1 Samuele 3:17 - Bibilia Buk na Ŋun nagon koti luŋu a

¹⁷ A Eli pije adi. ŋo a nyo nagon MATAT a takin do? An do ko ’delakin nan se böŋö. Ti ŋun konakiŋdye do nene ŋo naron ko lwölwöŋ kine köti ko do a ’de ’ya nene ŋo köyö i ŋo liŋ nagon nye a takin do kine.

1 Samuele 3:17 ပူးပေါင်းရင်းမြစ်များ

2 Samuele 14:18

A mor nyobbi ŋuto na adi, An do ko muggo nene ŋo köyö nagon nan a piyun konut na. A ŋuto na kulyani adi, Ti mor duma liŋ böŋo jambi.

2 Samuele 19:13

Köti ŋine ta Amasa adi, Do ’bayin a kuyu kwe ko a mugun nio le? Ti Ŋun konakiŋdye nan sona ko lwölwöŋ kine köti ko ködyo do ti ruddya pirit na Yöaba duma lo ŋutu kwe kamörök suluja i na diŋit tojo ko ŋerot.

2 Samuele 3:35

A ŋutu liŋ poŋdi i sugga na Dawidi anyen ko tiŋdu lepeŋ i nyesu na kinyo i diŋit na tuparan; ama a Dawidi milyeji adi, Ti ŋun konakiŋdye nan sona ko lwölwöŋ kine köti, ko nan de a ’de ’deŋdya ambata kode nene ŋo tojo ko sömukö.

2 Samuele 3:9

Ti Ŋun konakiŋdye nan Abiner sona ko lwölwöŋ kine, ko nan a ko konakin Dawidi ŋo nagon MATAT a milyekin lepeŋ nu,

1 Moran 22:16

Ama a mor kulyani ko lepeŋ adi, Nan a saŋu do daŋin muda adi do ti jamakiŋdya nan kulya ’burönö ama tuŋ a ti tugwakan i karin ti MATAT.

2 Moran 6:31

A nye kulyani adi, Ti MATAT kona-kiŋdye nan sona ko Iwolwoŋ kine koti ko kodyo kwe na Elisa ŋuro lo Sapat de nyuŋ gwon kanyit i mugun i lo lor.

Saumajin 141:5

Kulya ’bayin ko ŋuto lo ’but a gwuddyö nan, kode a riŋga nan ko töili lo ’but; ama nan ti ’bön ŋuto loron i we ’ya na kwe nio ko welet, kogwon nan ŋupi momo ’yu Ŋun an konesi kanyit narok puputuru ŋerot.

Yeremia 38:14

A mor Sedekia soŋdi ŋuto i dogga na nebi Yeremia, anyen jwe kanyit ni i kötumit tomusala na lupörikin i kadi na MATAT. A mor kulyani ko Yeremia adi, Nan ’dek pija do; an doko mukökin nan nene ŋo.

Yeremia 42:4

A nebi Yeremia waddi lepeŋat adi, Nan aje yiŋ ta; mete ta, nan de momo ’yu MATAT Ŋun losu gwoso na ’deggi ta na, a nan mo nyönyökökiŋdye ta ŋo nagon MATAT a rukökin ta na ko ŋina ŋo a nyo, iŋkoi, nan mo ti mukökin ta nene ŋo.

Daniele 4:19

Nyena a Daniele logon a gwiyo a Beletesasar lo iŋge wanya diŋit a na ’dit, a yeyeesi kanyit iŋge tokujoŋdu lepeŋ. A mor kulyani ko lepeŋ adi, Beletesasar, ti rudweet ko tokoret nanyit gwe ti tokujoŋdu do. A Beletesasar ruŋge adi, Pon duma lio, ti ŋina rudweet ködyö gwe a na kamanak kulok, ko ti tokoret nanyit gwe a na merok kulok!

Mika 2:7

Ta kotumit na Yakobo, ŋuto ŋona bubulo pija adi, MATAT ’bak toili ŋŋget lo kulya le? Kine a konesi kanyit le? Kulyaesi kanyit ŋona ’bayin a lo ’but i ŋutu logon woro rigwo le?

Kenet 23:17

A nye yitöni ko lepeŋ yu, a ko ryeji lepeŋ gwo ’dan i tiju na rubaŋga lonyit lo ’yu ’yura ’buluŋ, a ŋutu lokukwön ti Moaba gwe ko lepeŋ. A Balak pipije lepeŋ adi, MATAT a jambu adi nyo?

Matayo 26:63

Ama a Yesu yiŋani taliŋ. Köti a kijane duma kulyani ko lepeŋ adi, Nan tiŋdu do i milyeju i ’diŋdya na Ŋun lo gwon jörun lo adi, tuköki yi ko do a Masia Ŋuro lo Ŋun.

Ruta 1:17

ko do de twakin da a nan de twaki nyu, a nukani nyu. Ti MATAT konakiŋdye nan arabat ko lwolwoŋ kine koti ko kodyo ’bayin a twan na koŋa yi ko do.

1 Samuele 14:44

a Saula milyeji adi, Ti Ŋun konakiŋdye nan sona ko lwölwöŋ kine; do Yonatana ’diri de tatatua.

1 Samuele 20:13

Ama ko ködyö baba a wakun konakiŋdya do arabat, a ti MATAT konakiŋdye nan nene ŋo ko lwölwöŋ kine köti ko nan mo ti tukökiŋdyö do i soŋdu na do kaŋo ko taliŋ. Ti MATAT gwe ko do, gwoso na gwoŋdi nye ko baba köju nu.

1 Samuele 25:22

Ti ŋun konakiŋdye nan sona ko lwölwöŋ kine köti, ko nan ködyö a kölökiŋdyö tojo ko ko ’bure ma ’di ŋuto lalet geleŋ i ŋutu ti Nabala liŋ.

1 Samuele 3:16

A Eli luŋgu Samuele adi, Samuele, ŋuro liŋ! A nye ruŋge adi, Nan malo.