1 Samuele 7:10 - Bibilia Buk na Ŋun nagon koti luŋu a

¹⁰ A na wukiŋdye Samuele rubaŋga lo ’yu ’yura ’buluŋ nu, a ŋutu ti Pelesete mimiju nyona i mörö ko ŋutu ti Yisaraele; ama a MATAT maraŋaddi ki parik i kipya lo ki lukata i mörö ko ŋutu ti Pelesete i ŋilu lor, a köbuŋe se; a se iŋge tela ko ŋutu ti Yisaraele i komor.

1 Samuele 7:10 ပူးပေါင်းရင်းမြစ်များ

Saumajin 18:15

A kirut wokiesi ti tor na ’balaŋ metani meta, a togwo ’diesi ti kak ’bukuluŋ kölökine kana, i riŋet inot ŋon MATAT, i yuket duma na kumesikön kulok.

Saumajin 29:3

Gworo lo MATAT kuun i törön ki; Ŋun lo minyo rurumön, iŋkoi, gworo lo MATAT kuun i törön jore ki!

Saumajin 29:4

Gworo lo MATAT gwon ko riŋit; gworo lo MATAT gwon a gworo lo mor!

Saumajin 78:66

A nye riköddi merok kanyit bot, a nye te ’yi lepeŋat asut anyen gwon ko yu na kusik ŋupi.

Jakaria 4:6

A nye kulyani ko nan adi, ŋilo a kulyaet lo MATAT lo jamaki Jerubabela adi, ŋutu ti te ’ya kogwon tuwalan, kode riŋit, ama te ’ya kogwon Mulökötyo lio, nan MATAT lo kurumi lo kulya.

Nyökit 28:7

A MATAT mo tiŋdi merok kasu lo ŋikin kasu ki kulo i tela kasu i komor; a se mo lupuŋdye kaŋo i mörö ko ta i kiko geleŋ, a mo toreajine kaŋo kasu i komor i kikolin buryo.

Yosua 10:10

A MATAT köbuŋe se ko ŋutu ti Yisaraele i komor, a nye tatuje se Gibeon yu gwak, a kepoddi bot nase i kiko lo kiyaddu Bete-koron, a rembi se tojo ko Ajeka, ko Makeda.

Ka’duŋök 4:15

A MATAT kobuŋe Sisera se ko arabiajin kanyit liŋ ko kamörök kanyit liŋ ko Barak i komor, i tatuja na se ko baŋdujin; a Sisera labu kak kanyit i arabia a wöki wökön komok.

Ka’duŋök 5:20

Ma ’di kaser ki yu i gwokiot kase a pokin i moro, a se möröni moro ko Sisera.

Ka’duŋök 5:8

Se aje wuluŋdyö ŋunyen ludukö, a kirut mörö gwe kase i kötumitön. A ’buku kode gor ŋona a meta i kiden na alipan merya iŋwan ti Yisaraele le?

1 Samuele 12:17

Lo lor ti gwon a ’butun ŋeret lo ’bolot le? A nan de momo ’yi MATAT anyen nye böŋö sunyuŋdyo kipya lo ki ko kudu, anyen ta deden ko memet adi toron nasu gwe a duma nagon ta a kon ko MATAT i komor, i piyuŋdya nasu na mor.

1 Samuele 14:15

A kujönö iŋge mok ŋutu lo gwon i mera ko i yöbu kulo, a iŋge rekin i kiden na ŋutu liŋ; a kamörök logon a katiyuk ko se logon a karyakak köti böŋdi böŋdu; a kak böŋdi böŋdu, a kujönö gwe a duma parik.

1 Samuele 2:10

Merok ti MATAT mo totorea asut; a nye mo peji se ko kipya lo ki. A MATAT mo ’duŋge putet lo ’dute-si ti kak; a nye mo togo ’yi mor lonyit, a töduma ’yi riŋit na ŋuto lonyit lo welaki a mor lo.

1 Samuele 7:11

A ŋutu ti Yisaraele poŋdi kaŋo Misepa yu, a riköddi ŋutu ti Pelesete, a tatuje se tojo i mukök na Bete-kar.