1 Samuele 7:17 - Bibilia Buk na Ŋun nagon koti luŋu a
17 A nye yitöni bot Rama kogwon mede nanyit gwon nyu, a nye köti lilije putesi ti ŋutu ti Yisaraele i nu pirit. A nye tetenakiŋdye MATAT pirit ’yuret na rubaŋgajin nyu.
A nye dibbe pirit ’yuret na rubaŋgajin nyu, a luŋgi ŋinu pirit a Ele-betele, ’kogwon nyu Ŋun köju a pukökin kanyit na wöggiri nye kaŋo kö luŋaser lonyit i komor nu.
Nye yeŋsisi ’datu i mukök na ködini lo tömur logon a lo Debora, ŋilo ködini gwon i kiden na Rama ko Betele, i jur lo Epuraima logon a merya; a ŋutu ti Yisaraele iti ko lepeŋ yu i lilia na putesi kase.
a Gideona dipakiŋdye MATAT pirit ’yuret na rubaogajin nyu, a luŋgi ŋinu pirit adi, MATAT lo talip ŋinu pirit nyuŋ kata i opera na Abiejer teŋ ko lo lor.
Lele ŋuto köju kata lo Ramataim-sopim lo jur lo merya ti Epuraima, karin kanyit a Elekana, ŋuro lo Yero-kam, ŋuro lo Eliyu, ŋuro lo Toku, ŋuro lo Supa, Epuraimatyo.
A se ŋine ki ko ’bure kobubut a kwakwaddi kwakwaddu ko MATAT i komor; a se yitöni bot Rama kase i mede. A Elekana lupöni ko Ana narakwan nanyit yu, a MATAT yeyeji Ana.
a ŋutu iti Giligala, a se tiŋdi Saula a mor ko MATAT i komor Giligala yu. A se ’duŋge rubaŋgajin ti taliŋ ko MATAT i komor yu, a Saula ko ŋutu liŋ ti Yisaraele lyöŋi lyöŋön parik.
A Samuele aje twan, a ŋutu liŋ ti Yisaraele iŋge gwien lepeŋ ko a nugga lepeŋ Rama yu i köji nanyit gwak. A Saula iŋge riggö ŋutu kaŋo i jur logon do ’ya ko kwen ti mulökö se ko kawanak.
a lepeŋat nyobbi adi, Lepeŋ kata; mete, lepeŋ ŋilu kasu ŋerot. Rume ta rum; lepeŋ soŋinana pete ’durökin köji kata, kogwon ŋutu de gwon ko rubaŋga i lo lor i pirit na ’du.