1 Samuele 3:7 - Bibilia Buk na Ŋun nagon koti luŋu a

⁷ Ama Samuele a ko nyuŋ den MATAT, a kulyaet lo MATAT gwe a ko nyuŋ kweki lepeŋ.

1 Samuele 3:7 ပူးပေါင်းရင်းမြစ်များ

Yeremia 9:24

ama ti ŋuto logon bubu ’ya lo ti nye bubu ’ye tuŋ kogwon nye kukurun kulya kwe ko deden nan. Kogwon nan a MATAT, nan kwekiŋdya nyaŋu nagon ti ’duddyö kwöŋ, mora ko ’duŋgö na putet gwogwo se ko löti lo rigwo i kak ni. Nan lyölyöŋön kogwon kune ŋo. Kilo a kulyaesi kwe ti MATAT.

Konesi 19:2

a nye pije se adi, Ta ŋona a wuju Mulökötyo Loke na yubbe ta nu le? A se waddi adi, ’Bayin, yi kwöŋ a ko yiŋ adi kode ŋona Mulökötyo Loke gwon kata.

1 Korinto 13:11

Na gwoŋdi nan köju a lupudi nu, jamesi kwe a ti tolupudien, ko denesi kwe a ti tolupudien se ko yeyeesi kwe a ti tolupudien. Soŋinana nan gwe a ŋuto lo wora; nan aje kölökin konesi ti tolupudien.

1 Samuele 3:6

A MATAT luŋgu luŋgu koti adi, Samuele! A Samuele ŋine ki a iti ko Eli yu, a kulyani adi, Nan malo, kogwon do a luŋgu nan. A nye waddi adi, Nan a ko luŋgu do ŋuro liŋ; tu pirikine kak köti.

1 Samuele 3:8

A MATAT köti luŋgu Samuele daŋ tomusala. A nye ŋine ki a iti ko Eli yu, a kulyani adi, Nan malo, kogwon do a luŋgu nan. A Eli kuruŋdye adi ŋilo a MATAT lo luŋgu lo ŋuro.