1 Samuele 5:10 - Bibilia Buk na Ŋun nagon koti luŋu a

¹⁰ A se soŋdi saŋduk na ŋun tojo ko köji na Ekron. A ko gwe sona na ’durökiŋdye saŋduk na ŋun Ekron nu, a ŋutu ti Ekron woŋoro ki adi, Lepeŋat aje joŋdya kayaŋ ni saŋduk na ŋun lo Yisaraele anyen ko tatuja yi ko ŋutu kaŋ.

1 Samuele 5:10 ပူးပေါင်းရင်းမြစ်များ

2 Samuele 7:9

nan a gwon ko do i piritön liŋ nagon do a tiri kunu, ko aje ’duŋörö merok kulök liŋ kaŋo konut; a nan mo tiŋdi karin kunök i kuön parik gwoso karin ti ŋutu temejik ti na kak.

2 Moran 1:2

A Akajia iŋge ’duruun kak i kulu-pit na koŋilore nanyit na gwon Samaria nu, a nye tanani tana; a nye yokije ŋutu adi, Iti ta, piyuŋdye ta ko Bala-sebuba nun lo Ekuron kode nan ŋona ruru i lo twanti.

1 Dekat 7:21

ko Tabada ŋuro lo Takat, ko Sutelak ŋuro lo Tabada, se ko Ejer ko Elada lo tatua ko ŋutu ti Gata logon a komonye jur, kogwon se a tu i ryaggu na kisuk kase.

Amosa 1:8

A nan mo tukaŋi ŋutu lo si ’da Asedoda, se ko nye lo morga ture lo tumatyan Asekelon yu. A nan mo konakiŋdye Ekron arabat, a ŋutu ti Pelesete mo tine pituŋdyö kwoŋ. Kilo a kulyaesi kwe ti MATAT.

Amosa 6:2

Lwoŋoddi ta Kalene, ko meddi ta, a kirut nyu iti ta Kamat duma a kirut lulurara ta Gata na ŋutu ti Pelesete. Tumatyanjin kase ŋona ti lwöŋ tumatyanjin kasu le?

Yosua 13:3

(nagon suluja Sikor na gwon i swöt lo ’yure lo Ejipeto, tojo ko lokökorit lo Ekron i swöt lo lobot, ŋilo swöt a kenaki a lo ŋutu ti Kanana; a kimak ti Pelesete gwe mukanat, logon a ti Gaja, ko Asedoda, ko Asekelon, ko Gata, ko Ekron). Köti koresi ti ŋutu ti Awa nyuŋ a pituŋdyö i moka,

Yosua 15:11

a lokökorit loraddi tojo Sikeron, a Lwoŋöddi ŋerot tojo ko mere Bala, a iti kaŋo tojo ko Yabenele; nyena a lokökorit ’dutökiŋdye i tör duma na ’balaŋ.

Yosua 15:45

Ko Ekron ko köjinö kanyit se ko turön kanyit;

Ka’duŋök 1:18

A ŋutu ti Yuda köti morgi Gaja se ko koresi kanyit, ko Asekelon se ko koresi kanyit, ko Ekron se ko koresi kanyit.

1 Samuele 17:52

A ŋutu ti Yisaraele ko ti Yuda ŋine ki, a sirani sira, a riköddi ŋutu ti Pelesete tojo ko Gata, tojo ko kötumi-tön ti mariŋ na köji na Ekron. A ŋutu ti Pelesete logon a böböŋöji kulo ’do ’done i kiko a twatwa, suluja Sarayim tojo Gata ko Ekron.

1 Samuele 5:11

Nyenagon a se sonyoddi lore a momori kimak liŋ ti Pelesete i pirit na geleŋ, a jambi adi, Sonye ta kaŋo saŋduk na ŋun lo Yisaraele ko ti lepeŋ nyököjine kanyit i pirit, an ko tatuja yi ko ŋutu kaŋ. Kogwon kujönö na twan gwe i köji ’bukuluŋ. A könin lo ŋun gwe pömöni parik nyu.

1 Samuele 5:9

A ko gwe sona nagon se aje ’doggu lepeŋ nyu nu, a könin lo MATAT gwe i yöyöŋgu na köji ko kujönö a duma parik, a nye tomije ŋutu ti köji, lo ’di ’dik ko temejik, a köruru ratuŋdye kaŋo kase i mugunya.

1 Samuele 6:1

A saŋduk na MATAT iŋge gwon i jur lo Pelesete ko yapala buryo.