1 Samuele 6:9 - Bibilia Buk na Ŋun nagon koti luŋu a

⁹ Ko meddi ta lepeŋ go; ko nye kebbu kiko lo tu i koresi kase tojo ko Bete-semese, a ŋina de kwekiŋdye adi ŋilo a MATAT logon aje konakiŋdya yi ŋina tomiet duma; ama ko ’bayin, a yi de kuruŋdye adi, a leŋe könin lonyit lo gwuddyö yi, tuŋ ŋina a pokin kayaŋ a komor naron.

1 Samuele 6:9 ပူးပေါင်းရင်းမြစ်များ

2 Samuele 1:6

A titinti lo nyonyokokinoyo lepeŋ lo waddi adi, Kine kulya a ’bunyokin nan i mere Giliboa yu; a nan meddi Saula a tokokiŋdyo mugun i gor nanyit na; mete, a kamorok lo woro ko arabiajin lo jijiko ko lo woro ko kusanjin kulo gwe nyona ko lepeŋ.

1 Moran 4:9

ko Ben-deker a kamemetanit lo Mukasa, ko Salebim, ko Bete-semese, ko Elon-bet-kanan;

2 Dekat 25:21

Nyena a Yeyoasa mor lo Yisaraele iti tu a lepeŋ se ko Amajia mor lo Yuda tumori tumor i moro ko ’borik Bete-semese na Yuda.

Yuörö 8:15

Ama a Paro ko meddi adi yukan gwe kata nu, a nye tupömöni ’ye töili lonyit, a tine ’bön yiŋga se kwöŋ; gwoso nagon MATAT a kulyari na.

Katokuönit 9:11

A nan köti meddi adi i kita na kolor ti gwon a ŋutu lo wökön ’de ’de ka ’de logon tete ’ya i wökön, kode ti gwon a ŋutu ti riŋit ka ’de logon tete ’ya gor. Ti gwon a ŋutu lokoŋ ka ’de lo ryeju kinyo, kode ti gwon a ŋutu lotolokok ka ’de lo ryeju tukwörienjin, kode ti gwon a ŋutu logon a bodwat ka ’de lo ryeju ’busan; ama a diŋitan na ’but ko narok ’bunyökindye se liŋ jojo.

Yisaya 26:11

Ti se meddi pusök inot na se kogwon kulya ti ŋutu lorok, ko ti kusik kase yune yu. Ti kimaŋ nagon do a tetenakin merok kulö kina ti totumbe lepeŋat.

Amosa 3:6

Ko ŋuto kuddya tore köji, a ŋutu ŋona gwe ti kujono le? A ko kulya narok a ’dukin köji, ŋina ŋona ’bayin a kita na MATAT le?

Luka 10:31

A gwe sona a lele koane tiri ŋilu kiko, a na meddi lepeŋ ŋilo ŋuto nu, a nye giraddi swöt.

Yosua 15:10

a lokökorit yeŋaddi ŋerot tojo i goŋet lo mere i swöt lo lobot lo Ekron,

Yosua 21:16

ko Ain ko piritön kanyit yukisi, ko Yuta ko piritön kanyit yukisi, se ko Bete-semese ko piritön kanyit yukisi; kweja adi kine a köjinö buŋwan i kiden na kine kötumitön murek.

1 Samuele 6:10

A ŋutu kulo koŋdi sona, a ’dumuŋdye kisuk murek nagon a kudweki, a torakiŋdye gwuluŋi jiket lo par kase i murutö, a kinikiŋdye kolojik kune kadi.

1 Samuele 6:12

A kisuk kune iti gwogwo i swöt lo Bete-semese, kebbu kiko duma ko wowoŋoro i tu nase; lepeŋat a ko girara i swöt lo lutaten kode i swöt lo kadoŋe. A kimak ti Pelesete kepoddi se tojo ko koret na Bete-semese.

1 Samuele 6:3

A lepeŋat kulyani adi, Ko ta soŋdu saŋduk na ŋun lo Yisaraele, an ta ko son ta kana, ama kegga nyökö-di ta lepeŋ ko ’doket nagon a ropet na toron. A kirut ta de tokelani tokela, a ta de kuruŋdye ko nyo nagon nye a ko joŋga könin lonyit kaŋo kasu.