1 Samuele 4:10 - Bibilia Buk na Ŋun nagon koti luŋu a

¹⁰ Nyena a ŋutu ti Pelesete möröni möro, a ŋutu ti Yisaraele iŋge tela, a se liŋ geleŋ geleŋ wöki kase i midijik; a torem gwe a duma parik, kogwon ŋutu ti Yisaraele logon a kamörök logon aje tatua kulo gwe gwoso aliŋan merya musala lo woro ko mok.

1 Samuele 4:10 ပူးပေါင်းရင်းမြစ်များ

2 Samuele 18:17

A se ’dumuŋdye mugun na Abisaloma a gubaddi i dili duma na gwon i rudu lukata, a sobbi ŋurupö a ’dome duma parik ko lepeŋ i kwe; a ŋutu liŋ ti Yisaraele wöki wökön kase i midijik.

2 Samuele 18:7

A köliŋönök ti Dawidi iŋge te ’ya ŋutu ti Yisaraele nyu, a ŋutu jore iŋge tatua i ŋilu lor a aliŋan merya murek.

2 Samuele 19:8

A kirut a mor ŋine ki a si ’dakine kanyit i si ’daet na gwon i kötumit na köji na. A se takiŋdye ŋutu liŋ adi, Mete, mor lu gwe i si ’da i kötumit, a ŋutu liŋ momoruŋdye ko mor i komor. Ama ŋutu liŋ ti Yisaraele aje wökön kase i midijik.

2 Samuele 20:1

A lele ŋuto mök gwe nyu karin kanyit a Seba, ŋuro lo Bikiri Benyaminatyo; a lepeŋ kuddye tore adi, Kulya kaŋ ’bayin ko Dawidi, yi ’bak lomore i ŋuro lo Yisai;ta ŋutu liŋ ti Yisaraele, yitöni ta kasu i midijik!

1 Moran 12:16

A ŋutu liŋ ti Yisaraele ko meddi adi mor ti yiŋ se, a se nyökökiŋdye mor ruket adi, Kulya kaŋ a nyo ko Dawidi ŋuro lo Yisai? Yi ’bak nene lomore ko lepeŋ. Ta ŋutu ti Yisaraele, yitöni ta kasu i midijik! Ta ŋutu ti Dawidi, sopinana meddi ta kötumit nasu. A ŋutu liŋ ti Yisaraele reara kase i midijik.

1 Moran 22:36

a i diŋit na sömukö a ŋuto laikiŋdye teŋ na kamörök liŋ adi, Iŋgo ta! Ti ŋutu liŋ iti kase i köjinö ko kase i jurön!

2 Moran 14:12

A ŋutu ti Yisaraele te ’yi ŋutu ti Yuda, a ŋutu liŋ geleŋ geleŋ woki kase midijik.

2 Dekat 13:17

A Abiya se ko ŋutu kanyit tatuje lepeŋat jore parik; a kamorok ti Yisaraele lo nyunyumwe iŋge reremo alipan miajin mukanat.

2 Dekat 25:22

A ŋutu ti Yisaraele te ’yi ŋutu ti Yuda, a ŋutu liŋ geleŋ geleŋ woki kase midijik.

Saumajin 78:9

Ŋutu ti Epuraima logon wörö ko daŋin kilo, a löpukwe bot i lor möriet, a iŋge wökön.

Yeremia 7:12

Iti ta soŋinana i pirit nio nagon köju gwon Silo nu, nagon nan a tin karin kwe i si ’da kata a kokwe köju nu, ko mete ta ŋo naron nagon nan a konakin ŋinu pirit kogwon toronjin ti ŋutu kwe Yisaraele.

Lewi 26:17

a nan mo tiŋdi komor nio a naron ko ta, a ta mo telani tela ko merok kasu i komor; a se lo maŋdu ta kulo mo tumatyane ko ta, a ta mo wöki wökön ’bak ŋutu lo riköddu ta.

Nyökit 28:15

Ama ko ta ködyö ti yiŋga gworo lo MATAT Ŋun losu i tiju i koŋdya na jujuwesi kanyit liŋ kode saresi kanyit lo wurö logon nan a saŋi ta i lo lor kulo, nyena a kine lömisi liŋ mo poki kasu a baranyakiŋdye kasu ki.

Nyökit 28:25

A MATAT mo tiŋdi ta i tela ko merok kasu i komor; a ta mo lupuŋdye kaŋo ko se ko kiko geleŋ, a mo toreajine kaŋo kase i komor i kikolin buryo; a tumatyanjin ti kak liŋ mo rigwokoni rigwökö ko kulya kasu.

1 Samuele 3:11

A MATAT kulyani ko Samuele adi, Mete, nan mo kokoŋdya nene ŋo i Yisaraele, anyen ŋutu liŋ logon mo yiyiŋga ŋina ŋo kilo a swo kase liŋ mo gigiŋge gigiŋga adi birr.

1 Samuele 4:2

A ŋutu ti Pelesete ’dakaki i moro ko ŋutu ti Yisaraele, a nagon se aje toru-mbö i moro nu, a ŋutu ti Pelesete te ’yi ŋutu ti Yisaraele; a se iŋge tatuja ŋutu gwoso aliŋan iŋwan i pirit na gor.