1 Samuele 9:13 - Bibilia Buk na Ŋun nagon koti luŋu a

¹³ ’De ’de nagon ta de lupöri i köji, ta de ryöryö lepeŋ i ŋerot nagon nye tiri i pirit na ’du i nyesu nyu; kogwon ŋutu de ti nyesu tojo lepeŋ a ’durökin, kogwon nye lo ’boroja rubaŋga; a i mukök a ŋutu logon a luŋu kulo de nyesi nyesu. Nyena iti ta ki kogwon ta de rurum ko lepeŋ soŋinana.

1 Samuele 9:13 ပူးပေါင်းရင်းမြစ်များ

2 Samuele 15:11

Abisaloma lo gwe a mor Keberon! A Abisaloma iti ko ŋutu miajin murek ti Yerusalema logon a luŋuji a kömu, a lepeŋat iti ko töilyet loke a ko den nene ŋo.

Matayo 14:19

A kirut nye sarakiŋdye lodir lo ŋutu anyen si ’daki kak i doru loki. A nye ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye ambatajin kune, a tiŋdi ŋutu kanyit kajujumuk, a kajujumuk tiŋdi ŋutu kulo.

Matayo 26:26

A nagon se nyenyesu nu, a Yesu ’dumuŋdye ambata, a ’boroji ’boroja a pipiŋdye pipiŋdya, a tiŋdi ŋutu kanyit kajujumuk, a kulyani adi, Wuji ta, nyesi ta; ŋina a mugun nio.

Marako 6:41

A Yesu ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye ambatajin kune, a tiŋdi ŋutu kanyit kajujumuk kulo anyen tikin ko ŋutu i komor. A nye kökorakiŋdye lepeŋat liŋ kine somot murek.

Luka 24:30

A nagon nye aje si ’daki kak ko se i pirit na geleŋ i nyesu nu, a nye ’dumuŋdye ambata, a ’boroji ’boroja, a pipiŋdye pipiŋdya, a tiŋdi lepeŋat.

Luka 9:16

A Yesu ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye se, a tiŋdi ŋutu kanyit kajujumuk kulo anyen tikin ko lodir lo ŋutu i komor.

Yoane 6:11

A Yesu ’dumuŋdye ambatajin kune, a tiŋdi Ŋun tinate, a kökorakiŋdye i ŋutu lo si ’da kak kulo, a nye koti koŋdi sona ko somot murek kune. A se liŋ iŋge nyesu gwoso nagon se ’de ’dekan.

Yoane 6:23

Nyenagon a ki ’bojin lo po Tiberia kulo ’dure i pirit nagon MATAT aje tiŋdu Ŋun tinate a ŋutu iŋge nyesu ambatajin kata nu.

1 Korinto 10:30

Ko nan a paruŋdya ŋilo kinyo ko lyöŋesi, a nyo nagon lele ŋuro yuyuggö nan kogwon kinyo logon nan aje tiŋdu Ŋun tinate kogwon nye lo?

1 Timoteo 4:4

Ŋo nagon Ŋun a gwe kine a na ’but, a nene ŋo gwe ’bayin nagon rerenyarikin, ama ködyö nyei ko tiŋdu na tinate,

1 Samuele 2:35

A nan mo topukokiŋdye mugun koane lo yiyiniki i kita logon mo koŋdya ŋo nagon nan ’de ’dekan köyö i töili ko i yeyeesi kune. A nan mo tetenakiŋdye lepeŋ kötumit nagon a gwak, a nye mo kitani ŋupi i komor na ŋuto liŋ lo welaki a mor lo.

1 Samuele 9:14

A se iti köji, a na lupuŋdye se i köji lukata nu, a se metuŋdye Samuele poŋdya kase ni, anyen tu i pirit na ’du.