1 Samuele 7:9 - Bibilia Buk na Ŋun nagon koti luŋu a

⁹ A Samuele ’dumuŋdye kilolor lo nönöggu, a wukiŋdye MATAT a rubaŋga lo ’yu ’yura ’buluŋ; a Samuele gwiki ko MATAT kogwon ŋutu ti Yisaraele, a MATAT iŋge ruk lepeŋ.

1 Samuele 7:9 ပူးပေါင်းရင်းမြစ်များ

Saumajin 50:15

Luŋgi ta nan i lor delyaet; a nan mo lwökundye ta, a ta mo pupurje nan.

Saumajin 99:6

Mose ko Arona gwon i kiden na koanejin kanyit, Samuele köti gwon i kiden na se lo luŋgu karin ti Ŋun kilo. A kilo ŋutu gwine ko MATAT, a nye ruŋge se.

Yeremia 15:1

A kirut MATAT kulyani ko i nan adi, Ma ’di kodyo Mose ko Samuele a gwo ’dan koyo i komor i pija na nan, a töili lio mo tine Lopukuŋdyö i ŋutu ti Yuda. Sonye lepeŋat kaŋo köyö i komor, ko ti se iti!

Lewi 22:27

Ko dwöt kode köbilityo kode meetyo a yuŋwe, a nye ködyö gwe ko ŋote nanyit perok buryo; a i lor tobudök lonyit lu a nye ruköni rukö a rubaŋga lo ’yuraki nan MATAT.

Nyökit 9:26

a nan momo ’yi MATAT adi, Pon MATAT Ŋun, ko tukaŋu ŋutu kulök lomoriot logon do a dakun ko todumalan iŋot, logon do a toyuuŋdyö se kaŋo i Ejipeto ko könin iŋgo kulo.

Yakobo 5:16

Nyenagon totuke ta toronjin kasu ko ’borik, ko kwakwasakiŋdye ta ’borik, anyen ta bönö totobiala. Kwakwaddu na nuto lo rigwo gwon ko riŋit a duma i koŋdya na no Jore.

Ka’duŋök 6:26

ko dipakiŋdye nan MATAT ŋun ilot pirit ’yuret na rubaŋgajin ko ŋurupö lo petaji i miru ni i loki na ŋina pirit nago na titiyu; a do ’dumuŋdye dwot tomu­rek, a wukiŋdye lepeŋ a rubaŋga lo ’yu ’yura ’buluŋ, a nambi lepeŋ ko kodi ni lo mian logon a Asera, logon do de tok kak lu.

Ka’duŋök 6:28

A i diŋit nagon ŋutu ti köji aje ŋien ki i doto ko ’bure kobubut nu, mete, a pirit ’yuret na rubaŋgajin ti Bala na aje dukaki kak, a ködini lo mian logon a Asera lo gwon kanyit nyona lu iŋge tukuki kak, a dwöt tomurek iŋge wuki a rubaŋga i pirit ’yuret ludukötyo.

1 Samuele 10:8

A do mo iti Giligala yu köyö ŋerot; mete, a nan mo iti konut yu i wukiŋdya na rubaŋgajin lo ’yu ’yura ’buluŋ, ko i ’duŋgö na rubaŋgajin ti taliŋ. Do mo mömöŋdu perok buryo, tojo nan mo a ’durökin konut yu i kwekiŋdya na do ŋo nagon do mo kökon kune.

1 Samuele 12:17

Lo lor ti gwon a ’butun ŋeret lo ’bolot le? A nan de momo ’yi MATAT anyen nye böŋö sunyuŋdyo kipya lo ki ko kudu, anyen ta deden ko memet adi toron nasu gwe a duma nagon ta a kon ko MATAT i komor, i piyuŋdya nasu na mor.

1 Samuele 16:2

A Samuele kulyani adi, A nan de iti ada? Ko Saula a yiŋ kine kulya, a nye de tatuje nan. A MATAT kulyani adi, Baraddi kiteŋ ko do, a do kulyani adi do a po i ’duŋö-kiŋdyö na MATAT rubaŋga.

1 Samuele 2:35

A nan mo topukokiŋdye mugun koane lo yiyiniki i kita logon mo koŋdya ŋo nagon nan ’de ’dekan köyö i töili ko i yeyeesi kune. A nan mo tetenakiŋdye lepeŋ kötumit nagon a gwak, a nye mo kitani ŋupi i komor na ŋuto liŋ lo welaki a mor lo.

1 Samuele 7:17

A nye yitöni bot Rama kogwon mede nanyit gwon nyu, a nye köti lilije putesi ti ŋutu ti Yisaraele i nu pirit. A nye tetenakiŋdye MATAT pirit ’yuret na rubaŋgajin nyu.

1 Samuele 9:12

a lepeŋat nyobbi adi, Lepeŋ kata; mete, lepeŋ ŋilu kasu ŋerot. Rume ta rum; lepeŋ soŋinana pete ’durökin köji kata, kogwon ŋutu de gwon ko rubaŋga i lo lor i pirit na ’du.