1 Samuele 5:3 - Bibilia Buk na Ŋun nagon koti luŋu a

³ A nagon ŋutu ti Asedoda ko ŋine ki ko ’bure kobubut nu, mete, a Dagona aje ’doro kak rupu i komor na saŋduk na MATAT. A se ’dumuŋdye Dagona a nyökökiŋdye lepeŋ i pirit nanyit köti.

1 Samuele 5:3 ပူးပေါင်းရင်းမြစ်များ

1 Moran 18:26

A se joŋgi dwöt logon a tiki se lo, a teteŋdi lepeŋ, a se luŋgi karin ti Bala suluja i ko ’bure tojo ko tuparan kiden adi, A, Bala, yiŋge yi! Ama a gworo lo yiŋa gwe ’bayin kode nene ruket. A se gwe i yoyoŋga na ’börik i lorga na ŋinu pirit ’yuret na rubaŋgajin nagon se a teten na.

Saumajin 115:7

Se gwon ko könisi, a tine tandu; se gwon ko mokosi, a tine wörö. Se ti bulö jambu ko gworolo kase.

Saumajin 97:7

Ŋutu liŋ lo kwakwaddu nyömuejin lo gigiru kulo a wuju yu na kusik, se logon yuöggu ’börik ko nyömuejin lo gwon a ŋo kana kulo wuju yu na kusik; ŋunyen liŋ a dulaki kak ko lepeŋ i komor.

Yuörö 12:12

Kogwon i lu tukwaje nan mo laŋaddu i jur lo Ejipeto, a nan mo tatuje kayujin liŋ ti jur lo Ejipeto, kweja adi kayujin ti Ŋutu ko ti toro ’bo; a nan mo ’duŋökiŋdye ŋunyen liŋ ti Ejipeto putet. Nan logon a MATAT.

Yisaya 19:1

’Dole i kulya ti Ejipeto adi, Mete, MATAT popo i ’dikö na wökun ’de ’de, a ’duki Ejipeto; a nyömuejin ti Ejipeto mo böböŋdi i böböŋdu kanyit i komor, a töilyet ti ŋutu ti Ejipeto mö lwö ’yi lwö ’yu.

Yisaya 40:20

A nye logon a lomeri lo wuluŋdye ködini logon ti ’burön a ’doket; a nye galuŋdye bodo i togwi’dikiŋdya na nyömue lo gigiru ki logon mo ti bönö.

Yisaya 41:7

A kanitönit jujuje bodo lo dakap, a nye lo yayaŋgu witi a na ’dayat lojujuje nye lo niniddyö ko nitet, a jambi i kulya ti to ’depesi adi, A na ’buta nye ’bikikiŋdye musumaran nyin anyen gwon a nago.

Yisaya 46:7

A se ’dukukiŋdye lepeŋ kase i gelya, a se ’dokoddi ’dokoddu, a se togwi ’dikiŋdye lepeŋ kanyit i pirit, a nye gwo ’de kata; a nye tine bulö mijörö kaŋo kanyit i pirit. A ko ŋuto lele a gwien ko lepeŋ a nye tine bulö waddu a tine bulö lwökuŋdyö lepeŋ i delyaesi kanyit.

Yeremia 10:8

Lepeŋat liŋ ti den kulya ko alu ’böŋ; todinesi nagon po ko nyömuejin po i ŋo nagon a kaden kana.

Jepania 2:11

Kogwon MATAT mo tiŋdu lepeŋat i kujono parik, a nye mo tomunyaŋdi ŋina ŋunyen liŋ ti kak, a ŋutu lipina ti juron lo gwon i tikonyo kulo mo kwakwaddi lepeŋ, ŋutu liŋ geleŋ geleŋ kase i piriton.

Marako 3:11

A na meddi mulökö lorok lepeŋ nu, a se ’do ’done kak ko lepeŋ i komor, a woŋe adi, Do a Ŋuro lo Ŋun.

1 Samuele 6:1

A saŋduk na MATAT iŋge gwon i jur lo Pelesete ko yapala buryo.

1 Samuele 6:5

Nyena ta agu ködyö teteŋdya nyömuejin kasu ti köruru, ko nyömuejin kasu ti mijok logon köŋu jur, a ta bu ’ye ŋun lo Yisaraele, kode ŋona lepeŋ mo ’dumaddu könin lonyit kaŋo kasu loki ko i ŋunyen kasu ko i jur losu.