1 Samuele 5:4 - Bibilia Buk na Ŋun nagon koti luŋu a

⁴ Ama i ko ’bure nanyit, na pije se ki i waran ’beron nu. mete, a Dagona aje ’doro kak rupu i komor na saŋduk na MATAT, mete, a kwe na Dagona ko ’dapan ti könisi kanyit liŋ aje ’biliŋuŋdyo kaŋo a gwe i kutuk na kötumit; tuŋ mugun na Dagona na pituŋdye.

1 Samuele 5:4 ပူးပေါင်းရင်းမြစ်များ

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Yisaya 40:20

A nye logon a lomeri lo wuluŋdye ködini logon ti ’burön a ’doket; a nye galuŋdye bodo i togwi’dikiŋdya na nyömue lo gigiru ki logon mo ti bönö.

Yeremia 10:11

A ta mo takiŋdye lepeŋat adi, ŋunyen logon a ko gweja ki ko kak kulomo totoliki asut i kak ni nagon a mukö ko ’diko na.

Yeremia 10:14

Ŋutu liŋ a lu ’böŋ ’bakan na deŋdya; tomonok liŋ ti dakap a toyuö kusik i kulya ti ŋunyen kase lo gigiru kulo, kogwon nyömuejin kase a ŋo kana, lepeŋat ’bak ru.

Yeremia 10:15

Lepeŋat ’bak ’bulit, se a ŋo nagon mumulukarikin; a se mo tolikine toliki i diŋit riŋet nase.

Yeremia 50:2

Tuköki lore i gweyajin ti ŋutu kolaije laŋa, togwi ’diki beret ki, an do ko ’de kine kulya, laije adi, Babela aje moka, Bela aje tiki yu na kwe, Merodak gwe ko kujönö. Iŋkoi, nyömuejin kanyit aje tiki yu na kusik, nyömuejin kanyit logon a ŋunyen kulo gwe ko kujönö.

Daniele 11:8

A lepeŋ koti mo yekaddi ŋunyen kase, ko nyömuejin na ninito, se ko tito kase nakwekwelen nagon a podo, ko a dakap tojo Ejipeto; a nye mo kolokiŋdye mor lo lobot i gwon taliŋ ko kulye kiŋajin.

Mika 1:7

A ŋöjinö kanyit liŋ na gigiru kune mo gwagwalakani gwagwalaka a na ’di ’dik na ’di ’dik, a ŋo liŋ nagon ropaki lepeŋ kunu mo ’yurani ’yura ko kimaŋ, a nan mo kököröji nyomuejin kanyit liŋ logon a nunyen kulo adi sit. Damaseke koju pepeŋdya kulu nyomuejin kogwon ropesi kanyit ti kalupe, a se mo koti worani a ropesi ti kalupe.

1 Samuele 6:5

Nyena ta agu ködyö teteŋdya nyömuejin kasu ti köruru, ko nyömuejin kasu ti mijok logon köŋu jur, a ta bu ’ye ŋun lo Yisaraele, kode ŋona lepeŋ mo ’dumaddu könin lonyit kaŋo kasu loki ko i ŋunyen kasu ko i jur losu.