1 Samuele 9:5 - Bibilia Buk na Ŋun nagon koti luŋu a

⁵ A se ko ’dure i jur lo Supa, a Saula kulyani ko köliŋönit lonyit lo gwon ko lepeŋ lo adi, Poŋdi, ti yi yitöni bot, an baba de kö ’yu wiwinya i kulya ti kaineki, kölumbö a lepeŋ de yeyeji kulya kaŋ.

1 Samuele 9:5 ပူးပေါင်းရင်းမြစ်များ

Matayo 6:25

Nyenagon nan takiŋdya ta adi, Ko wiwinya ta i kulya ti kinyo logon tiŋdu ta i gwon jörun, ko ta nyesu nyo kode ko ta möju nyo, kode i kulya ti boŋgwat nagon ta jupukin kasu i mugunya. Ru na ŋutu ti lwöŋ kinyo le? Mugunya ti ŋutu ti lwöŋ boŋgwat ŋona le?

Matayo 6:28

Ko nyonagon ta wiwinya i kulya ti boŋgwat? Yeyene ta köturön ti mu ’diŋ ko se ’duruŋdyö ada; se ti kita kode wiwöji waratat,

Matayo 6:34

Nyenagon ko wiwinya ta i kulya ti kotumalu, kogwon kotumalu mo wiwinya kulya kanyit. A kulya narok ti lor juki i ŋilu lor.

Luka 12:11

A ko ŋutu a joŋga ta i putet i kadijik momoresi, kode i komor na modirön ko na kimak, ko wiwinya ta adi ta de waddu ada, kode adi ta mo kulya ada,

Luka 12:22

A Yesu kulyani ko ŋutu kanyit kajujumuk adi, Nyena ko ŋina kwe nan takiŋdya ta adi, Ko wiwinya ta i kulya ti kinyo logon tiŋdu ta i gwon jorun, ko ta nyesu nyo, kode i kulya ti boŋgwat nagon ta jupukin kasu i mugunya.

1 Samuele 1:1

Lele ŋuto köju kata lo Ramataim-sopim lo jur lo merya ti Epuraima, karin kanyit a Elekana, ŋuro lo Yero-kam, ŋuro lo Eliyu, ŋuro lo Toku, ŋuro lo Supa, Epuraimatyo.

1 Samuele 10:2

Adi ko do aje ŋiörö kaŋo köyö i lo lor, a do mo rume ko ŋutu murek nyona ko gulöm na Raele, i koret na Benyamina Selesak yu, a se de takiŋdye do adi, Kaineki nagon do a tu i galaddu kune aje rye; mete, munyi aje kö ’yu wiwinya i kulya ti kaineki a yeyeji do, adi nan de koŋdya nyo ko ŋuro liŋ?