1 Samuele 8:7 - Bibilia Buk na Ŋun nagon koti luŋu a

⁷ A MATAT kulyani ko Samuele adi, Yiŋge gworo lo kilo ŋutu i ŋo liŋ nagon se a kulyari ko do kine; kogwon se a ko renya do, ama se aje renya nan i gwon a mor lose.

1 Samuele 8:7 ပူးပေါင်းရင်းမြစ်များ

Yuörö 16:8

A Mose kulyani adi, Ko MATAT titiŋdu ta lokore na nyenyei i sömukö, ko ambata na totoyimönöju i ko ’bure, kogwon MATAT a yio woŋesi nagon ta a woŋgi ko lepeŋ kunu—a yi kulo gwe a ko ŋa? Ta ti woŋon koyi ama ta woŋon ko MATAT.

Yisaya 66:4

a nan köti mo wulökiŋdye se yoyoŋesi kase, a mo joŋdi go nagon se kukujonori kase loki, kogwon na luŋgi nan nu, a lele ŋuto gwe ’bayin lo ruruggö, a na jambi nan nu a lepeŋat tine yiŋga; a se koŋdi go nagon a narok koyö i metet, a wuluŋdye go nagon nan a ko lyöŋgi.

Yeremia 34:14

I ’dutet na kiŋajin buker, ta liŋ geleŋ geleŋ ködyö kölöddu luŋasirik kasu logon a Ebere logon aje tugwöröki ta, ko aje kitakiŋdya ta ko kiŋajin buker kulo; ta agu ködyö kökölörö lepeŋat i kitakiŋdya na ta anyen se gwon a lui. Ama a merenyejin kasu gwe a ko tiŋdu swö kase i yiŋga na nan.

Ejikele 2:3

A lepeŋ kulyani ko nan adi, ŋuro lo ŋuto, nan ŋilo soŋdu do i ŋutu ti Yisaraele logon a kötumit na ŋutu karerenyak logon a renya nan. Lepeŋat se ko merenyejin kase a toroŋdya nan ma ’di tojo ko lo lor.

Ejikele 3:7

Ama kötumit na Yisaraele mo ti ’bön yiŋga do kogwon se ti ’dekan yiŋga nan; kogwon kötumit na Yisaraele liŋ gwon ko kusik a nago ko töilyet a iŋgo.

Kenet 22:20

tukwaje a ŋun poŋdi ko Balam ni a kulyani ko lepeŋ adi, Ko ŋutu kulo a po i luŋgu na do, ŋine ko iti ko lepeŋat; ama tuŋ do ködyö koŋdya ŋo nagoŋ nan mo tatakin do kune.

Matayo 10:40

ŋuto lo wuju ta lo wuju nan, koti nye lo wuju nan lo wuju lepeŋ sunyuŋdyö nan lo.

Luka 10:16

Ŋuto lo yiŋga ta lo yiŋga nan; nye lo renya ta lo renya nan; a ko ŋa lo renya nan lepeŋ renya nye lo sunyuŋdyö nan lo.

Luka 19:14

Ama a ŋutu kanyit ti jur maŋdi lepeŋ; a se yokiöddi ŋutu ko lepeŋ i mukök, adi, Yi ti ’bön ŋilo ŋuto gwon a mor likaŋ.

Luka 19:27

Ama kilo merok kwe logon ti ’bön nan tumatyan ko se kilo, joŋdi ta se ni ko tatuje ta se koyo i komor.

Yoane 13:16

’Diri ’diri nan takiŋdya ta adi, ’dupiet ti lwöŋ duma lonyit, a ŋuto lo sunyue lo tine lwöŋ ŋuto lo sunyuŋdyö lepeŋ lo.

Ka’duŋök 8:23

a Gideona kulyani ko se adi, Nan ti gwon a kasaranit losu, ma ’di ŋuro liŋ ti saŋu ta; MATAT lepeŋ logon a kasaranit losu.

1 Samuele 10:19

Ama i lo lor ta aje renya Ŋun losu, logon a lwokuŋdyo ta i diŋitan ka-su nagusulak ko i delyaesi kasu; a ta iŋge kulya adi, ’Bayin, kolumbo tiŋdi yi mor logon tumatyan koyi. Nyenagon soŋinana pepenuŋdye ta ko MATAT i komor i kotumiton kasu ko i ’duŋesi kasu.

1 Samuele 12:1

A Samuele kulyani ko ŋutu liŋ ti Yisaraele adi, Mete ta, nan aje yiŋga gworo losu i ŋo liŋ nagon ta a jamakin nan kune, nan aje tiŋdu ta mor logon tumatyan ko ta.

1 Samuele 12:12

A nagon ta aje meddya adi Nakasa mor lo ŋutu ti Amon po i morö ko ta nu, a ta kulyani ko nan adi, ’Bayin, ama ti mor lo saŋi yi. Kudyakan MATAT ŋun losu lo gwon a mor losu.

1 Samuele 8:22

A MATAT kulyani ko Samuele adi, Yiŋge gworo lose ko wulökiŋdye lepeŋat mor. A Samuele kulyani ko ŋutu ti Yisaraele adi, ŋutu liŋ geleŋ geleŋ ŋadi ti iti kanyit köji.

1 Samuele 8:8

Lepeŋat köti konakiŋdya do gwoso i konesi liŋ nagon se a konakin nan kune, suluja i lor lo joŋdi nan se kaŋo Ejipeto yu lu ma ’di tojo ko lo lor, se aje paju nan a kitakiŋdye kulye ŋunyen.