1 Samuele 6:4 - Bibilia Buk na Ŋun nagon koti luŋu a

⁴ A ŋutu ti Pelesete pije adi, ’Doket nagon a ropet na toron na a nyo nagon yi ködyö nyököddi lepeŋ? A se waddi adi, Dakap mukanat nagon a tetena gwoso köruru, ko dakap mukanat nagon a tetena gwoso mijok, gwoso na kenari kimak ti Pelesete; kogwon ŋina tomiet na geleŋ gwon kasu loki liŋ ko i kimak kasu köti.

1 Samuele 6:4 ပူးပေါင်းရင်းမြစ်များ

Yuörö 12:35

A Ŋutu ti Yisaraele iŋge koŋdya gwoso nagon Mose a kulyari nu, lepeŋat a mo ’yu Ŋutu ti Ejipeto ko minyojin ti pödö ko ti dakap, se ko boŋgwat;

Yosua 13:3

(nagon suluja Sikor na gwon i swöt lo ’yure lo Ejipeto, tojo ko lokökorit lo Ekron i swöt lo lobot, ŋilo swöt a kenaki a lo ŋutu ti Kanana; a kimak ti Pelesete gwe mukanat, logon a ti Gaja, ko Asedoda, ko Asekelon, ko Gata, ko Ekron). Köti koresi ti ŋutu ti Awa nyuŋ a pituŋdyö i moka,

Ka’duŋök 14:19

A Mulökötyo lo MATAT poki ko lepeŋ ko riŋit duma, a nye iti Asekelon a tatuje ŋutu merya musala ti köji, a ryaggi boŋgwat kase, a tiŋdi se a leusesi i katökorok ti ŋilo lilim kilo. A töili lonyit gwe pape, a nye yitöni ko monye mede.

Ka’duŋök 3:3

Nyena jurön logon MATAT aje kölokiŋdyö kulo makilo, kweja adi kimak mukanat ti ŋutu ti Pelesete, ko ŋutu liŋ ti Kanana, ko ti Sidona, ko, ti Kiwi logon si ’da i mere Libanon, suluja i mere Bala-keremon tojo ko kwake nagon lupörikin Kamat.

1 Samuele 5:12

A ŋutu logon a ko twatwa kulo iŋge tomie ko köruru, a gwien na ŋutu ti nu köji yeŋgi tojo ko ki.

1 Samuele 5:6

A könin lo MATAT gwe pömöni ko ŋutu ti Asedoda, a nye köŋi se a rata-kiŋdye se köruru, suluja Asedoda tojo i koresi kanyit.

1 Samuele 5:9

A ko gwe sona nagon se aje ’doggu lepeŋ nyu nu, a könin lo MATAT gwe i yöyöŋgu na köji ko kujönö a duma parik, a nye tomije ŋutu ti köji, lo ’di ’dik ko temejik, a köruru ratuŋdye kaŋo kase i mugunya.

1 Samuele 6:5

Nyena ta agu ködyö teteŋdya nyömuejin kasu ti köruru, ko nyömuejin kasu ti mijok logon köŋu jur, a ta bu ’ye ŋun lo Yisaraele, kode ŋona lepeŋ mo ’dumaddu könin lonyit kaŋo kasu loki ko i ŋunyen kasu ko i jur losu.

1 Samuele 6:8

Ko ’dumuŋdye ta saŋduk na MATAT ko tiŋdi ta i loki na par. Ko tiŋdi ta nyömuejin ti dakap kine, nagon ta nyököddi lepeŋ gwoso ’doket ropet na toronjin. Tiŋdi ta se i nene saŋduk na ’dit nagon diŋö ko lepeŋ. A kirut sonyoddi ta lepeŋ kaŋo, ko ti lepeŋ iti kanyit i kiko.