi do lo sunyun-dyo nan.

Yoane 17:3

Ŋina a ru na yeŋ nyin anyen se deden do logon a Ŋun geleŋ ko a gwak, se ko nan Yesu Kristo logon do aje sunyun lo.

Yoane 19:35

ŋuto logon aje met kine kulya lo a tokoŋ tokoŋu, a tokoret nanyit gwe a to ’diri; lepeŋ deden adi nye jambu a gwak, anyen ta köti ködyö yuyubbö.

Konesi 13:32

yi jakiŋdya ta Loŋe Lo ’but logon Ŋun köju a milyekin merenyejin kaŋ lo,

Konesi 13:41

Ta ka ’dö ’döyök meddi ta, ko söŋi ta söŋu, ko liki ta likin, kogwon nan a koŋdya kita i perok kasu. ŋina kita ta ti yuŋ kwöŋ ma ’di ködyö lele ŋuto a tukökin ta.

Konesi 2:42

A se yepe pakindya ’börik i yiŋga na luyökie i todindyo, ko i tojulin ko ’bbrik, ko i pipinya na ambata i pirit na geleŋ ko i kwakwaddu.

Konesi 20:27

kogwon nan a ko ’de ’ya tukökiŋdyö ta yeyeesi liŋ ti Ŋun.

Konesi 4:20

Ko gwe gwoso yi, nyena yi ti bulö kölökiŋdyö i jambu na po nagon yi ko mugunya kaŋa met ko a yiŋ kune.

Roma 15:27

Lepeŋat ko ’börik lo yeyeju koŋdya sona, iŋkoi, lepeŋat gwon ko möri i parakiŋdya na se. Kogwon ko Yudayaki a parakiŋdya ŋutu ti jurön ko kulya ti Ŋun, a ŋutu ti jurön köti ködyö parakiŋdye Yudayaki ko ŋo ti mugun.

1 Korinto 1:30

Ŋina a kita na Ŋun nagon ta gwon ko Kristo Yesu i mugun na. Ŋun a tiŋdu Kristo i gwon a koŋon nikao, nye a tiŋdu yi gwon rigwo kanyit i komor kogwon Kristo. Nye aje tiŋdu yi i gwon a Ŋutu kanyit loke, ko aje Iwoggu yi. Kine ŋo liŋ Ŋun a kon ko Kristo i mugun.

1 Korinto 1:9

Ŋun logon a lupuŋdya ta i tojulin ko Ŋuro lonyit Yesu Kristo Matat likaŋ lo, lepeŋ a Ŋun lo yiyiniki i koŋdya na ŋo nagon nye a jambu adi nye kökon kune.

1 Korinto 15:1

Nyena luŋasirik, nan ’de ’dekan toyiyikiŋdyö ta kulya ti Loŋe Lo ’but logon nan aje tokukin ta lo, logon ta aje wu lo, logon ta gwo ’dan go kogwon nye lo.

2 Korinto 13:14

Ti ’busan na Matat Yesu Kristo, ko nyaŋu na Ŋun, se ko tojulin na Mulokotyo Loke gwe ko ta liŋ.

Epeso 3:6

Ŋina lwön gwon sona adi, ŋutu ti jurön bubulö parundya ko Yudayaki ŋo nagon Ŋun köju a milyekin se kune, a se liŋ gwe a swötön ti mugun geleŋ, a se liŋ köti iŋge ruköki i parundya na ŋo nagon Ŋun a milyekin ko Kristo Yesu i mugun i Loŋe Lo ’but kune.

Pilipoi 1:7

Kodyo a na ’but i yeyeju nio na ta liŋ sona, kogwon toili liŋ ŋupi gwon i yeyeju na ta, kogwon ta liŋ ŋaŋu ’doket na Ŋun ko nan i pirit na geleŋ, i rerekesi kwe ko i juŋdyo nio na Loŋe Lo ’but, ko i togwi ’dikiŋdya na lepeŋ go.

Pilipoi 2:1

Gwon ko Kristo i mugun ŋonatiŋdu ta i gwon a iŋgo le? Nyaŋu ŋona riri ’dikin ta i koŋdya na nene ŋo le? Ta ŋona gwon ko tojulin i pirit na geleŋ i Mulökötyo Loke? Ta ŋona gwon kowon na konyen ko i yatakiŋdya le?

Pilipoi 3:10

Nan ’de ’dekan ŋo geleŋ tuŋ, kweja adi nan ’dek deŋdya Kristo, nan ’dek deŋdya riŋit na ŋien nanyit i twan.

Kolosai 1:13

Lepeŋ a lwökuŋdyö yi kaŋo i riŋit na mudwe, a toyubödi yi i tumatyan na Ŋuro lonyit lo nyanyara lo.

1 Tesalonike 1:10

ko i momordu na Ŋuro lonyit i po nanyit ki yu, logon lepeŋ a toŋiju i twan lo. Ŋilo a Yesu logon aje lwokuŋdyo yi i woran na Ŋun na popo nu.

1 Timoteo 6:2

’dupi logon temejik kase a kayupok kilo gwe ti lanu lepeŋat kogwon se a luŋasirik lo yubbo, kolumbo ti ’dupi kodyo kitakiŋdye temejik kase ’bura bia parik, kogwon kilo ŋutu logon se kitakiŋdya se kulo a kayupok lo nyanyara. Do agu kodyo totodin ko jujukiŋdya ŋutu kine kulya.

Ebere 2:12

A nye kulyani adi, Nan mo tokukiŋdyö luŋasirik kwe karin kunök; nan mo yulukiŋdyö do puresi i kiden na ŋutu lo momora.

Ebere 3:1

Nyenagon ta luŋasirik kwe logon Ŋun a gelun ko a luŋi parundya na kulya ti ki kulo, yeyene ta yeye Yesu. Lepeŋ a Luyökie ko a Koane duma i keri likaŋ lo yupet.

Ebere 3:14

Kogwon yi ŋaŋu ko Kristo i pirit na geleŋ tuŋ koyi a ’depakiŋdya go tojo ko ’dutet, i yeŋdu na lepeŋ gwoso i suluet na.

1 Petero 5:1

Nan gwon ko kulya na jamaki ŋutu kasu logon a temejik kilo. Nan jambu ko ta kogwon nan köti a lele temejiktyo. Nan a ŋuto logon ’diri a met Kristo i ŋoŋgo, a nan yeŋdi ŋaruŋdya na bulet nagon mo kwekweya nu.

2 Petero 1:16

Kogwon na tukokiŋdye yi ta riŋit na Matat likaŋ Yesu Kristo se ko po nanyit nu, yi a ko mirakiŋdya likikirilon kana logon yolo ko koŋon na ŋutu, ama yi aje met lepeŋ ko konyen kaŋ i todumalan nanyit.

1 Yoane 1:1

Kwe na kulya gwon a Kulyaet lo Ru. Ŋilo Kulyaet koju aje gwon kata suluja i suluet; yi a yiŋ lepeŋ, a yi iŋge met ko konyen kaŋ; yi a dir lepeŋ, a yi iŋge ’bo ko konisi kaŋ.

1 Yoane 1:5

Loŋe logon yi a yiŋun kanyit a tukokiŋdye ta lo nye lo, adi Ŋun a parara, a mudwe gwe ’bayin kanyit kwoŋ.

1 Yoane 1:7

Ama koyi wöro i parara gwoso na gwoŋdi nye i parara na, a yi tojuline ko ’börik, a rima ti Yesu Ŋuro lonyit lalaji yi i toronjin liŋ.