1 Samuele 9:16 - Bibilia Buk na Ŋun nagon koti luŋu a

¹⁶ Ko ’bure gwoso i na saa nan de susunyukin do ŋuto i jur lo Benyamina, a do de welakiŋdye lepeŋ a kanyömönit lo ŋutu kwe Yisaraele. A lepeŋ de lwökuŋdye ŋutu kwe i könisi ti ŋutu ti Pelesete; kogwon nan aje met yöyöŋesi ti ŋutu kwe kogwon gwien nase aje ’durökin köyö.

1 Samuele 9:16 ပူးပေါင်းရင်းမြစ်များ

2 Samuele 3:18

Nyenagon koŋdi ta; kogwon MATAT aje milyekin Dawidi adi, Nan mo tiŋdu köliŋönit lio Dawidi i lwö-kuŋdyö na ŋutu kwe Yisaraele i könisi ti ŋutu ti Pelesete ko ti merok kase liŋ.

2 Moran 20:5

Yitöni bot, ko taki Kijikia kasaranit lo ŋutu kwe adi, Nan MATAT Ŋun lo Dawidi merenye ilot lo kulya sena adi, Nan aje yiŋ momolesi kunök, ko nan aje met politan kunök; mete, nan de totoke do; a i perok musala a do mo iti i kadi na MATAT.

Saumajin 102:1

Pon MATAT, yiŋge momolesi kwe, ko ti gwien nio ’dure konut ŋini.

Saumajin 106:44

Ma ’di sona, a nye ko mete delya nase, a nye yiŋge gwiesi kase.

Saumajin 25:18

Meddi sasanya nio ko delya nio, ko pitöki toronjin kwe liŋ.

Tolupesi 16:9

Ŋuto yeyeju kiko lonyit ko toili lonyit, ama MATAT lo tuworoju lepeŋ.

Yeremia 32:8

A kirut Kanamele ŋuro lo luŋaser baba poŋdi köyö ni i kadi na gwon i ’baŋ lo katiyuk na, gwoso na kulyari MATAT na, a lepeŋ kulyani ko nan adi, Gwöruŋdye melesen nio na gwon Anatot i jur lo Benyamina nu, kogwon do a karutyo a gwe a kulya kunök i gwöruŋdyö na ŋinu melesen anyen gwon a inot ko do nyanyar. Gwöruŋdye lepeŋ a inot. A kirut nan iŋge den adi ŋilo a MATAT lo kulya.

1 Samuele 10:1

A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.

1 Samuele 14:20

A Saula ko ŋutu liŋ lo gwon ko lepeŋ kulo momori momora a rurumaddi i mörö; nyena mete, a ŋutu ti Pelesete gwe i torem ko ’börik, a dwadwanyet gwe a duma parik kase kiden.

1 Samuele 14:23

Nyena a MATAT lwökuŋdye ŋutu ti Yisaraele i ŋilu lor; a mörö iŋge lwö-ŋöddu i lu swöt lo Bet-awen.

1 Samuele 15:1

A Samuele kulyani ko Saula adi, MATAT lo sunyuŋdyö nan i welakiŋdya na do a mor lo ŋutu kanyit Yisaraele; nyenagon yiŋge kulyaesi ti MATAT.

1 Samuele 16:1

A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 16:3

A do de luŋgi Yisai i ŋilu rubaŋga, a nan kwekiŋdye do ko do koŋdya nyo; a do welakiŋdye nan nye a mor logon nan tatakin do karin kanyit lu.