1 Samuele 6:14 - Bibilia Buk na Ŋun nagon koti luŋu a

¹⁴ A par na jijikö na ’dure i melesen na Yosua lo Bete-semese, a gwo ’de nyu. A ŋurupit duma gwe kata nyu, a se ki ’ye kaden ti par a se ’duŋge kisuk kune a ’yuŋe se ’buluŋ a rubaŋga lo MATAT.

1 Samuele 6:14 ပူးပေါင်းရင်းမြစ်များ

2 Samuele 24:18

A Gada poŋdi ko Dawidi ni i ŋilu lor, a kulyani ko lepeŋ adi, Iti ko dipakiŋdye MATAT pirit ’yuret na rubaŋgajin i pirit gwutet na ’bolot na Arauna lo Yebusi.

2 Samuele 24:22

A kirut Arauna kulyani ko Dawidi adi, Joŋgi ko wukiŋdye ŋo nagon do ’de ’dekan kune pon mor duma liŋ. Makulo dwönin a ti rubaŋga lo ’yu ’yura ’buluŋ, ko tito gwutesi ti ’bolot ko gwolor ti dwönin a kaden na nanama.

2 Samuele 24:25

A Dawidi dipakiŋdye MATAT pirit ’yuret na rubaŋgajin nyu, a wukiŋdye rubaŋgajin lo ’yu ’yura ’buluŋ ko rubaŋgajin ti taliŋ. A kirut MATAT yiŋge momolesi ti Dawidi i kulya ti lu jur, a ŋilu twanti togwo ’dani to-gwo ’da i Yisaraele.

1 Moran 19:21

A Elisa kö ’yi keŋoddu lepeŋ, a ’dumuŋdye dwönin lo gwon ko gwuluŋi kulo, a ’duŋge se, a deŋi lokore nase ko kaden kurisi ti kilu dwönin, a tiŋdi kulu ŋutu, a se nyesi nyesu. A nye ŋine ŋien a kepoddi Eliya, a kitakiŋdye lepeŋ.

Yuörö 20:24

Ta ködyö tetenakiŋdya nan pirit na rubaŋgajin nagon gweya ko liŋo, a ta ’yuŋe rubaŋgajin lo ’yura ’buluŋ i loki nanyit, ko rubaŋgajin kasu ti taliŋ, kweja adi yidin kasu ko dwönin kasu. Nan mo popo i ’boroja na ta i piritön liŋ nagon nan tiŋdu Ŋutu i yeyeju na karin kwe kata kunu.

Ka’duŋök 21:4

A i ko ’bure a ŋutu ŋine ’beron, a dipakiŋdye pirit ’yuret na rubaŋgajin nyu, a se wukiŋdye rubaŋgajin lo ’yu ’yura ’buluŋ ko rubaŋgajin ti ta liŋ.

Ka’duŋök 6:26

ko dipakiŋdye nan MATAT ŋun ilot pirit ’yuret na rubaŋgajin ko ŋurupö lo petaji i miru ni i loki na ŋina pirit nago na titiyu; a do ’dumuŋdye dwot tomu­rek, a wukiŋdye lepeŋ a rubaŋga lo ’yu ’yura ’buluŋ, a nambi lepeŋ ko kodi ni lo mian logon a Asera, logon do de tok kak lu.

1 Samuele 11:5

Nyena mete, a Saula gwe i poŋdya i melesen kipuŋdyo öwönin murek logon jiggo kurit lo kak. A Saula pije adi, A kilo ŋutu gwi ko nyo? A se nyonyo-kokiŋdye lepeŋ kulyaesi ti ŋutu ti Yabesa.

1 Samuele 20:29

lepeŋ a kulya adi, Kölörö nan i tu kogwon mede nikaŋ koŋdya rubaŋga i nu köji, luŋaser liŋ a saŋu nan adi ti nan gwe nyu. Nyena soŋinana, ko ködyö do wowon konyen ko nan, kölöddi nan i meddya na luŋasirik kwe. Nyena kogwon ŋina kwe nye a ko po i nyesu i misa inot pon mor.

1 Samuele 6:13

a ŋutu ti Bete-semese gwe i ŋepa na ’bolot kase i pirit na ’dir; a se ko ’bi ’yi kusik kase ki a meddi saŋduk na, a se lyöŋi lyöŋön i meddya na lepeŋ.

1 Samuele 6:18

koti dakap nagon a tetena gwoso mijok, gwoso i kenet na köjinö liŋ ti ŋutu ti Pelesete nagon a ti kimak mukanat. Kunie ti kine köjinö gwon ko mariŋan ama kulye a turön logon ’bak mariŋan. A ŋilo ŋurupit duma logon se a tiŋdu saŋduk na MATAT nyona lo nyuŋ yeyeŋon a kweyet i melesen na Yosua lo Bete-semese tojo ko lo lor.