1 Samuele 7:3 - Bibilia Buk na Ŋun nagon koti luŋu a

³ A Samuele kulyani ko kötumit na Yisaraele liŋ adi, Ko ködyo ta a yitwe ko MATAT ni ko töilyet kasu liŋ, nyena paji ta kasu kiden ŋunyen logon a lepelok ko nye nagon luŋu a Asatarot, ko tirikuni ta MATAT ko töilyet kasu ko kitakiŋdye ta nye geleŋ, a nye mo lwökuŋdye ta kaŋo i könisi ti ŋutu ti Pelesete.

1 Samuele 7:3 ပူးပေါင်းရင်းမြစ်များ

Suluet 35:2

Nyena a Yakobo kulyani ko mede nanyit se ko Ŋutu liŋ lo gwon ko lepeŋ kulo adi, Wuse ta wut ŋunyen logon a lepelok kasu kiden, ko toke ’yi ta ’börik, leuddye ta boŋgwat kasu;

1 Moran 11:33

kogwon nye aje paju nan, a kwakwaddi Asatoret ŋun na ŋutu ti Sidona, ko Kemosa ŋun lo ŋutu ti Moaba, ko Milikom ŋun lo ŋutu ti Amon, a tine wörö i kikolin kwe, i koŋdya na go nagon a na ’but köyö i metet, ko i ’debba na saresi kwe lo wurö ko kulya na ’duŋ nan kune. gwoso na koŋdi Dawidi monye lonyit nu.

1 Moran 8:48

a ko ködyö se a löpuggö ko töilyet kase liŋ, ko ködu dwölön kase liŋ i jur lo merok kase logon a joŋga se a ’dupi kulu, a se iŋge kwakwaddu do komorga jur lose logon do a tin merenyejin kase lo, ko köji nagon do a wulun na, ko na kadi nagon nan aje ’duk kogwon karin kunök na;

2 Moran 17:39

ama ta ködyö kugga MATAT Ŋun losu, a nye mo lwokuŋdye ta kaŋo i könisi ti merok kasu liŋ.

2 Moran 23:15

Koti a mor dukakiŋdye pirit ’yuret na rubaŋgajin na gwon Betele nu, se ko pirit kwakwaset na gwon i ko ’du na mere na ’duk Yerobama ŋuro lo Nebat na, logon a tiŋdu Yisaraele i toroŋdya lo, a gwagwalaggi ŋurupö kase, a nyö ’buŋe lepeŋat a naliliŋök, a nye köti ’yuŋe ködini lo mian logon a Asera.

1 Dekat 22:19

Nyenagon tiŋdi ta yeyeesi kasu ko töilyet kasu i ga ’yu na MATAT Ŋun losu. Ŋine ta ki ko ’duŋge ta pirit nake na rurwan na MATAT Ŋun, anyen ta böŋö joŋga saŋduk na tomoret na MATAT ko toro ’bo nake ti Ŋun i lukata na kadi nagon mo ’du ’dukö a na karin ti MATAT.

1 Dekat 28:9

Nyenagon do Solomona ŋuro lio, dene den Ŋun lo munyi, ko kitakiŋdye lepeŋ ko ’dekesi ti töili ilot liŋ; kogwon MATAT ŋga ’yu töilyet ti ŋutu liŋ ko deden kikolin yeyeesi kase liŋ. Ko do ga ’yu lepeŋ, lepeŋ de kwekwekin mugun konut; ama ko do a kölökin lepeŋ nye mo papa do asut.

2 Dekat 19:3

Kolumbo ŋo na ’but a rye konut, kogwon do a tukaŋu kaden ti mian logon a Asera i jur, a do aje tiŋdu töili ilot i ga ’yu na Ŋun.

2 Dekat 20:33

Ma ’di sona piriton kwakwasesi na gwon i ko ’dulan ti merya kune a ko turo kak; ŋutu a ko nyuŋ tiriku Ŋun lo merenyejin kase.

2 Dekat 30:19

logon a tiŋdu toilyet kase i ga ’yu na Ŋun logon a MATAT Ŋun lo merenyejin kase, ma ’di se kodyo a ko ’debba saresi tokelesi ti pirit nake na rurwan.

Tolupesi 16:1

Ŋuto yeyeju kanyit i töili ŋo nagoŋ nye kökon, ama MATAT lepeŋ lo tindu ŋuto kulyaesi lo jajama.

Yisaya 55:7

ti ŋutu lorok kö ’yi kikolin kase, ko ti ŋutu ti lötiöt lorok kö ’yiyeyeesi kase; ti lepeŋat yitwene ko MATAT ni, anyen nye böŋö wowon konyen ko lepeŋat, ti se yitwene ko Ŋun likaŋ ni, kogwon nye mo pipitökiŋdyö abur.

Yeremia 24:7

A nan mo tiŋdi se töilyet anyen se deden adi nan a MATAT; a se mo gwe a ŋutu kwe, a nan mo gwe a ŋun lose, kogwon se mo yiyitwe köyö ni ko töilyet kase liŋ.

Yeremia 36:3

Kode ŋona kötumit na Yuda mo yiyiŋ po narok liŋ nagon nan ’dek konakiŋdya lepeŋat kune, anyen ŋutu liŋ geleŋ geleŋ böŋö lölöpuggö i kikolin kase lorok, anyen nan böŋö pipitökin lyapesi kase se ko toronjin kase.

Yeremia 4:1

Nan MATAT lo kulya adi, Ta ŋutu ti Yisaraele, ko ta ’de ’dekan yitwe, yitwene ta köyti ni, ko ta a wut ŋunyen kasu Jo mamana kilo koyo i komor a tine dyadyaŋgu,

Ejikele 14:6

Nyenagon taki ŋutu ti kötumit na Yisaraele adi, MATAT ŊUN lo kulya sona adi, Löpuŋge ta töilyet, löpukuŋdye ta kaŋo i nyömuejin kasu logon a ŋunyen kulo, löpukuŋdye ta komorsikan kasu kaŋo i ŋo kasu liŋ na mamana kine.

Ejikele 18:31

Gubara ta lauŋdya nasu na saresi liŋ kaŋo nagon ta a toroŋdi nan kine. Galakiŋdye ta ’börik töilyet ludukö se ko yeyeesi ludu-kö! Ta kötumit na Yisaraele, ko nyo nagon ta ködyö twatwa?

Osea 14:1

Ta ŋutu ti Yisaraele, yitwene ta ko MATAT Ŋun losu ni, kogwon lyaŋesi kasu aje köpuk ta.

Matayo 15:8

Kulo ŋutu bu ’ya nan ko kutusen kase kana, ama toilyet kase gwon pajo köyö.

Matayo 4:10

A Yesu kulyani ko lepeŋ adi, Iŋgo, Satani! kogwon a wurö adi, Do ködyö kugga MATAT Ŋun ilot a kitakiŋdye lepeŋ ka ’de.

Matayo 6:24

Lele ŋuto ’bayin logon bubulö kitakiŋdya ŋutu murek; kogwon kode nye maŋdu lele a nyaŋi lele, kode nye twöju lele a lauŋdye lele. Ta ti bulö kitakiŋdya kö Ŋun ko tukwörien.

Luka 4:8

A Yesu waddi lepeŋ adi, A wurö adi, Do ködyö kugga MATAT Ŋun ilot a kitakiŋdye lepeŋ ka ’de.

Yoane 4:24

Ŋun a Mulökötyo, ti se logon kwakwaddu lepeŋ kilo ti se agu ködyö kwakwaddi lepeŋ kase i töilyet ko to ’diri.

Nyökit 10:20

Ta ködyö kukuk MATAT Ŋun losu, a ta ködyö kitakiŋdye lepeŋ, a ta ’depakiŋdye ko lepeŋ ŋo, a ta milyeji ko karin kanyit.

Nyökit 13:4

A ta ködyö kebbi MATAT Ŋun losu, i kugga na lepeŋ, ko i ’debba na saresi kanyit, ko i yiŋga na gworo lonyit, a ta kitakiŋdye lepeŋ i ’depakiŋdya ŋo ko lepeŋ.

Nyökit 4:29

Ama ko ta ködyö ga ’yu MATAT Ŋun losu nyu, ta mo ryöryö lepeŋ ko ta ködyö mo ga ’yu lepeŋ ko töilyet kasu liŋ ko ködu dwölön kasu liŋ.

Nyökit 6:13

A ta kujonöni MATAT Ŋun losu, a ta kitakiŋdye lepeŋ, a milyeji ’diŋdya karin kanyit.

Yosua 13:31

ko swöt lo Gilada, ko Asatarot, ko Ederei, nagon a köjinö ti tumatyan na Oga na gwon Basan yu kunu; kine köjinö a koraki ŋutu ti Makir ŋuro lo Manase, köti a ti swöt lo ŋutu ti Makir gwoso i midijik kase.

Yosua 24:14

Nyenagon so pinana kuŋge ta MATAT, ko kitakiŋdye ta lepeŋ i tugwakan ko i to ’diri; ko paji ta ŋunyen logon merenyejin kasu aje kitakiŋdya lepeŋat i nu pele na lu Kare ko i Ejipeto kulu, ko kitakiŋdye ta MATAT.

Yosua 24:23

A nye kulyani adi, Nyena paji ta punyen lwaka logon gwon kasu kiden kilo, ko ti töilyet kasu juŋe MATAT ŋun lo Yisaraele.

Ka’duŋök 10:16

A se paji ŋunyen lepelok lo gwon kase kulo, a kitakiŋdye MATAT; a töili lonyit gwe ko lokole i yeyeju na kulya ti dara na Yisaraele.

Ka’duŋök 10:6

A ŋutu ti Yisaraele köti koŋdi ŋo nagon a naron ko MATAT i komor, a kitakiŋdye ŋunyen logon a Balajin ko Asatarot, ko ŋunyen ti Suria, ko ŋunyen ti Sidona, ko ŋunyen ti Moaba, ko ŋunyen ti ŋutu ti Amon, ko ŋunyen ti Pelesete; a se kö ’yi MATAT, a tine kitakiŋdya lepeŋ.

Ka’duŋök 2:11

A ŋutu ti Yisaraele koŋdi ŋo naron ko ŋun i komor, a kitakiŋdye ŋunyen logon a Balajin;

Ka’duŋök 2:13

A se kö ’yi MATAT, a kitakiŋdye Bala se ko ŋun nagon luŋu a Asatarot.

1 Samuele 31:10

A se tiŋdi tito kanyit moriesi kulo i kadi na ŋun nase nagon a Asatarot; a se ’bikikiŋdye mugun nanyit i gorom nagon a mariŋ na Betesan.