1 Samuele 6:3 - Bibilia Buk na Ŋun nagon koti luŋu a

³ A lepeŋat kulyani adi, Ko ta soŋdu saŋduk na ŋun lo Yisaraele, an ta ko son ta kana, ama kegga nyökö-di ta lepeŋ ko ’doket nagon a ropet na toron. A kirut ta de tokelani tokela, a ta de kuruŋdye ko nyo nagon nye a ko joŋga könin lonyit kaŋo kasu.

1 Samuele 6:3 ပူးပေါင်းရင်းမြစ်များ

Eyobo 10:2

A nan de kulyani kö Ŋun adi, An do ko ’duŋökin kulya kwearabat, ama kweki nan ko nyo do wiwinya ko nan.

Yuörö 23:15

Ta ködyö ’de ’deŋ rorwe lo ambata nagon ’bak kape; ta ködyö nyesu ambata nagon ’bak kape ko perok buryo i diŋit na wulwe na yapa Abiba, gwoso na sara-kiŋdye nan ta nu, kogwon ta a yuun kapo Ejipeto yu i pilu yapa. Ti lele losu gwe ti po köyö i komor ko könin kana.

Yuörö 34:20

A ta dakun-dye kayu lo kaine ko kilolor, ama ko ta ti ’bön dakuŋdya nye, a ti ta ’beleŋgi murut nanyit. A ta ködyö dakuŋdye kayujin liŋ ti ŋwajik kasu lulyan. Ti lele losu gwe ti ŋo köyö i komor ko könin kana.

Yuörö 8:15

Ama a Paro ko meddi adi yukan gwe kata nu, a nye tupömöni ’ye töili lonyit, a tine ’bön yiŋga se kwöŋ; gwoso nagon MATAT a kulyari na.

Lewi 5:6

a nye ködyö joŋdi rubaŋga a ropet lo toron ko MATAT ni kogwon ŋina toron na kon nye na. Turu ’buti na jon nye a ropet na toron na ködyö gwon a kine nanakwan na ’dumwe i teŋ na yidin, kode a tore na köbilityo kode a tore na meetyo, a koane wukiŋdye ŋina turu ’buti anyen ŋilo ŋuto totokela i toron nanyit.

Lewi 6:6

A nye jakiŋdye koane rubaŋga lonyit lo konaki MATAT i kulya ti lyaŋan. ŋilo rubaŋ ködyö gwon a lopijot köbilityo logon ’bak yuyuket, lo dumwe i teŋa yidin kata, gwoso i kenet inot na ropet na rubaŋga i kulya ti lyaŋan;

Nyökit 16:16

Ti ŋutu lyan kasu liŋ kwekiŋdye ’börik ko MATAT Ŋun losu i komor daŋin musala temba i kiŋa i nu pirit nagoŋ nye mo wuwulun nu; kweja adi i rorwe lo ambata nagoŋ ’bak kape, i rorwe lo jimalan, ko i rorwe lo murugujin. A se ködyö tine po ko MATAT i komor ko könisi kana;

1 Samuele 5:11

Nyenagon a se sonyoddi lore a momori kimak liŋ ti Pelesete i pirit na geleŋ, a jambi adi, Sonye ta kaŋo saŋduk na ŋun lo Yisaraele ko ti lepeŋ nyököjine kanyit i pirit, an ko tatuja yi ko ŋutu kaŋ. Kogwon kujönö na twan gwe i köji ’bukuluŋ. A könin lo ŋun gwe pömöni parik nyu.

1 Samuele 5:7

nagon ŋutu ti Asedoda aje met ŋo na kona nu, a se kulyani adi, Saŋduk na ŋun lo Yisaraele tine bulö möŋdu kayaŋ ni; kogwon könin lonyit pömöni kayaŋ loki ko i ŋun likaŋ Dagona.

1 Samuele 5:9

A ko gwe sona nagon se aje ’doggu lepeŋ nyu nu, a könin lo MATAT gwe i yöyöŋgu na köji ko kujönö a duma parik, a nye tomije ŋutu ti köji, lo ’di ’dik ko temejik, a köruru ratuŋdye kaŋo kase i mugunya.

1 Samuele 6:8

Ko ’dumuŋdye ta saŋduk na MATAT ko tiŋdi ta i loki na par. Ko tiŋdi ta nyömuejin ti dakap kine, nagon ta nyököddi lepeŋ gwoso ’doket ropet na toronjin. Tiŋdi ta se i nene saŋduk na ’dit nagon diŋö ko lepeŋ. A kirut sonyoddi ta lepeŋ kaŋo, ko ti lepeŋ iti kanyit i kiko.

1 Samuele 6:9

Ko meddi ta lepeŋ go; ko nye kebbu kiko lo tu i koresi kase tojo ko Bete-semese, a ŋina de kwekiŋdye adi ŋilo a MATAT logon aje konakiŋdya yi ŋina tomiet duma; ama ko ’bayin, a yi de kuruŋdye adi, a leŋe könin lonyit lo gwuddyö yi, tuŋ ŋina a pokin kayaŋ a komor naron.