1 Samuele 8:4 - Bibilia Buk na Ŋun nagon koti luŋu a

⁴ A temejik ti Yisaraele liŋ momoru-ŋdye momoruŋdya, a poŋdi Rama ko Samuele ni,

1 Samuele 8:4 ပူးပေါင်းရင်းမြစ်များ

2 Samuele 3:17

A Abiner nyönyökökiŋdye temejik ti Yisaraele kine kulya adi, I diŋit na lwöŋgu, ta a ga ’yu Dawidi i gwon a mor losu.

2 Samuele 5:3

Nyena a temejik liŋ ti Yisaraele poŋdi Keberon ko mor ni; a mor Dawidi teteŋdi tomoret nase ko lepeŋat Keberon yu ko MATAT i komor, a se welakiŋdye Dawidi a mor lo Yisaraele.

Yuörö 24:1

A MATAT kulyani ko Mose adi, Kiyuŋdye ta ki köyö ni, do ko Arona, ko Nadaba, ko Abiu se ko temejik ti Yisaraele merya buryo, ko dulakiŋdye ta ’börik kak pajo.

Yuörö 3:16

Iti tu momori temejik ti Yisaraele i pirit na geleŋ, a do kulyani ko se adi, MATAT Ŋun lo merenyejin kasu logon a Ŋun lo Abarayama, Ŋun lo Yisaka, ko a Ŋun lo Yakobo a pukökin köyö, a kulyani adi, Nan ’diri aje met ta ko ŋo nagon a konaki ta Ejipeto yu kunu,

1 Samuele 1:19

A se ŋine ki ko ’bure kobubut a kwakwaddi kwakwaddu ko MATAT i komor; a se yitöni bot Rama kase i mede. A Elekana lupöni ko Ana narakwan nanyit yu, a MATAT yeyeji Ana.

1 Samuele 11:3

A temejik ti Yabesa kulyani ko lepeŋ adi, Kölöki yi perok buryo anyen yi bubulö sonyoddu ŋutu i kak liŋ na Yisaraele. A kirut ko lele ŋuto ’bayin logon lwo-ggu yi, a yi mo pakiŋdye ’borik a kulok.

1 Samuele 7:17

A nye yitöni bot Rama kogwon mede nanyit gwon nyu, a nye köti lilije putesi ti ŋutu ti Yisaraele i nu pirit. A nye tetenakiŋdye MATAT pirit ’yuret na rubaŋgajin nyu.

1 Samuele 8:10

A kirut Samuele nyönyökökiŋdye ŋutu lo piyuŋdya mor ko lepeŋ kulo kulyaesi liŋ ti MATAT.