1 Samuele 9:6 - Bibilia Buk na Ŋun nagon koti luŋu a

⁶ Ama a ŋilo köliŋönit takiŋdye lepeŋ adi, Mete, lele ŋuto lo ŋun kata i na köji, nye a ŋuto lo bubula; ŋo liŋ nagon nye a jam popoŋdya a gwak. Nyena ti yi iti nyu kode ŋona nye bubulö takiŋdya yi kulya ti jölö nikaŋ na tiri yi na.

1 Samuele 9:6 ပူးပေါင်းရင်းမြစ်များ

Suluet 24:42

I lo lor a nan ’duröki i koŋe lo pioŋ, a nan kwakwaddi adi, Pon MATAT Ŋun lo monye lio Abarayama, soŋinana ko do de tuwöröddu nan ’bura i kiko logon nan tiri nyin lo,

2 Samuele 15:27

A mor köti pipije koane Sadok adi, Do ti gwon a kametanit lo kulya na popo le? Yitöni ta köji yu ko taliŋ, ta ko ŋwajik kasu murek logon a ko Akimasa ŋuro ilot ko Yonatana ŋuro lo Abyatar.

1 Moran 13:1

A nagon Yerobama nyuŋ gwogwo ’dan i pirit ’yuret na rubaŋgajin ’yuŋa bökur nu, mete, a ŋuto lo ŋun ŋoŋdi kaŋo Yuda kogwon kulyaet lo MATAT, a iti Betele.

2 Moran 5:8

Ama a Elisa ŋuto lo Ŋun ko yiŋge adi mor lo Yisaraele a kekereŋdya boŋgwat kanyit, a nye sunyukiŋdye mor lore pija adi, Nyo nagon do kekereŋdya boŋgwat kunök? Ti ŋilo ŋuto poŋdi köyö ni, a lepeŋ de kuruŋdye adi nebi kata Yisaraele.

2 Moran 6:6

A ŋuto lo ŋun pije adi, Tulu lo ’doro da? A nye ko kwekiŋdye lepeŋ pirit na, a Elisa tukuŋdye ködini a gubaddi nyu, a tiŋdi lu tulu i yaun ki.

Saumajin 25:12

Ŋuto a ŋa lo kugga MATAT? MATAT mo todinikindyö lo ŋuto i kiko logon nye a wulökin lepeŋ lo.

Yisaya 44:26

Nan nye lo togo ’yu kulyaet lo kölipönit liŋ, a tiŋdi jujuwesi ti luyökie kwe i temakiŋdya. Nan nye lo jambu i kulya ti Yerusalema adi, Nye mo sisi ’darikin köti, ko i kulya ti köjinö ti Yuda adi, Se mo nyönyökö ’dukö, a nan mo ’bilikiŋdye murwöki kase ki.

Matayo 24:35

Ki ko kak mo ’du ’duddyö, ama kulyaesi kwe mo ti ’duddyö kwöŋ.

Nyökit 33:1

A kune gwe a ’boriesi nagoŋ Mose ŋuto lo Ŋun a ’boroji ŋutu ti Yisaraele i ŋerot na twan nanyit nu.

1 Tesalonike 2:10

Ta a met, Ŋun köti a met adi gwiliŋit likaŋ logon yi a konakiŋdye ta kayupök lo a loke, ko a lo rigwo, ko ’bak yuyuket.

1 Tesalonike 5:13

Nyena twöji ta se bia parik ko nyaŋu kogwon kita na kon se na. Gwe ta ko taliŋ ko ’börik.

1 Timoteo 6:11

Nyena do ŋuto lo Ŋun, paji kine ŋo liŋ; ama kebbi loti lo rigwo, ko twöju na Ŋun, ko yupet, ko nyaŋu, ko gwo ’dan go, ko töili lo lilik.

1 Samuele 2:27

A ŋuto lo ŋun lo poŋdi ko Eli ni, a kulyani ko lepeŋ adi, MATAT a jambu adi, Nan a kwekiŋdya mugun i kotumit na merenye ilot, i diŋit nagon se gwon Ejipeto a ’dupi ti kotumit na Paro nu.

1 Samuele 9:8

A köli pönit lo köti nyobbi Saula adi, Mete, nan gwon ko tupet na pödö; a nan de tiŋdi ŋuto lo ŋun anyen takiŋdya yi kiko likaŋ.