1 Samuele 8:6 - Bibilia Buk na Ŋun nagon koti luŋu a

⁶ Ama a kine kulya tine tulyöŋgu Samuele na kulyari se adi, Wulökiŋdye yi mor a kalilianit lo kulya kaŋ. A Samuele mo ’yi MATAT.

1 Samuele 8:6 ပူးပေါင်းရင်းမြစ်များ

Saumajin 109:4

Ma ’di nagon nan nyanyar se, kudyakan a se ŋisani ko nan, ama nan a pukindya i kwakwaddu.

Yuörö 32:21

A Mose pipije Arona adi, Kilo Ŋutu a konakin do nyo anyen do jakiŋdye lepeŋat na toron duma?

Yuörö 32:32

Ama kiyaŋ, ko do ŋona de pitökiŋdyö toronjin kase—nyena ko ködyö ’bayin sona, böŋö seyara nan kaŋo i buk inot lukata nagon do aje wur na.

Osea 13:10

Soŋinana liya mor losu anyen lwöggu ta? Kuliya ŋutu temejik kasu i köjinö liŋ logon ta a piyun adi ti ta tikine mor se ko kasarak?

Kenet 16:15

A Mose iŋge woran a tömönik, a nye kulyani ko MATAT adi, An do ko ruk ’dokesi kase. Nan a ko ’dumuŋdya ma ’di kaine geleŋ kase, nan a ko konakiŋdya lele lose arabat kwöŋ.

Kenet 16:22

A se ’dorone kak rupu, a kulyani adi, Pon Ŋun, do a Ŋun lo ködu dwölön ti ŋo liŋ lo gwon jörun lo, ko ŋuto geleŋ a toroŋdya, a do wore woran ko momoret liŋ le?

Kenet 16:46

A Mose kulyani ko Arona adi, ’Dumuŋdye ta ’dök inot, ko tikiŋdye kimaŋ lukata na ’dumwe i pirit ’yuret na rubaŋgajin, ko tiŋdi bökur loki, ko baraddi ’de ’de i nu momoret, anyen tokelari lepeŋat; kogwon woran na MATAT aje rölöddu kaŋo, a twanti iŋge suluja.

Pilipoi 4:6

An ta ko wiwinya ta i nene ŋo, kölumbö pipije ta Ŋun i ŋo liŋ nagon ta ’de ’dekan i kwakwaddu nasu na lepeŋ, ko i momo ’yu nasu ko i tiŋdu nasu na lepeŋ tinate.

Yakobo 1:5

Ama ko lele losu a karakin kiden a koŋon nanyit gwe a na ’dit, ti nye pipije ŋun, a mo tiŋdi nye; kogwon Ŋun titiŋdu abur i ŋutu liŋ ’bak ririŋga.

1 Samuele 10:19

Ama i lo lor ta aje renya Ŋun losu, logon a lwokuŋdyo ta i diŋitan ka-su nagusulak ko i delyaesi kasu; a ta iŋge kulya adi, ’Bayin, kolumbo tiŋdi yi mor logon tumatyan koyi. Nyenagon soŋinana pepenuŋdye ta ko MATAT i komor i kotumiton kasu ko i ’duŋesi kasu.

1 Samuele 12:12

A nagon ta aje meddya adi Nakasa mor lo ŋutu ti Amon po i morö ko ta nu, a ta kulyani ko nan adi, ’Bayin, ama ti mor lo saŋi yi. Kudyakan MATAT ŋun losu lo gwon a mor losu.

1 Samuele 12:17

Lo lor ti gwon a ’butun ŋeret lo ’bolot le? A nan de momo ’yi MATAT anyen nye böŋö sunyuŋdyo kipya lo ki ko kudu, anyen ta deden ko memet adi toron nasu gwe a duma nagon ta a kon ko MATAT i komor, i piyuŋdya nasu na mor.

1 Samuele 12:19

A ŋutu liŋ kulyani ko Samuele adi, Böŋö mumuluki yi köliŋönök kulök ko MATAT Ŋun ilot, anyen yi gwon ti twatwa; kogwon yi a ’yalakiŋdya na toron i loki na toronjin kao liŋ nagon yi a pikiŋdye ’börik mor na.

1 Samuele 12:23

Ama nan kwöŋ ti bulö toroŋdya MATAT i kö ’yu na momo ’yu na lepeŋ i kulya kasu; a nan mo todinikiŋdye ta kiko logon a lo ’but ko a lo rigwo.

1 Samuele 15:11

Nan a delya i tiŋdu na Saula a mor; kogwon nye aje kukut bot I kebbu na nan, a tine koŋdya saresi kwe. A Samuele wore woran; a nye gwiki ko MATAT tukwaje liŋ.

1 Samuele 7:5

A Samuele kulyani adi, Ti ŋutu ti Yisaraele liŋ momori Misepa yu, a nan de momo ’yi MATAT kogwon ta.