1 Samuele 9:25 - Bibilia Buk na Ŋun nagon koti luŋu a

²⁵ A nagon se aje lulurara kak i pirit na ’du tojo köji kata nu, a Samuele gwe i Tambu ko Saula i lo ’dek loki.

1 Samuele 9:25 ပူးပေါင်းရင်းမြစ်များ

2 Samuele 11:2

A gwe sona i lele koriri nagon kolor gwe nyona ko ’doro nu, a Dawidi ŋine ki kanyit i dotoet, a wöröni woro i lo ’dek loki lo kadi nanyit na mor, a nye meddi i ŋilu lo ’dek loki nene ŋuto gwon i kwo; a ŋinu ŋuto metani a nake parik.

Nemaya 8:16

Nyena a ŋuto iti kaŋo a joŋdi se, a rarapakiŋdye ’borik a murugujin, ŋuto geleŋ kanyit i lo ’dek ki, ko kase i ’baŋin, ko i ’baŋin na gwon i lukata na mariŋ na kadi na ŋun, ko i terere na gwon i kötumit yeket na piŋo, ko i terere na gwon i kötumit na Epuraima.

Yeremia 19:13

Kadijik ti Yerusalema ko kadijik ti moran ti Yuda mo totoluta gwoso Topet. Iŋkoi, lepeŋat liŋ totoluta, kogwon ŋutu a ’yurakiŋdya kurumi na po liŋ ti ki bökur, a ’bukökiŋdye kulye punyen rubaŋgajin ’bu ’bukesi i lo ’deka ti kadijik kase.

Matayo 10:27

Ŋo nagon nan tukökin ta i mudwe kine tuke ta i parara; ŋo nagon a moŋaki kasu i swo kine laŋe ta i loteko ti kadijik.

Matayo 24:17

ti ŋuto lo gwon i lo ’dek lo kadi lo gwe ti kiyuŋdya kak i ’dumaddu na po nagon kanyit kadi kune;

Luka 5:19

ama a se tine ryö kiko logon se joŋgi lepeŋ lukata, kogwon ŋutu jore parik. Nyena a se kirut ’dokoddi lepeŋ ki i lo ’dek lo kadi, a se köluŋdye ŋuto lo kak kanyit i dotoet i kiden na teŋula, anyen yepuŋdya kak ko ŋutu kiden ko Yesu i komor.

Konesi 10:9

A kotumalu nanyit nagon se gwon i kiko nyona ko ’dur köji nu, a Petero kije i lo ’dek lo kadi nyona ko tuparan kiden i kwakwaddu.

Nyökit 22:8

A ko do a ’duggö kadi ludukötyo, a do ködyö tetenakiŋdye gömit konut i lo ’dek lu ’dayat ki, an do ko joŋdya rima konut kadi, ko lele ŋuto a ’duruun kata.

1 Samuele 9:26

A se ŋine ko ’bure kobubut; a gwe sona i baŋun na kak, a Samuele luŋgu Saula i lo ’dek lu ’dayat loki adi, Ŋine ki anyen nan nyomoddu do konut i jolo. A Saula Ŋine ki, a nye ko Samuele lupöni kaŋo kadi, a iti tu.