1 Samuele 8:5 - Bibilia Buk na Ŋun nagon koti luŋu a

⁵ a se kulyani ko lepeŋ adi, Mete, do gwe a modoŋ, a ŋwajik kulök tine wörö i kikolin kulök; nyena wulö-kiŋdye yi mor a kalilianit lo kulya kaŋ anyen yi gwon gwoso kulye jurön kilo liŋ.

1 Samuele 8:5 ပူးပေါင်းရင်းမြစ်များ

Kenet 23:9

Kogwon nan a metun lepeŋat i kusik ti merya, iŋkoi nan a metun lepeŋat i lurwat loki; mete, ŋina a kötumit nagoŋ si ’da geleŋ, a gwe ’bayin i keŋdya na ’börik i kiden na jurön.

Konesi 13:21

A kirut lepeŋat piyuŋdye mor, a Ŋun tiŋdi se Saula ŋuro lo Kisi ŋuto lo kötumit na Benyamina, a nye iŋge saŋu ko kiŋajin merya iŋwan.

Ka’duŋök 8:22

Nyena a ŋutu ti Yisaraele kulyani ko Gideona adi, Do ko ŋuro ilot, ko ŋuro lo ŋuro ilot, ti do lo gwe a kasaranit likaŋ kogwon do aje lwokuŋdyo yi koŋo i könisi ti ŋutu ti Midiyan.

1 Samuele 10:19

Ama i lo lor ta aje renya Ŋun losu, logon a lwokuŋdyo ta i diŋitan ka-su nagusulak ko i delyaesi kasu; a ta iŋge kulya adi, ’Bayin, kolumbo tiŋdi yi mor logon tumatyan koyi. Nyenagon soŋinana pepenuŋdye ta ko MATAT i komor i kotumiton kasu ko i ’duŋesi kasu.

1 Samuele 12:13

Nyenagon mete ta, malo mor logon ta a wulun lo, logon ta a piyun lo. Mete ta, MATAT aje tiŋdu ta mor i tumatyan ko ta.

1 Samuele 12:17

Lo lor ti gwon a ’butun ŋeret lo ’bolot le? A nan de momo ’yi MATAT anyen nye böŋö sunyuŋdyo kipya lo ki ko kudu, anyen ta deden ko memet adi toron nasu gwe a duma nagon ta a kon ko MATAT i komor, i piyuŋdya nasu na mor.

1 Samuele 12:2

Nyena mete ta, maŋilo mor lo wöro kasu ŋerot; nan gwe a modoŋ, kupir kwe aje kwekweja. Mete ta, ŋwajik kwe makilo gwon ko ta i pirit na geleŋ; nan aje wörö kasu i komor suluja i toteton nio tojo ko lo lor.

1 Samuele 9:20

An do ko nyuŋ yeyeju kulya ti kaineki kunok nagon a likin i perok mu-sala lo tu, kogwon se aje rye. Nyenagon a ŋa mo lo wuji ŋo liŋ na ’but ti Yisaraele? Se a ko tetenaki do se ko kadi na munyi liŋ le?