1 Samuele 4:21 - Bibilia Buk na Ŋun nagon koti luŋu a

²¹ A nye gwije ŋuro lo a Ikaboda, kulya adi, Bulet aje wusaddu kaŋo i Yisaraele! Kogwon saŋduk na ŋun aje moka. ko koti kogwon ŋogwo lonyit ko lalet lonyit aje twatwa.

1 Samuele 4:21 ပူးပေါင်းရင်းမြစ်များ

Saumajin 106:20

A se togwoji minyo lo Ŋun ko nyömue logon gwoso tagwok na nyesu döru na.

Saumajin 26:8

Pon MATAT, nan nyanyar si ’da konut kadi, i ŋirit na gwiliŋgi minyo ilot na.

Saumajin 78:61

a nye tindi kweyet na riŋit nanyit i joŋa i to ’duŋien, iŋkoi, a wukindye kweyet na minyo lonyit i könisi ti merok.

Saumajin 78:64

A koanejin totokoni kak ko bandujin, a karu ’bejin kase tine gwien se.

Yeremia 2:11

’Diri jur ŋona kata logon a löpuggö ŋunyen kanyitma ’di nagon se ’bayin a ŋunyen na le? Ama a ŋutu kwe kölumbö löpuŋge nan Minyo lose kogwon ŋunyen kana logon ’bak ’bulit.

Delyasi 2:1

A dyoŋ, MATAT ko woran nanyit aje jakin köji na Siona mudwe! Lepeŋ ki yu aje gubun kwelen na Yisaraele kak, i lor lo woran nanyit a nye gwe a ko yeye Siona nagon a tokit nanyit na mokosi.

Osea 9:12

Ma ’di se a wowoja ŋwajik, nan mo tutu ’baka Lepeŋat tojo lele ’bayin lo pituŋdyö. Wöidiö i se i diŋit nagon nan kölökiŋdyö Lepeŋat!

1 Samuele 14:3

se ko Akiya, ŋuro lo Akituba, luŋaser Ikaboda, ŋuro lo Pinasa, ŋuro lo Eli koane lo MATAT Silo yu. A Akiya jupuni epoda. A ŋutu gwe a ko den adi Yonatana a tu kaŋo.

1 Samuele 2:34

A ŋina mo gwe a kweyet konut i kulya nagon mo ’dukin i ŋwajik kulök murek kulo logon a ko Openi ko Pinasa, kweja adi se liŋ murek mo twatwa i lor gepeŋ.

1 Samuele 3:12

I ŋilu lor nan mo kökonakin Eli ŋo liŋ nagon nan a kulyari i kulya ti kotumit nanyit kune suluja i suluet tojo ko ’dutet.

1 Samuele 4:11

A saŋduk na ŋun iŋge moka; a ŋwajik murek ti Eli logon a ko Openi ko Pinasa iŋge tatua.

1 Samuele 4:22

A nye kulyani adi, Bulet aje wusaddu kaŋo i Yisaraele kogwon saŋduk na ŋun aje moka.