1 Samuele 4:3 - Bibilia Buk na Ŋun nagon koti luŋu a

³ A nagon kamörök aje ’dur i mera nu, a temejik ti Yisaraele pije adi, Nyo nagon MATAT lolor tiŋdu ŋutu ti Pelesete i te ’ya na yi i lo lor? Ti yi joŋdi ta ni saŋduk na tomoret na MATAT Silo yu, anyen nye böŋö po kayaŋ kiden i lwökuŋdyo na yi i riŋit na merok kaŋ.

1 Samuele 4:3 ပူးပေါင်းရင်းမြစ်များ

2 Samuele 15:25

A mor kulyani ko Sadok adi, Nyökörö ta saŋduk na Ŋun köji kata. Ko ködyö nan a ryeju ’busan ko MATAT i komor, a lepeŋ ködyö nyökuŋdye nan anyen tiŋdu nan i meddya na lepeŋ ko kadi nanyit;

1 Dekat 17:1

A ko gwe sona nagon Dawidi si ’dani kanyit kadi, a nye kulyani ko nebi Natana adi, Mete, nan lo si ’dani i kadi na tetena ko kaden logon gwoso tika, ama saŋduk na tomoret na MATAT nu gwon i kemia.

Saumajin 74:1

Pon Ŋun, nyo do a ŋaju yi asut? Ko nyo woran inot a tulekin i yi yidin nagon do yuyuk kune?

Saumajin 74:11

Nyo do a nyökörö könin ilot lutaten? Ŋutundye lepeŋ kaŋo konut i ku-ku ’di ko tukaŋi se.

Yisaya 50:1

MATAT lo kulya sona adi, Niya waraga yanyet na ŋuti nagon nan a yaŋdi lepeŋ na? Kode nan a tugwörökiŋdyö ta ko lon ŋuto logon nan a kuŋö gurut ko lepeŋ? Meddi ta, ta a tugwörö kogwon ŋonyesi kasu a ŋuti aje yanya kogwon tyapesi kasu.

Yisaya 58:3

A se pipije adi, Ko nyo yi a miŋdya, a do tine meddya? Ko nyo yi a toko yokuŋdya ’börik, a do tine yeyeju kine kulya? Meddi ta, i lor minyet losu ta a ga ’yu kulya kasu, a ta ru ’ye kakitak kasu liŋ.

Yisaya 59:1

Meddi, könin lo MATAT ’bayin a lorutut anyen gwon ti bulö lwöŋgu, kode swö kanyit ti gwon pömöni anyen gwon ti bulö yiŋga;

Yisaya 59:2

ama ŋonyesi kasu koŋa ta ko Ŋun losu, a nje iŋge muk komor nanyit a tine yiŋ ta kogwon toronjin kasu.

Yeremia 3:16

Nan MATAT lo kulya adi, A nagon ta aje ŋdi ko aje wora jore i jur i kilu perok nu, a ŋutu mo tine jambu köti i kulya ti saŋduk na tomoret nio na MATAT. A se mo tine den lepeŋ, kode yeyeju lepeŋ, kode tiŋdu lepeŋ kase i töilyet; a lepeŋ mo tine tetena köti asut.

Yeremia 7:4

Ta yeŋon kulya adi, Na a kadi na MATAT, na a kadi na MATAT, iŋkoi, na a kadi na MATAT. Kine kulya kasu na jam ta kine a ’burönö, an ta ko yuŋ ta se.

Kenet 10:33

Nyena a se yuörö koŋa i mere lo MATAT i jölö na perok musala; a saŋduk na tomoret na MATAT aje joŋa kase ŋerot i jölö na perok musala, i galakiŋdya na se pirit yukaet.

Kenet 10:35

A ko gwe sona, na toŋiöddi se saŋduk nu, a Mose kulyani adi, Dine ki pon MATAT, ko ti kaŋisak kulök toreani torea; ko ti kamanak kulök wöki wökön konut i komor.

Kenet 31:6

A Mose soŋdi se i ŋor, alipan geleŋ geleŋ i kötumitön liŋ i pirit na geleŋ ko Pinasa ŋuro lo koane Elejara, logon tito nake na rurwan se ko burugijin logon kutarikin sörösi gwon kanyit i könin lo.

Nyökit 29:24

Nyena lepeŋat se ko jurön liŋ mo ŋa adi, Ko nyo nagoŋ MATAT a konakiŋdya ŋilo jur sona? Tupape na ŋina woran duma kweja nyo?

Nyökit 31:26

’Dumaddi ta ŋina buk na saresi, ko tiki ta lepeŋ i merete lo saŋduk na tomoret na MATAT Ŋun losu, anyen nye böŋö gwolor nyu a tokoret nasu.

2 Timoteo 3:5

Lepeŋat mo ’debba keri lo Ŋun a kweyet kana, ama a se renyani riŋit na lepeŋ. Gwe pajo i kilo ŋutu.

Ebere 9:4

Lepeŋ gwon ko pirit ’yuret na bökur nagon tetena ko dakap, se ko saŋduk na tomoret a mulunyö liŋ ko dakap. A i lukata na ŋina saŋduk gwe a mu ’da logon a dakap logon gwon ko mana i lukata nanyit, köti i ŋina saŋduk a gwe a ture lo Arona logon aje wilan, se ko ŋurupö murek na ’dayatak nagon kulyaesi ti tomoret a wuröki nyin.

Yosua 4:7

Nyena a ta mo waddi se adi, Kogwon ’dokon na kare Yardene a goko ko saŋduk na tomoret na MATAT i komor na laŋgi lepeŋ Yardene nu, a kare Yardene iŋge goko. A kine ŋurupö mo gwe a toyeyeet i ŋutu ti Yisaraele ŋupi.

Yosua 6:6

A Yosua ŋuro lo Nun lupundye koanejin kulo, a kulyani ko se adi, ’Dumuŋdye ta saŋduk na tomoret, ko ti koanejin buryo ’depaddi toriot buryo logon a oŋgwora ti lopijoki ko saŋduk na MATAT i komor.

Yosua 7:7

A Yosua kulyani adi, Wöidiö, pon MATAT Ŋun, ko nyo do aje jon kulo ŋutu i na pele na Yardene, anyen pakiŋdya yi ko ŋutu ti Amori i könisi i tukaŋu na yi? A na ’but bia koyi ködyö aje ruggö si ’da yu i nu pele na Yardene!

Yosua 7:8

Pon MATAT, a nan de kulyani adi nyo nagon ŋutu ti Yisaraele aje lopukökin merok kase ki ’dirinö kase!

1 Petero 3:21

Kine pioŋ a kweyet na batisimo nagon lwöggu ta soŋinana. Batisimo ti gwon a lalaet na lut ti mugun, ama a milye logon milyeki Ŋun ko töili lo ’but. Batisimo lwöggu ta kogwon ŋien na Yesu Kristo i twan.

Yuda 1:5

Ta köju a den kine kulya liŋ ’bura, ama soŋinana nan ’dek toyiyikiŋdyö ta; Matat aje Lwökuŋdyö ŋutu ti Yisaraele kaŋo i jur lo Ejipeto, ama i mukök a nye iŋge tukar ŋutu logon a ko yubbö kulo.

1 Samuele 1:24

A nagon ŋuro aje kö ’yu nöggu nu, a ŋote joŋgi lepeŋ se ko dwöt lo kiŋajin musala ko epa gepeŋ ŋa ’bolot, ko jurak lo binyo; a nye joŋdi Samuele Silo ko MATAT kadi; a ŋuro lu nyuŋ gwon a lo ’dit.

1 Samuele 14:18

A Saula kulyani ko Akiya adi, Joŋdi ni saŋduk na ŋun. Kogwon i nu diŋit ŋutu ti Yisaraele wörö ko saŋduk na ŋun i pirit na geleŋ.

1 Samuele 4:2

A ŋutu ti Pelesete ’dakaki i moro ko ŋutu ti Yisaraele, a nagon se aje toru-mbö i moro nu, a ŋutu ti Pelesete te ’yi ŋutu ti Yisaraele; a se iŋge tatuja ŋutu gwoso aliŋan iŋwan i pirit na gor.