1 Samuele 9:9 - Bibilia Buk na Ŋun nagon koti luŋu a

⁹ (Köju ’beron i Yisaraele, ko ŋutu tu i piyuŋdya ko ŋun, a nye kulyani adi, Po, yi a tu ta ko kametanit lo kulya na popo; kogwon nye logon soŋinana a luŋu a nebi lo köju ’beron luŋu a kametanit lo kulya na popo.)

1 Samuele 9:9 ပူးပေါင်းရင်းမြစ်များ

Suluet 25:22

A ŋwajik möröni mörö ko ’borik kanyit i pele; a nye kulyani adi, A ko gwon sona, a nyo nagon nan ti twan? Nyena a nye iti i piyuŋdya na MATAT.

2 Samuele 24:11

A nagon Dawidi aje ŋien ki i ko ’bure nu, a kulyaet lo MATAT poki ko nebi Gada ŋuto lo Dawidi logon a kametanit lo kulya na popo lo adi,

2 Moran 17:13

Ma ’di sona MATAT a kunyaŋu ŋutu ti Yisaraele ko ti Yuda i kutusen ti nebijin liŋ ko ti kametak liŋ ti kulya na ŋoŋo adi, Löpuŋge ta i kikolin kasu lorok ko ’debbi ta jujuwesi kwe ko saresi kwe lo wurö, gwoso todinesi liŋ nagon nan köju a sarakin merenyejin kasu kunu, ko nagon nan a sunyukin ta ko köliŋönök kwe logon a nebijin i kutusen.

1 Dekat 21:9

a MATAT jamakiŋdye Gada ŋuto lo Dawidi logon a kametanit lo kulya na ŋoŋo adi,

1 Dekat 26:28

Köti se ko ’dokesi nagon ko Samuele kametanit lo kulya na ŋoŋo, ko Saula ŋuro lo Kisi, ko Abiner ŋuro lo Ner, se ko Yöaba ŋuro lo Seruya lo wukiŋdya kune. A kine ’dokesi liŋ na wuki kine gwe i könin lo Selomot se ko lupasirik kanyit.

1 Dekat 29:29

Nyena konesi ti mor Dawidi, suluja i suluet tojo ko ’dutet, a wuröki i Dekat ti Samuele kametanit lo kulya na popo, ko i Dekat ti nebi Natana, se ko i Dekat ti Gada kametanit lo kulya na popo,

1 Dekat 9:22

Kilo ŋutu liŋ logon a wulwe a katiyuk ti kötumitön kulo gwe a miajin murek ko puök wot murek. A se kenani kena ko nyakwariat kase i turön kase. A ko Dawidi ko Samuele logon a kame ’tanit lo kulya na popo lo yini-kiŋdye kulo ŋutu a rukökiŋdye se i Ŋina kita.

2 Dekat 16:10

A Asa iŋge woran ko ŋilo kametanit lo kulya na popo a tiŋdi lepeŋ i rereka ko rerekesi nagon ri ’dikiŋdya go; kogwon nye a yulon ko lepeŋ i ŋina ŋo. A i nu diŋit a Asa köti sasaŋdi kulye ŋutu ko sasanyesi narok.

2 Dekat 16:7

A i ŋinu diŋit a Kanani kametanit lo kulya na popo poŋdi ko Asa mor lo Yuda ni, a kulyani ko lepeŋ adi, Kogwon do a yinikiŋdyo mugun ko mor lo Suria, a gwe a ko yinikiŋdyo mugun ko MATAT Ŋun ilot, nyenagon kamorok ti mor lo Suria aje lwököddu ’borik kaŋo konut i könisi.

Yisaya 29:10

Kogwon MATAT ra ’bukökiŋdyö kasu loki mulökotyo logon tiŋdu ta i doto adi mwön, nye aje muggö konyen kasu, konyen kasu a nebijin, a muŋge kusik kasu, kusik kasu a kametak ti kulya na popo.

Yisaya 30:10

a se kulyani ko kametak ti kulya na popo adi, An ta ko meddya ta kulya ti ŋerot; a kulyani ko nebijin adi, An ta ko kikiŋdyö ta yi kulya na rigwo; jamakiŋdye ta yi kulya na pölilyö, kikiŋdye ta yi ŋo na gwon kana,

Amosa 7:12

A Amajia kulyani ko Amosa adi, Do ŋilo kame-tanit lo kulya na popo, iŋgo, woki i jur lo Yuda, tu nyesi kinyo ilot nyu, ko keŋ keju yu;

1 Korinto 12:17

A ko ködyö mugun liŋ na ŋuto gwon a koŋe, a nye ködyö yiŋge ada? A ko mugun liŋ ködyö gwon a swöt, a nye ködyö moji ada?

Ka’duŋök 1:1

A gwe sona i mukök na twan na Yosua, a ŋutu ti Yisaraele pipije MATAT adi, ŋa logon kayaŋ kata logon mo tu i moro a kokwe ko ŋutu ti Kanana?

Ka’duŋök 18:5

A se kulyani ko lepeŋ adi, Böŋö piyuŋdye ko ŋun yu, anyen yi deden ko jölö nikaŋ nagon yi titiri na ŋona de gwon a na ’but. A ŋilo koane kulyani ko se adi,

1 Samuele 9:10

A Saula kulyani ko köliŋönit lonyit lo adi, Do a kulya ’bura; po, ti yi iti. Nyena a se iti i köji na gwoŋdi ŋuto lo ŋun nu.